Marcos 1:10 - Dios Iwene

¹⁰ Ojwenö ubu̧datajökwe Jesúsma ojwe okwatjö a̧laibö möakwö pöbamö edemi mölejȩ po̧ekwachibobe edijetö. Mölejȩ po̧ekwachibobetjö iteda ö̧jobekwö Dios O̧'wo̧ Luwo̧, mö köba̧lo̧ yu̧nu̧ku̧ meibi̧danö, itenö öwamatobö meibobe edijetö.

Marcos 1:10 Referans Kwoze

Lucas 3:22

Ja̧danö Dios O̧'wo̧ Luwo̧ma atji̧onö yunukodanö ichejekwo̧ jwibachibö Jesúsnö öwamatinobe, ja̧danö ju'wibi mölejȩbetjö iwene ökwöinobe, Ökwöma chösödökwe chitji̧ja, cho̧'wo̧ ösöwanö chösödobe ökwönö, jö̧ba̧lö.

Mateo 3:16

Jesúsnö ojwenö ubu̧dataja̧ ikena, ojwetjö a̧laibinobe Jesúsma, ja̧danö a̧laibenama, möleje po̧ekwachibobe edinobe, ja̧danö mö köba̧lo̧ yunuku jwiachi̧danö Dios O̧'wo̧ Luwo̧ jwibachö Jesúsnö öjamatobe edinobe.

Isaías 64:1

Chuluwo̧ Dios, mölȩjȩ kȩ'ebö, bö̧jȩkwö kwichitjö̧ma otiwo jö̧a̧lena. Jobekwö kwichitjö̧ma, kwöba a'otjö tjö̧awena mösa'ijuma.

Isaías 42:1

Baikwö laebobe Dios yöa̧li̧ma: Bitema ötjöda omudawö chujuninökwe chömöayo̧, ujuluwachibanö pjatjatökwema. Jo̧bama ötjö ile 'di̧tebökwe. Jo̧banö chiyajabe ötjöda Cho̧'wo Luwo̧nö, ja̧danö jo̧bama jweinö lȩebo jö̧a̧li̧danö lȩebakwo̧ tjitebotenia jojojodönö.

Marcos 1:9

Juan jojodönö Jordán ojwenö bu̧datö ö̧jonö, Jesúsma jelobetjö, Galilea niji Nazaret comunidadtjö labebö 'yi̧jetö Juan ö̧jobekwö. Ichibajo̧nö Juanma Jordán ojwenö bu̧datijetö Jesúsnöma.

Marcos 1:11

Ja̧danö, mölejȩbetjö Dios iwene ökwöijetö, baikwö ökwöi̧ma: —Ökwöma ötjöda chösödökwe chitji̧ja. Cho̧'wo̧ ösöwanö chösödobe ökwönö— jö̧ba̧lö ökwöijetö.