Lucas 4:8 - Dios Iwene

⁸ Yöa̧liökwe, Jesúsma öpöjödö atadinobe: —Ökwönö chösödökö. Dios iwenema baikwö laebobe: Kwuluwo̧ Diosnöda ösödi, ja̧danö jo̧ba wei̧da ja̧bö ja̧wi, jö̧ba̧lö laebobe— jö̧ba̧lö atadinobe Jesúsma.

Lucas 4:8 Referans Kwoze

Deuteronomio 6:13

—Chömöledö, kwuluwo̧duwi Isabenö Jo̧ Diosnö yebabinö kwomukwataduwo, –Isabenö Dios wei̧ cha̧ja̧kwobö jo̧be, –jö̧ba̧lö. Jo̧banöda ösödö kwö̧jaduwobö jo̧be, ja̧danö isabenö ja̧köbaduwakwa̧ wene yöbawö kwujunaduwenama, kwuluwo̧duwi Isabenö Jo̧ iminöda wanedö yöbawö kwujunaduwo, –Yöta̧löködanö sulabenö ja̧titjö̧ma, Isabenö Jo̧ ötjönö lȩebobö jȩna, –jö̧ba̧lö.

Deuteronomio 10:20

—Kwuluwo̧duwi Isabenö Jo̧ Diosnöda yebabinö omukwatö kwösödaduwo chömöledö, jo̧banöda bȩbachibö kwösödaduwo, jo̧banöda do̧ba̧lö kwö̧jaduwo, –Duluwo̧ Dios, –jö̧ba̧lö, ja̧danö jo̧ba iminöda yöbawö kwujunaduwo, –Yöbawö chujunaja̧danö ja̧bökönö, wainö ja̧titjö̧ma, Isabenö Jo̧ lȩebobö ja̧kobe, –jö̧ba̧lö.

Mateo 4:10

Jejenö yöa̧lökwe, Jesúsma atadö weinobe, —¡Döbibaji Awetja! Ökwönö chösödökö. Dios iwenema baikwö laebobe: Kwuluwo̧ Diosnöda ösödi, ja̧danö jo̧ba wei̧da ja̧bö ja̧wi, jö̧ba̧lö laebobe— jö̧ba̧lö atadö weinobe Jesúsma.

Apocalipsis 19:10

Jejenö jö̧a̧litjö̧, jo̧ba ö̧jemi badeibö mebibö, chösödo jö̧ta̧lökwe: —Kwösöda ötjönöma, Diosnöda ösödi. Ötjöma ökwödanö, kwömöledödanö bakwainö Dios ömöayo̧sa, okobe deinö Jesús yöawina ösödadödanö. Ja̧danö, Jesús isabenö yöawina do̧batibö kwösödaduwobetjö̧ jo̧ba yöawina yökawaduwobe. ¡Diosnö dösödaduwo!—jö̧a̧lijatö ángelma.

Apocalipsis 22:9

Jejenö chösödökwe ötjönö jö̧a̧lijatö: —Ötjömaökö. Kwösöda ötjönöma. Ötjöma ökwödanö, ja̧danö, kwa'dödömine Dios yöawi̧ yöbawadödanö, ja̧danö, bi'ye wȩyukwa wene wei̧ a̧ja̧kwö ja̧badödanö, ötjöbi Diosda ömöayo̧sa. Jo̧kwaobetjö̧ yötawakwö, ötjönö kwösöda, Diosnöda ösödi— jö̧a̧lijatö ötjönöma.

Santiago 4:7

Jo̧kwaobetjö̧ chö̧ja̧wo̧dö, Ökwödöma luwedösa, jö̧ba̧lö, omukwatökönö, Dios ösödi̧da isakwö kwö̧jaduwo. Jejenö ja̧nö Awetjanö kwöpöjödaduwo, jo̧ba ösödi̧ ja̧bökönö. Jejenö jo̧banö öpöjödö, jo̧ba ösödi̧ ja̧bökönö kwö̧jaduwiökwe jo̧bama kwö̧jaduwobetjö döibajakwo̧.

