Lucas 8:24 - Dios Iwene

²⁴ Jejenö balediawö̧, Jesúsnö wiludö labinö jwötjeba̧linobe: —Duluwo̧, Duluwo̧, mebajö o̧dibakobe— jö̧ba̧lö. Jwötjeba̧liökwe, Jesúsma wiluinobe, ja̧danö a̧laibö, jwa̧lȩ'epjo yöachibobö yöa̧linobe, ja̧danö balawa loaja̧bi yöachibobö yöa̧linobe. Yöa̧lenama juluwanö yöachibinobe jwa̧lȩ'epjoma, ja̧danö o̧pesobubi juluwanö yöachibinobe.

Lucas 8:24 Referans Kwoze

Lucas 4:39

Jejenö atjebökwe, jö̧bapjo kamapjo ö'öbönö ja̧nö, nia'otjö jö̧bibajobö weinobe, ja̧danö juluwanö nia'otjö jö̧bibajinobe. Ikenama jobujuma a̧laibö, kwakwawa jotidinobe tjukwobö.

Lucas 5:5

Weökwe, Simónma atadinobe: —Chuluwo̧, ida̧ökö yö̧te baledibanö nöinö ba̧i̧ jwodijayonö, da̧bulewatö. Bakwo̧bi ö̧libökötö. Jo̧kwaijayonö ba̧i̧ jwotobö weköbitjö̧ma, yemidanö maya lobö jwotocha— jö̧ba̧lö.

Mateo 14:30

Jo̧kwaijayonö Jesús ö̧jobekwö i̧'yemi ja'ö, jwa̧lȩ'epjo labinö jwa̧lȩ'ewobe edö yeabinobe. Yeabenama, ojwiyo okwa meinobe, ja̧danö jwöeba̧linobe: —Chuluwo̧, chö̧jibinö pjabatitjö— jö̧ba̧lö.

Isaías 50:2

Ja̧danö ökwödönö pjatatotö jö̧ba̧lö chichenama, tajawedö deköbinaduwada? Ökwödönö jwötenama, tajawedö bakwo̧bi atadinököda? Kwö̧jibaduwinö pjatatobö chujuluwokobetjö̧, pjatato jö̧ta̧linama waekwinaji̧? Ja̧maökö chömöledö, isabenö juluwo̧sa. Yöba̧löda jwaibalawa webö, —Kököbachibi, —jö̧ba̧lö wetitjö̧ma, juluwanö kököachibawa. Ja̧danö ojwebiya lamatemi kököachibobö wetitjö̧ma, juluwanö kököemi baibanö balewachobe, ja̧danö okwa lö̧ji̧nadö ba̧i̧ma, juluwanö ö'wö babibö woinö 'dö̧ekwobe.

Mateo 8:25

Jejenö aba̧liawö̧, Jesús öba̧ja̧di̧ waisachadöma jo̧banö tjiwiludinobe: —Duluwo̧, o̧dibapji jö̧ba̧lö dö̧jibinö pjabati— jö̧ba̧lö.

Marcos 4:39

Jejenö jö̧tja̧lökwe, Jesúsma a̧laibö, jwa̧lȩ'epjobi o̧pesobubi labinö yöba̧lijetö: —Wi̧ babibö yöbachibi—jö̧ba̧lö. Jejenö jö̧a̧lemi jwa̧lȩ'epjoma yöachibijetö. Balawa loaja̧bi loökönö babibijetö.

Lucas 4:35

Jo̧kwaijayonö Jesúsma, jo̧banö wi̧i baibobö yöawinobe, Yöka̧la, jö̧ba̧lö, ja̧danö jojo o̧'wo̧ luwo̧tjö laebobö weinobe. Weökwe, ö̧jajökwe jojonö nijibe mebö öbamatobö ja̧inobe, ikenama, o̧'wo̧ luwo̧nö sulabo̧ ba̧jo̧ma laebajinobe, jojonö suli̧ waedökönö.

Lucas 8:25

Ja̧danö, Jesúsma iteda öba̧ja̧di̧ waisachadönö abebö a̧ja̧kwinobe: —¿Tajawedö Diosnö kwo̧'wo̧ wana̧lökönö yekabiduwobedaja̧?— jö̧ba̧lö. Jejenö balediawö̧ Jesús öba̧ja̧di̧ waisachadöma yebaibö yötja̧lakwawinobe idödada: —Ayö, ¿tijö bite Jesúsma? Jwa̧lȩ'epjobi, ojwebi bite wei̧ a̧ja̧kwobe. ¿Ditejayo̧jö?— jö̧ba̧lö yebaibö yötja̧lakwawinobe Jesúsnö.