Lucas 6:11 - Dios Iwene

¹¹ Ikenama, jejenö otikwökö möle ömamu 'wabo̧nö otidö loiawö̧, Moisés iwȩyudina ba̧ja̧dadöbi, fariseo jojodöbi jwiinö tjölabinobe Jesúsnö, ja̧danö Jesúsnö öpöjödö yötja̧lakwawinobe, Jesúsnö sulabenö ja̧tjakwa̧ma.

Lucas 6:11 Referans Kwoze

Hechos 5:33

Ja̧danö, jobadö la'aka luwedöma, Jesús webawedö yötjawobe a̧ja̧kwö jwiinö labijadötö, Kwabö lododönö, jö̧ba̧lö.

Hechos 26:11

Okobe jwiinö judío jojodö yötjaweju okwa tebachö jobadönö kwakwachijatö, bakwo̧nökwena yötjawibobö, Jesúsnö chöpöjöda, jö̧ba̧lö. Jwiinö labinö 'yi̧achijatö jelobebi, jelobebi, ju'wedö tjitebobi, Jesúsnö ösödadö inia tjötjinö ja̧totö jö̧ba̧lö—jö̧ba̧lijetö Pabloma.

Hechos 7:54

Jejenö yöawiawö̧ judío jojodötjö la'aka luwedöma jwiinö labijadötö, tjo'yebiya kikiso ja̧bö.

Hechos 4:19

Jejenö lȩtjebijayonö Pedro, Juan jö̧ba̧lijadötö: —Dios öba a'otjö, jweinö ja̧dakwa̧ma ¿diya̧da? ¿Dakwö kwomukwataduwa? Ökwödöma, Jesús jawama yökawaduwoko, jö̧ba̧lö, weköbaduwobe, jo̧kwaijayonö Diosma wainö webo̧, yödawobö. Kwomukwataduwena ¿diya̧tjö ja̧dakwa̧da?

Hechos 4:15

Jo̧kwaobetjö̧ Pedronö Juannö a̧petubekwö latjebobö webijadötö, jobadö la'aka luwedöda yötja̧lakwawobö.

Juan 11:47

Jo̧kwaobetjö̧ fariseo jojodöma, Diostjö jojodötjö ö'weje pjabatadötjö la'aka luwedökwö ko̧ko̧kwibö yötja̧lakwawinobe: —¿Dakwö ja̧dakwa̧da jo̧banöma? Dios ujulunö ba̧kwȩlö̧jatebö i̧sebo̧— yötja̧lakwawinobe—.

Juan 7:1

Jemi ikenama Jesús Galilea niji comunidadesda, ju'wi comunidadbi, ju'wi comunidadbi 'ya̧nö kweachinobe. Ja̧danö, Judea nijibe kwebachö i̧'yinokobe, jobe ju̧kwadö judío jojodötjö la'aka luwedöma jo̧banö kwabö lotjobö tjomukwatobetjö̧.

Lucas 4:28

Jejenö yöa̧liawö̧, okobe deinö ko̧ko̧kwö ba̧jadöma jwiinö tjölabinobe Jesúsnö,

Mateo 21:45

Jesús jejenö wanedö yöawiawö̧, ö'weje pjabatadötjö la'aka luwedöbi, fariseo jojodöbi tjöwaisachibinobe, Jesús yöawi̧ badekwachi̧ma, ökwödönöda badekwachobe jö̧ba̧lö.

Mateo 16:7

Jejenö yöawawö̧, Ja̧ma ¿tajawedö yöa̧laja̧da? jö̧ba̧lö yötja̧lakwawinobe idödada, ja̧danö tjomukwatinobe, Aaa, pan dichejebiökökwe yöa̧lajena, jö̧ba̧lö.

Lucas 6:10

Jejenö yöba̧lajo̧, jobadönö bakwo̧nökwena edinobe Jesúsma, ikenama jalachibö weinobe ömamu 'wabo̧nö: —Kwömamu debati— jö̧ba̧lö. Weökwe, ömamu deatinobe, ja̧danö deatenama, juluwanö otiwamu baibinobe.

Lucas 6:12

Jemi ikenama ja'yubenö lekwajabetjö, Jesúsma mö'ösa'obe önöchinobe, jobetjö Diosnö aebobö, ja̧danö yö̧te baledibanö Diosnö aebinobe.