Lucas 5:12 - Dios Iwene

¹² Ju'wi möle ju'wi comunidadtjö Jesúsma bakwo̧nö öbadekwajinobe, i̧sȩdo̧ jwiinö 'dolobo̧nö. Jo̧ba i̧sȩdo̧ suli̧ waekwo̧ Jesúsnö edenama, öba nijakwö bȩbachibö Jesúsnö budekwö aebinobe: —Chuluwo̧, kwösöditjö̧ma, chi̧sȩdo̧ suli̧ waekwi̧ otiwanö baibobö pjakatena— jö̧ba̧lö.

Lucas 5:12 Referans Kwoze

Lucas 17:16

Ja̧danö, Jesús öba a'o ichibö, Jesús öba a'o nijakwö bamatö ösödinobe, otiwanö pjakatajabe, jö̧ba̧lö. Jo̧ba Jesúsnö ösödö tjebachajo̧ma, judío jojobö̧kö̧inobe, judío jojodö sulabedö jö̧ba̧lö tjöpöjödawö̧ samaritano jojoinobe jo̧bama.

Mateo 9:28

Jesús o̧do okwa teachenama, jobadöbi ökömanö tetjachinobe, ja̧danö jejenö tetjachiökwe, Jesúsma jobadönö abebö a̧ja̧kwinobe: —¿Chujulu kwösödaduwiji̧, isabenö ökwödönö yemidanö edadö badibanö otidö loobö juluwo̧ Jesúsma jö̧ba̧lö?— Jejenö aebawö̧, tjatadinobe: —Jau Duluwo̧, dedemi isabenö juluwo̧ja— jö̧ba̧lö.

Hebreos 7:25

Jo̧kwaobetjö̧ Jesúsda jojodö Dioskwö ichibö tjö̧jibinö pjabato̧, Jesúsma dö̧jibinö pjabato̧, jö̧ba̧ladönöma. Ja̧danö, jobadö tjö̧ji̧bi okobe jwiinö pjaatinobe Jesúsma, ja'yubebi ji̧bökönö. Ja̧danö, Jesúsma jo̧banö ösödadönöma ba̧kwȩlö̧jatebö tjö̧jibinö pjabato̧, Jesúsma ba̧kwȩlö̧jatebö Diosnö abebö jobadönö pjaatobö ö̧jobetjö̧.

Mateo 26:6

Jesúsma Betania comunidadnö ö̧jinobe, bakwo̧ Simón mikwo̧, ajayinö i̧sȩdo̧ sulabina ejutjö.

Éxodo 4:6

Ja̧danö, yemidanö webijetö Isabenö Jo̧ma Moisésnö: —Moisés, kamijido̧ okwanö 'dawekwö kwömamu 'bibekwa̧li kwomukonö— weökwe ömamu kamijido̧ okwanö 'dawekwö 'bibekwa̧lajo̧ yemidanö töbekwö edemi ¡ayö! ömamu i̧sedo̧ma suli̧ baibijetö 'doloinö.

Génesis 18:14

Abraham, ötjö, Isabenö Jo̧ Diosma ¿baledobö weti̧ waiyi̧ma jo̧beji̧'? Jo̧okobe. Jweinö yöta̧la Abraham, kwilekwo Sarama kwitji̧nö jemakobe. Babedajayena ju'wi o̧ba ichenama yemidanö chichocha. Chichenama Sara jitji̧nö jujuna̧lakobe— jö̧ba̧lijetö Isabenö Jo̧ Diosma Abrahamnöma.

1 Crónicas 21:16

Ja̧danö, Jerusalennö ja̧nö, Davidma möakwö edinobe, ja̧danö Isabenö Jo̧ weökwe angelnö edinobe, mölejebi, bö̧jebi ö'wejenö jo̧nö. Angelma ömamunö kwölöte'o do̧ba̧lö, Jerusalen comunidad wame debatö ö̧jinobe, ja̧danö jobe ö̧ji̧ edö, Davidbi ju'wedö Jerusalen comunidad luwedöbi kamijido̧ epju̧yunö kalukaa̧do̧ 'dubawö, tjo̧'wo tjoachö tjöba nijakwö tjö̧bamatinobe.

