Lucas 7:27 - Dios Iwene

²⁷ Jau chömöledö, Juannöda badekwachobe damötjö Dios yöawi̧ tjiwȩyudinama. Baikwö laebobe Dios iwene Dios weakwo̧ jö̧a̧linökwenö yöa̧linama: Kwabönö yötawi̧ yöbawo̧nö wetocha, otiwanö kwichakwa̧ otidakwo̧nö, jö̧ba̧lö laebobe.

Lucas 7:27 Referans Kwoze

Lucas 1:76

Ja̧danö chitji̧ Juan, ökwönö okobe jwiinö juluwo̧ Dios yöawi̧ yöbawo̧ jö̧ba̧lö ötjabikwo̧ja, Duluwo̧ jweinö i̧'yakwa̧ otidö jo̧ba i̧'yakwa̧ abönö kwi̧'yakobetjö̧.

Marcos 1:2

Ja̧ ajayi baledinama, baledakwa̧ abönö lekwe möle, damötjö, Dios yöawi̧ yöbawo̧ Isaías mikwo̧ma yöbawö wȩyudijetö Dios iteda itji̧nö yöawina wene. Baikwö yöbawö wȩyudijetö Isaíasma: Jojodö tjuju̧kwobekwö kwi̧'yakwa̧ abönö jelo̧nö wetocha, ötjö yötawi̧ yöbawo̧nö. Wanedö yötawa: La'aka luwo̧ ichakwa̧ abönö, jweinö ichobö mana tjotidi̧danö jelo̧nö wetocha kwi̧'yakwa̧ abönö, jweinö kwichobö. Jojodö otiwanö omukwatö tjite'ada̧lobe kwichobö, kwi̧'yakwa̧ abönö jelo̧nö, kwichakwa̧ yöawobö wetocha.

Juan 1:23

—Ötjöma jojodö deobetjö jwöbeba̧lo̧sa, Duluwo̧ma juluwanö ichakwo̧. Jo̧ba ichakwa̧ma mana dotidaduwo jweinö ichakobetjö̧, jö̧ba̧lö. Jejenö yöbawö, Dios yöawi̧ yöbawo̧ Isaías yöawinadanö yöbawo̧sa— yöawinobe Juan Ojwenö Bu̧dato̧ma.

Mateo 11:10

Jau chömöledö, Juannöda badekwachobe damötjö Dios yöawi̧ tjiwȩyudinama. Baikwö laebobe Dios iwene Dios weakwo̧ jö̧a̧linökwenö yöa̧linama: Kwabönö yötawi̧ yöbawo̧nö wetocha, otiwanö kwichakwa̧ otidakwo̧nö, jö̧ba̧lö laebobe.

Isaías 40:3

Bakwo̧ jwöeba̧li̧ ökwöobe: —Jojodö deelö nijitjö, Isabenö Jo̧ ichakwa̧ mana kwotidaduwo, kököemi niji ö'wejenö, duluwo̧ Dios ichakwa̧ mana jalama kwotidaduwo.

Lucas 7:26

¿Tajawedö jojodö deobe kwi̧'yinaduwobeda chömöledö? Dios yöawi̧ yöbawo̧nö edö kwi̧'yinaduwobe, ¿jö̧tö? Jau chömöledö, isabenö Dios yöawi̧ yöbawo̧ Juanma, jo̧kwaijayonö ja̧damaökö.

Lucas 7:28

Yötawaduwakwö chömöledö, isabenö mikwawo̧ Juanma, okobe deinö böjȩnö ji̧nadötjö bakwo̧bi deobe, Juantjö bajalekwönönö mikwawo̧ma chömöledö. Jo̧kwaijayonö böjȩnö ji̧nadötjö bakwo̧bi Juantjö bajalekwönönö mikwawo̧ma deijayonö, okobe deinö Dios la'aka luwo̧ ö̧jena ju̧kwadöma, Juantjö bajalekwönönö mikwawadö chömöledö, Dioskwö tjuju̧kwobetjö̧— jö̧ba̧lö yöawinobe Jesúsma.