Lucas 8:39 - Dios Iwene

³⁹ —Ötjökwö ichökönuwi. Kwejubeda da̧ji, ja̧danö jojodönö yökawo Dios inesö otiwanö ökwönö pjaataja̧ wenema— jö̧ba̧lö. Ja̧danö jejenö weökwe, o̧'wo̧ luwo̧nö sulabedö tjö̧jajökwema comunidad bakwameachibanö yöbawö kweachinobe, Jesús jo̧banö otiwanö pjaataja̧ wenema.

Lucas 8:39 Referans Kwoze

1 Timoteo 5:8

Ja̧danö, ju'wibi yötawa. Jesúsnö ösödadötjö bakwo̧ iteda ömöledönö ite'ada̧lökötjö̧ma, iteda yöne ömöledönö ite'ada̧lökötjö̧ma, jo̧bama Cristonö ösödö dö̧ji̧ öpöjödo̧, ja̧danö Cristonö öpöjödo̧nötjö o̧penönö sulabo̧ jo̧bama.

Juan 4:29

—Ichaduwi kwedaduwo jojonö, ötjö okobe jwiinö chö̧jina waiso̧nöma. Jo̧badaena, Dios jojodö tjö̧jibinö pjaatobö weinökwema— yöjawinobe.

Deuteronomio 10:21

Jo̧banöda ösödö, Otiwo̧ja jö̧ba̧lö kwösödaduwonö. Jo̧bada kwuluwo̧duwi Dios chömöledö, ja̧danö ökwödöma kwöbajaleduwinö edinadöja, iteda ujulu i̧sȩbö, juluwi̧ ji̧ jojodö edajitjökö jawa i̧sȩbinama.

Marcos 1:45

Jejenö ju'wedönöma yökawoko, jö̧ba̧lö lȩebajayonö i̧sȩdo̧ ö'wöchaja̧ söawajökwema labebö jojodönö yöba̧lö kwebachijetö, Jesús otidö loaja̧ma ba̧jekwadö tjöwaisachibanö. Ba̧jekwadö tjöwaisiökwe, Jesúsma jojodö tjuju̧kwemima tjeda̧lonö teachoböma jwibijetö, ba̧jekwadö tjichapji jö̧ba̧lö. Jojodö deenada ji̧jetö. Jobema, jojodö deena ö̧jijayonö jojodöma jelobetjöbi jelobetjöbi 'yi̧jadötö Jesús ö̧jobema.

Marcos 5:18

Jejenö webö lotjökwe Jesúsma isowinö a̧jibijetö, ȩwa̧jobö. Isowinö a̧jibena o̧'wo̧ luwo̧nö sulabedö tjö̧jökwenö labebö loajökwema ichibö, Jesúskwö nöinö ȩwa̧jotö jö̧ba̧lö abebijetö Jesúsnö, öbibö ȩwa̧jobö.

Marcos 5:19

Jejenö aebijayonö öbibijökötö Jesúsma, jo̧ba itekwö ȩwa̧jobö. Jo̧banöma jö̧ba̧lijetö: —A̧ja̧kwitjö. Kwömöledö tjuju̧kwobe da̧ji okobe deinö yökawo Duluwo̧ Dios otiwanö, lȩlö̧jino edö otidaja̧ ökwönö— webijetö.

Lucas 8:38

Ju'wedö Jesúsnö yetjaibijayonö, o̧'wo̧ luwo̧nö sulabedö tjö̧jajökwema Jesúskwö i̧'yobö ösödinobe, ja̧danö Jesúsnö aeba̧linobe, Jesúskwö i̧'yobö. Jo̧kwaijayonö aebökwe, Jesúsma atadinobe,

Lucas 8:40

O̧pesobu bakwachobetjö jojodö ba̧jekwadö Jesús ichibakwa̧ tjite'ada̧linobe, ja̧danö gadarenos tjitebobetjö Jesús ȩwa̧jenama, tjo̧'wo̧ ösöwanö tjedinobe, Jesúsma otiwanö ichibajabe jö̧ba̧lö.