Lucas 4:4

Jejenö weijayonö, Jesúsma atadinobe: —Jejenöma chotidökö. Dios iwene baikwö laebobe: Sule pan kwanödama otiwanö 'yaba̧löködö jojodöma— jö̧ba̧lö.

1 Samuel 7:3

Jemi ikenama, Samuelma okobe deinö israel jojodönö yöa̧linobe: —Isabenö jwaikwöda Isabenö Jo̧nö kwösödaduwitjö̧ma, okobe deinö ju'wedö tjösödawö̧ o̧'wo jawa kabatibö loköbaduwo, Asterot ötjaboko jo̧'wo jawabi, ju'wedö tjösödawö̧ tjo̧'wo jawabi. Ja̧danö, jobadönö kabatibajadö, yemidanö jwaikwöda Isabenö Jo̧nöda ösödö, jo̧ba wei̧da kwa̧ja̧kaduwitjö̧ma, isabenö ökwödönö pjaatakwo̧ Diosma, filisteo jojodö tjujulutjö kwö̧jibaduwinö, —jö̧ba̧lö.

1 Pedro 5:9

Dios yöawi̧ jwaikwöda ösödö ja̧nö, Awetjakwö ölakwabikwawö kwö̧jaduwo chömöledö. Jau chömöledö, usula emawö jo̧bakwö ölakwabikwawö kwö̧jaduwijayonö, kwo̧'wo̧ tjo̧kekwaduwa chömöledö, kwöwaisaduwobetjö̧, usula kwemawaduwi̧ma, sule ökwödöda jawamaökö, kwömöledö böjȩ bakwameachibanö ju̧kwadö Jesúsnö ösödadöbi ökwödö usula demawi̧danö, bakobe ökwödökwö usula emawadö jö̧ba̧lö.

Mateo 16:23

Yöa̧lökwe, Jesúsma jalachibö Pedronö yöa̧linobe: —¡'Da̧bachibö da̧ji Pedro!, sulabenö Awetja yöa̧li̧da yöka̧lobetjö̧, ja̧danö jweinö Dios ösödi̧danö chi̧'yapji jö̧ba̧lö tjökeba̧lobetjö̧. Jau Pedro, biya̧ kwomukwati̧ma Diostjö ichökö ji̧, jojodö tjo̧mukwatida— jö̧ba̧lö yöa̧linobe.

Isaías 2:11

Ja̧ möle Isabenö Jo̧ Diosnöda otiwanö tjomukwatakwedö, —Isabenö Jo̧ Diosda inesö la'aka luwo̧ juluwo̧ma, —jö̧ba̧lö. Babe möle bö̧je jojodöma ju'wedönö edö omukwatadö, —Idöma mikwawöködö, —jö̧ba̧lö, ja̧danö, —Ju'wedötjö bajalekwönö mikwawo̧sa, —jö̧ba̧lö omukwatadö babema. Jo̧kwaijayonö, löji möle okobe deinö jobekwö omukwatadöma tabakwö tjö̧jakwedö, sule Isabenö Jo̧ Diosnöda otiwanö tjomukwatakwedö, —Diosda mikwawo̧ma, —jö̧ba̧lö.

2 Reyes 19:15

Ja̧danö Isabenö Jo̧ öba a'o ja̧nö, baikwö aebinobe Ezequiasma: —Chuluwo̧ Isabenö Jo̧, Israel jojodö dösödökwe Dios, ökwö angeledö querubines tjöwame kwiteaka inesö la'aka luwo̧ ö̧bakanö bo̧nö baikwö atebakwö: Chuluwo̧ Dios, ökwödaja isabenö Diosbo̧ma, bö̧jȩ ba̧kwemeachibanö tjiteboteniatjö, jelo̧ Diosbo̧ma deobe. Ökwödaja mölȩjȩbi bö̧jȩbi otidinaja chuluwo̧ Dios.

Lucas 4:7

jo̧kwajabetjö̧ bȩbachibö ötjönö kwösöditjö̧ma, ökwönö chiyakobe, ökwöda tjuluwo̧ bakibobö— jö̧ba̧lö yöa̧linobe Awetjama Jesúsnö.