Lucas 4:40 - Dios Iwene

⁴⁰ Jemi ikenama, yȩatibena, comunidad bakwameachibanö jojodöma tjömöledötjö ö'wöchadönö tjichejebinobe Jesús ö̧jobekwö, ju'witjö tjö'wöchi̧bi, ju'wi tjö'wöchi̧tjöbi ö'wöchadönöma, ja̧danö okobe jwiinö tjö'wöchajiatjö tjö̧bibajinö ömamunö mabö otidö loinobe Jesúsma.

Lucas 4:40 Referans Kwoze

Marcos 5:23

Jesúsnö abebijetö: —Chuluwo̧, ötjö chitjijuma jwiinö jö'wöchobe. Ida̧ökö ö'wö bajibakobe. Lȩlö̧jino edö pjabatitjö. Chejube ichi jobujunö maköbo jö'wöchi̧ jwiamachibobe 'yajibajinö— abebijetö.

Hechos 19:12

Pablo jejenö otidiawö̧ jojodöma, jo̧ba u̧kwa kamijido̧bi emibö ȩwa̧jijadötö, ö'wöchadö wamenö tjöwanobö. Uunö ubutjawa̧laja̧do̧bi, wame jawa 'duawaja̧do̧bi emibö ȩwa̧jijadötö. Ȩwa̧jadö, ja̧do̧ tjöwanawö̧ ö'wöchadöma otiwanö babibijadötö. Ja̧danö, tjo̧'wo̧ luwo̧nö sulabedö ju̧kwadönö juna̧ladönö Pablo u̧kwa kamijido̧ tjöwanemi tjo̧'wo̧ luwo̧nö sulabedöma labekwibijadötö.

Hechos 5:15

Ja̧danö, Jesús webawedöma, Dios ujulu i̧sebö tjotidiawö̧ jobe ju̧kwadöma ö'wöchajadönö, wa̧kwawapjonö wa̧jadönö e'ewijadötö mana ö'öbö tjödobö. Jejenö mana ö'öbö lödö omukwatijadötö, Aaa, Pedro baikwö öbaledena, jo̧ba o̧'wo̧ jawa baledenabi bidö ö'wöchadöma otiwanö batjibakobe, jö̧ba̧lö.

Mateo 14:13

Jesúsma Juan ö'wö baibina wene a̧ja̧kwinobe, ja̧danö a̧ja̧kwenama, isowinö a̧jibö jelobe jojodö deobe i̧'yinobe öba̧ja̧di̧ waisachadökwö, jo̧dawa'ye tjö̧jobö. Jo̧kwaijayonö jojodöma i̧'yaja̧ tja̧ja̧kwinobe, ja̧danö a̧ja̧kwö, tjuju̧kwemiteniatjö labebö, tjömasapiyanö tji̧'yinobe, o̧pesobu ö'öbönö.

Mateo 11:5

tjöbajale tjewawinadöma babema edadö, ja̧danö kwebachinöködöma babema kwebachadö, ja̧danö tji̧sȩdo̧ sulinadöma, babema tji̧sȩdo̧ otiwadö, ja̧danö a̧ja̧kwinöködöma babema a̧ja̧kwadö, ja̧danö ö'wö babibajadöma yemidanö 'yabibajadö, ja̧danö usula jojodöma otiwa jawa wene yöawakwawa a̧ja̧kwadö jö̧ba̧lö Juannö yökawaduwo, ja̧ baledi̧ a̧ja̧kwö ötjönö öwaisakobetjö̧.

Marcos 6:5

Ja̧danö, jobema, Jesús iteboma, ömöledöma jo̧banö tjo̧'wo̧ sulinö tjedobetjö̧ ba̧jekwadönöma ujulunöma otidö lobijökötö, ö'wöchadönöma. Obukwedönöda ömamunö mabö otidijetö Jesúsma, tjö'wöchi̧ jwiamachibanö.