Lucas 5:8 - Dios Iwene

^8-10 Jejenö baibiawö̧, Simónbi, jo̧bakwö otidajibadö Zebedeo i̧tji̧mu Jacobobi, Juanbi, ju'wedö Simónkwö ju̧kwadöbi tjöbajale jalaka baibanö tjedinobe, Ayö, bitema ¿tijö? ¿Dakwö jejenö beiso̧jö? ¿Dakwö ba̧jekwadönö jwodobö weajö? jö̧ba̧lö. Ja̧danö Simónma Jesús öba a'o bȩbachibö, u̧yu̧ku̧nö bamatö Jesúsnö yöa̧linobe: —Chuluwo̧, ötjöma sulabenö ja̧bö jo̧chobetjö̧ ökwökwö chö̧joböma jwibo̧sa, jo̧kwajabetjö̧ ötjötjö 'da̧bachibö 'ya̧wi— jö̧ba̧lö aebinobe Simónma Jesúsnö. Jejenö aebökwe, Jesúsma Simónnö atadinobe: —Yebabökönuwi Simón. Baikwö wanedö yötawakwö: Babe ba̧i̧ jwobö kwotidajabema, isabenö bemi tupakwöma jojodönöda jwobö kwotidakwo̧ja— jö̧ba̧lö.

Lucas 5:8 Referans Kwoze

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.

Apocalipsis 1:17

Ötjöma jo̧banö edinö, ¡Ayö! jö̧ba̧lö, 'dö̧bachibö metji̧danö metijatö nijibe, de'bo'bonö bamatö, jo̧ba ömasapiya la'aka. Jejenö chöbamatiökwe ömamu öwaisobekwöchobesamunö ötjönö tjo̧'omanö mabö yöawijatö: —Yekabi. Ötjöma la'akatjöda ji̧nasa. Ja̧danö, 'dö̧ibajenanö kabatö chö̧jakwo̧sa, chö̧ji̧ma 'dö̧ibajökönö.

Jueces 13:22

Ja̧danö waisachibajo̧, Manoama ilekwonö yöa̧linobe, —¡Ayö, ökwödöwe! Isabenö ö'wö badibakwedösa, Diosnöda dedajobetjö̧, —jö̧ba̧lö.

Éxodo 20:19

yöba̧lijadötö Moisésnö: —Moisés, ökwöda yöka̧lo ökwödönöma, Diosmakö̧. Ökwö yökawi̧ma isabenö da̧ja̧kwedösa. Jo̧kwaobetjö̧ pjabatidönö Dios yöa̧lökakobetjö̧ ökwödönöma debö di̧'yapji jö̧ba̧lö— abebijadötö Israel jojodöma Moisésnöma.

Diosnö ösödo̧ Job mikwo̧ usula emawina jawa 40:4

—Chuluwo Dios, ötjöma isabenö mikwawö̧kö̧sa. Isabenö atadakwawa jwibo̧sa, yöta̧loböma jwiobe. Jau chuluwo, chömamunö chaa mu'dökwibö, 'wii̧nö batibakwo̧sa.

1 Samuel 6:20

Ikenama Betsemesnö ju̧kwadöma yebabinö yötja̧linobe, —Isabenö bakwo̧bi deobe, Isabenö Jo̧ , bite suli̧ jwibo̧ Dios öba a'o jo̧ma. Dai wedakwa̧da jo̧ba iteapjo isapjoma, ökwödö ditebonö jo̧bö jwiobe jö̧ba̧lö.

Mateo 17:6

Ja̧ iwene ökwöi̧ a̧ja̧kwö, jobadö wa̧medukwa Jesús öba̧ja̧di̧ waisachadöma yetjaibinobe yelösöda, ja̧danö yebabinö tjöba nijakwö tjöbamatinobe nijinö.

Juan 11:32

Ja̧danö Maríama Jesús ö̧jena 'ya̧wibö öba a'o ju̧yu̧ju̧ki̧junö jamatö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe.

Mateo 8:8

Jo̧kwaijayonö, jejenö atadökwe guardia luwo̧ma atadinobe: —Ja̧maökö chuluwo̧. Ichökönuwi. Mikwawö̧kö̧sa, chejube tekachoböma. Belöda weköbitjö̧ma, otiwanö baibakwo̧ chömöayo̧ma.

Mateo 2:11

ja̧danö o̧do okwa tebachö, tjemunöbi, ojo'do Maríanöbi tjedinobe. Jejenö tjemunö edö, bȩbachibö tjösödinobe tjemunö, ja̧danö tjiyobö tjichejebaja̧ nöinö mikwawi̧ jawa jo̧banö tjiyinobe, orobi, omewi̧ jawa incienso ötjabi̧ jawabi, ju'wi omewi̧ jawa mirra ötjabi̧ jawabi.

1 Reyes 17:18

Jejenö ö'wö baibioko, Eliasnö yöja̧linobe, —Ökwö Dios ömöayo̧ma, tajawedö ötjönö suli̧ kwöwaedaja̧da? Sulabenö ja̧tinobetjö̧, ja̧ sulabenö ja̧tina i̧sȩbö, ötjönö lȩbebö chitji̧ ö'wö baibobö weköbaji̧? —jö̧ba̧lö.

2 Samuel 6:9

Ja̧danö ja̧ möle Isabenö Jo̧nö yeaibinobe Davidma, —Yetabi, chitebo Jerusalenbe che'ewökako̧sa Isabenö Jo̧ iteapjoma, —jö̧ba̧lö.

1 Corintios 13:12

Ja̧danö, babema wajuwanöma dedokobe Diosnöma chömöledö, tjöbadekwawöte sulabötetjö dediakwawobedanö ichejekwa, jo̧kwaijayonö mölejȩbetjö, döbabiyakwena öwawinö dedakobe. Ja̧danö, babe Diosnö chöwaisi̧ma, ja'öda chöwaisobe, jo̧kwaijayonö mölejȩbetjö, jo̧ba ötjönö öwaisi̧danö balekwa mikwa jo̧banö chöwaisakobe chömöledö.

Lucas 5:7

Ba̧i̧ yelösöda nöinö tjö̧lajibinobe, ja̧danö jejenö tjö̧la̧jibiawö̧, tjömöledö jelowinö la̧jadönö jwötjinobe, ichö pjatjatobö. Ichö, jobadöbi ba̧i̧ tjaninobe isowi okwa, jo̧kwaijayonö ina yelösöda tjöba̧jekwinobe ba̧i̧ma, isowibiya meajenanö baibanö.