Lucas 5:19 - Dios Iwene

¹⁹ Jesús öba a'o tjujunobö tjichejebijayonö, jojodö yelösöda tjöba̧jekwinobe, Jesús öba a'o tjichibökenanö. Jejenö jojodö tjöba̧jekwiawö̧, mö nöchö, o̧do wa̧pekwobenö sobö, tjömöledöso̧nö kamapjonö bo̧nö jwibatö, jojodö tjö'da̧de Jesús öba a'o öbamatobö tjödinobe.

Lucas 5:19 Referans Kwoze

Marcos 2:4

E'ewö ichajadöma, jojodö ba̧jekwadö tjuju̧kwobetjö̧ Jesús ö̧jobekwö tetjachoböma jwiijetö. Jejenö jwiiawö̧ Jesús ö̧jeju wa̧pekwejube mö nöchijadötö. Nöchajadö wa̧pekwejubenö sobö 'da̧bebijadötö o̧do okwa tjichibobö. Sobö 'da̧bebajadöma, ida̧ökö okwa ichibanö sobö 'da̧bebajadö, 'wabo̧nöma, 'wa̧kwawapjonö ö̧wonö jwibatijadötö o̧do okwa, Jesús ö̧jena.

Mateo 10:27

Jau chömöledö, babema yȩa'wo okwatjö ökwödönö yötawi̧ma, möle dewena yökawaduwo, ja̧danö babe ökwödönö tjo̧'omanö yötawi̧ma, mötjö labinö jwöbö yökawaduwo.

Deuteronomio 22:8

—Ja̧danö ju'wibi wetaduwakwö: O̧do yayeju kwotidaduwenama, o̧do mö tjöekwaka ji̧nö kwotidaduwo, kweju mö ju̧kwadö jobetjö metjapji jö̧ba̧lö. Jau chömöledö, tjöekwi̧ jwiinö bakwo̧ kwejuduwi mötjö mebö, ö'wö baibitjö̧ma, ökwöbi kwejunö ju̧kwadöbi wene kwujuna̧laduwena, tjöekwi̧ otidökönö, bakwo̧ mebö ö'wö baibobö ja̧köbi̧naduwobetjö̧.

Mateo 24:17

Jau chömöledö, te'ada̧lökönö juluwanö dötjibajobö ja̧kobe. Baikwö yötawa: Bakwo̧ ejutjö labebajo̧ma, eju okwa tebachökönö itea isakwökönö juluwanö döibajobö ja̧kobe.

2 Samuel 11:2

Ja̧danö, jobe Jerusalennö ö̧jonö, baikwö baledinobe: Ju'wi möle aba̧lajo̧, yi̧benakwö la'aka luwo̧ Davidma a̧la̧ibö kweachinobe, ejutjö mö ba̧ba̧lawobema. Ja̧danö, kweachonö, mötjö edinobe jojosuju jejutjö ojwe ibujunö, jwiinö otiwujunö.

1 Samuel 9:25

Ja̧danö, jemi ikenama, tjukwaja̧ ikenama, möemi Diosnö iyawemitjö yutjutajenama, jobe comunidadtjö Saul abakwapjo kamapjo tjödinobe, o̧do wa̧pekwobe. Ja̧danö, jobe abobö öbamatinobe Saulma.