Lucas 9:45 - Dios Iwene

⁴⁵ Jesús jejenö jweinö iteda öba̧ja̧di̧ waisachadönö yöawinajayonö, yöawi̧ otiwanö do̧batö tja̧ja̧kwinokobe. Jobadöma Jesúsnö la'aka duluwo̧ baibakwo̧ jö̧ba̧lö ida̧ökö tjomukwatobetjö̧, woakwa̧ yöawi̧ma otiwanö badekwachinokobe jobadönö, ja̧danö otiwanö tja̧ja̧kwobö jwiinobe. Ja̧danö, ju'wibi otiwanö tja̧ja̧kwököjayonö, abebö tja̧ja̧kwobö yetjabinobe, jo̧kwajabetjö̧ jweinö yöawijayonö, otiwanöma do̧tja̧tinokobe.

Lucas 9:45 Referans Kwoze

Lucas 18:34

Jobekwö jweinö yöawinobe Jesúsma, Jerusaléntjö iteda woakwa̧ wenema, jo̧kwaijayonö jweinö yöawijayonö, yöawi̧ otiwanö do̧batöma tja̧ja̧kwinokobe Jesús webawedöma. Jobadöma baledakwa̧ wainö tjomukwatinobe, jo̧kwajabetjö̧ jweinö yöawinajayonö öwawinokobe jobadönö, ja̧danö otiwanö tja̧ja̧kwobö jwiinobe.

Juan 12:16

Jesús öba̧ja̧di̧ waisachadöma jejenö baledi̧ tjedijayonö tjomukwatinokobe, Aaa, biya̧ma damötjö tjiwȩyudinadanö wanekwacha, jö̧ba̧löma. Jejenöma tjomukwatinokobe. Jo̧kwaijayonö ju'wi möle, Jesús mölejȩbe kaekwachajabe okobetjöma tjöwaisachibakwedö, Aaa, ajayinö Jesús bulu itji̧nö wa̧nö ichinama damötjö tjiwȩyudinadanö wanekwachinobe, jö̧ba̧lö.

Lucas 2:50

Ja̧danö, jejenö atadijayonö, jobadöma otiwanöma tjöwaisachibinokobe yöa̧li̧ okwa jawama.

Marcos 9:32

Jejenö yöawijayonö Jesús öba̧ja̧di̧ waisachadöma do̧batiböma a̧ja̧kwijöködötö, ¿Dakwö jö̧ba̧lö yöbawo̧jö? jö̧ba̧lö. Wajwitjobetjö̧ yebabinö abebö a̧ja̧kwijöködötö Jesúsnö, ¿Dakwö jö̧ba̧lö yökawa? jö̧ba̧löma.

Juan 14:5

Tomás jö̧a̧linobe: —Chuluwo̧ ¿dakwö yöka̧la, Chi̧'yakwemi 'ya̧kwawama kwöwaisaduwobe, jö̧ba̧lö? Wajwibadösa. Jobekwö 'ya̧kwawa döwaisoböma jwiobe— jö̧a̧liökwe:

Juan 12:34

Jejenö yöawawö̧ jojodöma: —¿Dakwö yökawa, towisa'onö bȩbö tjujunakwo̧sa, jö̧ba̧löma? Damötjö wȩyudinadöma jejenöma tjiwȩyudinokobe Dios weakwo̧nö, jojodö tjö̧jibinö pjaatobö weakwo̧nöma. Jejenömaökö. Dios weakwo̧ma ba̧kwȩlö̧jatebö ö̧jakwo̧, jö̧ba̧lö, tjiwȩyudinobe. Jo̧kwaobetjö̧ ¿dakwö yökawa jojo babibö jeminökwenöma?— abebö tja̧ja̧kwinobe Jesúsnöma.

Marcos 9:10

Ja̧danö, jobadöma Jesús wei̧ tja̧ja̧kwobetjö̧ ju'wedönö yöbawijöködötö. Jo̧kwaijayonö Jesús jö̧a̧laja̧ma, wobajo̧ yemidanö tjeachajakwawama Pedro, Jacobo, Juan, ¿Dakwö jö̧ba̧lö jö̧a̧laja̧da? jö̧ba̧lö, idödada yöba̧lakwawijadötö.

Mateo 16:22

Jejenö yöawökwe, Pedroma jo̧banö do̧batö yöa̧linobe: —Chuluwo̧, sulabenö yöka̧la. Jejenöma la'akatjöda baledökena ökwönö, Dios weökena— jö̧ba̧lö.

Lucas 9:46

Jemi ikenama, Jesús öba̧ja̧di̧ waisachadöma jwöjwöbakwawö yötja̧lakwawinobe: — Ökwödötjö ¿diteda Jesús öba̧ja̧di̧ waisachadötjö bajalekwönönö mikwawo̧ma?— jö̧ba̧lö.

Mateo 17:22

Jemi ikenama, Galilea nijinö ja̧nö tjoko̧ko̧kwenama, Jesúsma iteda öba̧ja̧di̧ waisachadönö yöawinobe: —Ötjö jojo baibanö jeminökwenö iyö lotjakobe,

Juan 4:33

Jejenö jö̧a̧lawö̧, Jesús öba̧ja̧di̧ waisachadöma wajwitjinobe wanedöda yöawi̧ma, Kwakwawada yöa̧la, jö̧ba̧lö. Jobadöma abebö tja̧ja̧kwakwawinobe, idödada: —¿Ti iyaja̧da kwakwawa jo̧banöma?—abebö tja̧ja̧kwakwawinobe, idödada.