2 Reyes 5:1

Bakwo̧ Naaman mikwo̧, siria jojodötjö ölakwabikwawadö tjuluwo̧ ö̧jinobe. Jo̧ba Naamanma, isabenö juluwo̧ ö̧jinobe, ja̧danö Isabenö Jo̧ma iyinobe, Naaman weonö, Siria jojodö tjujuluwobö. Jo̧kwajabetjö̧ Naaman uluwo̧ Siria inesö la'aka luwo̧bi, ju'wedö jojodöbi otiwanö tjomukwatökwe ö̧jinobe Naamanma. Isabenö juluwo̧ ö̧jinobe Naamanma, jo̧kwaijayonö ju'wibi, inesö labi̧ tjö'wöchi̧ lepratjö 'dö̧achinobe Naamanma.

1 Reyes 18:39

Ja̧ baledi̧ edö, jojodöma tjöba nijakwö bȩba̧chibö nijakwö metjinobe, jadanö jwötjeba̧linobe, —Isabenö Jo̧ Diosda, Diosbo̧ma, Isabenö Jo̧ Diosda, Diosbo̧ma, —jö̧ba̧lö Diosnö ösödö jwötjeba̧linobe.

Josué 5:14

Abebö a̧ja̧kwökwe, —Ötjöma ökwödötjöbi, kwöpöjojodötjöbi jojobö̧kö̧sa, ötjöma Isabenö Jo̧ ömöayedö ölakwabikwawa jojodötjö tjuluwo̧sa, ja̧danö mölejebetjö kwö̧jobekwö chichajabe, —jö̧ba̧lö atadinobe. Atadökwe, Josuema öba nijakwö öbamatinobe, ichajo̧nö ösödö, ja̧danö abebö a̧ja̧kwinobe, —Chuluwo̧, kwömöayo̧sa, weawa yöbawitjö̧, a̧ja̧kwö ja̧tobö, —jö̧ba̧lö.

Deuteronomio 24:8

—Ju'wibi yötawaduwakwö chömöledö, ökwödötjö bakwo̧ tjisȩdo̧ 'doloi̧jaye tjö'wöchi̧ ö'wöchitjö̧ma, teada̧lönö kwö̧jaduwo, okobe jwiinö Levisaso jojodötjö tjö̧'da̧de pjabatadö wetji̧danö a̧ja̧kwö kwö̧jaduwobö. Ötjöma ja̧ jawa weawa yö̧tawijatö jobadönö, jo̧kwajabetjö̧ teada̧lönö yötjawi̧ kwa̧ja̧kwaduwo.

Marcos 5:23

Jesúsnö abebijetö: —Chuluwo̧, ötjö chitjijuma jwiinö jö'wöchobe. Ida̧ökö ö'wö bajibakobe. Lȩlö̧jino edö pjabatitjö. Chejube ichi jobujunö maköbo jö'wöchi̧ jwiamachibobe 'yajibajinö— abebijetö.

2 Reyes 7:3

Ja̧ möle ö'wejemubedö lepratjö 'dö̧bachadöma tju̧ju̧kwinobe, Samaria apjude a'o. Ja̧danö, jobe ba̧nö yötja̧lakwawinobe: —Tajawedö benada ba̧nö, a̧wi̧chitjö ö'wö badibobö? Jelobekwö ladebo, dö̧jibakobetjö̧.

2 Reyes 5:27

Ja̧danö, jobekwö sulabenö kwemobö kwisakwajobetjö̧, baikwö yötawakwö Giezi, Naaman ö'wöchaja̧ leprama, ökwönöda samakobe, ja̧danö ökwöbi, kwitji̧mu tupadanö jojodöbi ba̧kwelöjatebö lepratjö ö'wöchadö kwö̧jaduwakwedöja, —jö̧ba̧lö yöawinobe Eliseoma. Ja̧danö, Giezi Eliseo ö̧jelö laebenama, i̧sȩdo̧ bakwainö dewo̧ laebinobe, Naaman ö'wöchaja̧ jo̧banö samobetjö̧.

Lucas 5:13

Aebökwe Jesúsma ömamu debatö jo̧banö mabö yöa̧linobe: —Jau, chösöda. Kwi̧sȩdo̧ otiwo̧ babibi— jö̧ba̧lö. Ja̧danö i̧sȩdo̧ sulaja̧ma, juluwanö jwiinö baibinobe.