Marcos 1:43 - Dios Iwene

^43-44 Ikenama Jesúsma söawibanö otidajökwenöma lȩbebö jö̧ba̧lijetö: —Ökwönö chotidaja̧ ju'wedönö yöbawökönö Diostjö jojodötjö ö'weje pjabato̧ ö̧jobekwö 'ya̧wi—webijetö—. Jobe ichibö ö'weje pjabato̧nö kwi̧sekwo ökwönö söawibaja̧ma, öwaisachibo. I̧sekwajo̧ma Moisés damötjö weinadanö kwiyo, Diosnö juwö iyawama. Jojodöma ökwö juwö kwiyobe edinö tjöwaisakobe ökwö kwi̧sȩdo̧ 'wabibö kwö'wöchi̧ söawibajökwe kwö̧jobema— jö̧ba̧lijetö Jesúsma ö'wöchaja̧ söawajökwenö.

Marcos 1:43 Referans Kwoze

Mateo 9:30

Juluwanö Jesús yöawaja̧danö, tjöbajalebiya otiwachibinobe, ja̧danö Jesúsma jobadönö weinobe: —Jojodönö yöbawökönaduwi ökwödönö pjatataja̧ma— jö̧ba̧lö jweinö weinobe.

Lucas 8:56

Jejenö balediawö̧, tjemu jojo'dobi jabe'dobi tjöbajale jalaka baibanö tjedinobe, ja̧danö Jesúsma jobadönö weinobe: —Ju'wedönö yöbawökönaduwi biya̧ baledaja̧ma— jö̧ba̧lö.

Marcos 7:36

Ja̧danö, Jesúsma webijetö jobe ju̧kwadönö ju'wedönö yötja̧lokobö. Jejenö weaja̧jayonö jobadöma a̧ja̧kwijöködötö. Jemi tupakwö ja̧ baledaja̧ma ba̧jekwadönö yöba̧lijadötö.

Marcos 5:43

Ikenama Jesúsma webijetö jobadönöma ju'wedönö yötjawokobö. Ikenama webijetö jukwobö tjiyobö tjemunö.

Marcos 3:12

Jejenö jwötjeba̧lökwe Jesúsma labinö webijetö tjo̧'wo̧ luwo̧nö sulabedönöma: —Ökwödö yöka̧laduwaja̧ma, Jesúsma Dios Itji̧, jö̧ba̧löma, jojodönöma ¡yöka̧laduwa!—webijetö.

Marcos 1:42

jö̧a̧lemi i̧sȩdo̧ jwiinö 'wabibö ö'wöchaja̧ma omönanö söawibijetö ö'wöchi̧ jwiinö.