Lucas 8:46 - Dios Iwene

⁴⁶ Jejenö yöa̧lijayonö Jesúsma atadinobe: —Chöwaisa ötjönö majaja̧ma, majenama isabenö jö'wöchi̧tjö jö̧biba̧jinö otidö lotajobetjö̧— jö̧ba̧lö.

Lucas 8:46 Referans Kwoze

Lucas 6:19

Jojodö Jesúsnö matjenama, Jesús ujulutjö mabadöma tjö'wöchaja̧tjö tjö̧bibajinobe, jo̧kwajabetjö̧ okobe deinö Jesúsnö matjobö tjisakwinobe, jejenö matjenama tjö'wöchi̧tjö tjö̧bibajakobetjö̧. Ja̧danö Jesúsma okobe deinö jobadönö otidö loinobe.

Lucas 5:17

Ju'wi möle, Jesús jojodönö öba̧ja̧donö, judío jojodö tjuluwedötjö ju'wedöma Jesúsnö edö tjichinobe. Jobadö luwedöma fariseo jojodö ötjabiwö̧tjöbi, Moisés iwȩyudina ba̧ja̧dadöbi tjichinobe, ja̧danö ichibö Jesús ipjeanö tjöba̧jinobe. Jobadöma jelobeteniatjö tjichinobe, Jesúsnö tjedobö, Galilea niji comunidadteniatjöbi, Judea niji comunidad Jerusaléntjöbi, ju'wi Judea niji comunidadtjöbi, ja̧danö ichajadö Jesús ipjeanö ba̧nö tjeda̧linobe. Duluwo̧ Dios ujuluma isabenö Jesúsnö ji̧nobe, otiwanö jojodö tjö'wöchi̧ otidö looböma.

1 Pedro 2:9

Jo̧kwaijayonö jobadö Jesúsnö öpöjödö töbö metjijayonö, töböma meböködöja chömöledö, Dios omudawö ujuninawö̧ja, ja̧danö La'aka Duluwo̧ wei̧ otidadöja, ja̧danö mölejȩ jojodöja, ja̧danö Diosda ömöledöja chömöledö. Jau chömöledö, isabenö Dios wei̧ otidadö kwö̧jaduwobe. Diosma ökwödönöda 'da̧batö ujuninobe, jo̧ba inesö otiwanö pjaati̧ wene jojodönö yökawaduwobö. Jau chömöledö, Diosma isabenö otiwanö ökwödönö pjaatinobe, ökwödönö yȩa'wo okwatjö labeibö, iteda inesö idejatobekwö tekachaduwobö jwöinobe Diosma, ja̧danö jo̧ba inesö otiwanö pjaati̧ wene yökawaduwo jö̧ba̧lö, ökwödönö omudawö ujuninobe.

Lucas 8:47

Jejenö yöa̧lioko, jojosujuma jöwaisachibinobe, isabenö ötjönö otidö loaja̧ma öwaisobe jö̧ba̧lö, jo̧kwajabetjö̧ yebabinö tjö̧bawö Jesús öba a'o jichibinobe, ja̧danö nijakwö apaneakwö bamatö, okobe deinö jojodö tjöba a'otjö yöjawinobe: —Lekwe o̧biya ku̧kwinö chö'wöchobetjö̧, Jesús ökamijido̧ matatö, matitjö̧ma chö̧bibajena jö̧ba̧lö. Ja̧danö matenama chö'wöchi̧tjö juluwanö chö̧bibajabeta— jö̧ba̧lö yöjawinobe jojodönö.