Ju'wibi chatadena jo̧banö: —Yöta̧lakwö. Ökwöma jweinö yöka̧lobe, Diosma isabenö ö̧jobe, bakwo̧da, jö̧ba̧lö. Isabenö, otiwanö yöka̧lobe. Jo̧kwaijayononö ¿ja̧ yöba̧löda yöka̧li̧ma kwi̧sekwobeji̧ Diosnö kwo̧'wo̧ wana̧lö kwö̧ji̧ma? Kwi̧sekwokobe. ¿Wajwiköbiji, Awetja ömöayedö isapjobedöbi jejenö yötja̧lobe, Diosma isabenö ö̧jobe, bakwo̧da, jö̧ba̧lö? Jejenö jö̧ba̧lö yebabinö tjö̧bawadö, Diosma lȩebakwo̧, jö̧ba̧lö. Jo̧kwaobetjö̧ sule yöba̧löda yöka̧litjö̧ma jobadö Awetja ömöayedö isapjobedö yötja̧li̧danö yöka̧lobe, Diosma isabenö ö̧jobe, jö̧ba̧lö. Yötawakwö. Yöba̧löda yöka̧loko. Kwo̧'wo̧ kwöwana̧li̧ kwi̧sebobö jo̧be, jojodönö pjabatö— jejenö chatadena.
Lucas 4:34 - Dios Iwene34 —Ayö, ökwö Nazaret jojo Jesús, ¿taji kwöwaedakwa̧da ökwödönöma? ¿Ökwödönö söbebö lobö kwichaji̧? Ökwönö chöwaisökweja, ökwöma sulabe jwibo̧ Diostjö ichinaja— jö̧ba̧lö jwöeba̧linobe jo̧bama. Gade chapit la |
Lucas 4:34
22 Referans Kwoze
Ja̧danö, chedökwema ina chiwȩyudobö weijatö: —Juan, biya̧ yötawi̧ma wȩyudi weköbo, Filadelfia jojodötjö ötjönö ko̧ko̧kwa̧lö ba̧nö ösödadönö te'ada̧lakwawa jojonöma. Jo̧banö weköbo, jobe ju̧kwadö ötjönö ösödadönö biya̧ yötawi̧ yöawo. Baikwö wȩyudi weköbo: Biya̧ chiwȩyudi̧ma suli̧ jwibo̧ yöawi̧. Ja̧danö, jö̧a̧linadanö ja̧bo̧ yöawi̧, biya̧ chiwȩyudi̧ma. Ja̧danö, jo̧bama la'aka luwo̧ Davidmine u̧kwa yawepi̧ juna̧lo̧. Jo̧bada apjude po̧bebö tebato̧ma. Ja̧danö, jo̧bada apjude yö̧beböbi yö̧bebo̧. Jo̧bama baikwö yöawobe ökwödö Filadelfia jojodönö, jo̧banö ösödadönöma:
Ja̧danö, ö'wöchadötjö ba̧jekwadö tjo̧'wo̧ luwo̧nö sulabedönö juna̧ladönöbi otidö loinobe, ja̧danö jobadötjö sulabedö Awetja ömöayedö latjebenama, Ökwöma Dios itji̧köba, jö̧ba̧lö Jesúsnö jwötjeba̧linobe. Jo̧kwaijayonö jejenö jwötjeba̧liökwe Jesúsma jobadönö lȩebinobe: —Jwöbeba̧lökönaduwi. Ötjö Dios itji̧ chö̧ji̧ma jwöbeba̧lökönaduwi. Jwöbeba̧lökönö labebaduwi— jö̧ba̧lö weinobe Jesúsma. Jobadö Awetja ömöayedöma Jesúsnö tjöwaisinobe, Jesúsda Dios weakwo̧ jö̧a̧linökwe, jö̧ba̧lö. Ja̧danö jejenö tjöwaisobetjö̧, jobadönö weinobe, Dios itji̧ chö̧ji̧ yöbawökönö labebaduwi, jö̧ba̧lö.
Jau, sulabenö ja̧bökönö 'yo̧ma Dios wei̧ a̧ja̧kwö i̧'yobe. Jo̧kwaijayonö sulabenö ja̧bö 'yo̧ma Awetjada öibökwe, Awetjakwöda dötewinö 'yo̧. Isabenö chömöledö döwaisa, ajayitjöda babe baibanö Awetjama sulabenö ja̧böda jo̧, jö̧ba̧lö. Jo̧kwaobetjö̧ sulabenö ja̧bö 'yo̧ma ¿tikwö i̧'yobeda? Awetjakwöda dötewinö 'yo̧, Awetja sulabenö ja̧i̧danö ja̧bö. Ja̧danö chö̧ja̧wo̧dö, Dios Itji̧ma böjȩkwö ichinobe Awetjanö ujuluwobö, jo̧ba jojodönö sulabenö ja̧tjobö öibi̧ma juluwokobö.
Ja̧danö chömöledö, ökwödö Dios ju'wedö i̧tji̧mu ötjabiwö̧ma jojodödasa. Diteba'obi dökwösobubi juna̧ladösa. Ja̧danö, woba jojodösa. Jo̧kwaobetjö̧ Jesúsbi, ökwödönö pjaatobö jojoda baibanö öbötjachinobe ökwödö woba jojodödanö. Isabenö Dios Itji̧ma jojoda öbötjachinobe woobö ökwödö dusula dumusidi̧ midawö. Ja̧danö, jo̧bama dumusidi̧ midawö woenama Awetjanö ujuluwinobe. Jo̧ba Awetjama yelösöda juluwo̧ jojodönö Diostjö 'da̧bachibö wotjobö öibobö. Jo̧kwaijayonö Jesúsma jo̧banö ujuluwinobetjö̧ Dios i̧tji̧mu babibinadönö Diostjö 'da̧bachibö wotjobö öbibökö. Chömöledö jo̧ba Awetjama ujulu jwibo̧ ökwödö Jesúsnö do̧batö eminadönö öibobö, Diostjö 'da̧bachibö wodoböma.
Jo̧kwaiawö̧ ka̧lena ba̧kwawejube 'yi̧jadötö. Ichö abebijadötö Pablonö, Silasnö: —Ökwödöma sulabenö wedajabe. Ökwödönö adeba sulabenö ja̧tjobö wedinama kwo̧'wo̧ söbaduwi— jö̧ba̧lijadötö. Ikenama jobadöma Pablonö, Silasnö ka̧lena ba̧kwaweju okwatjö labebajadö, Tjo̧wi̧ belöma Filipostjö te'ada̧lökönö da̧ja̧duwi, jö̧ba̧lö, webijadötö.
Ina abebijadötö: —Dios, döwaisa ja̧ yökawinama tjo̧wi̧ baledinobe. La'aka luwedöma, Herodes mikwo̧, Pilato mikwo̧ benada tjoko̧ko̧kwinobe israel jojodökwöbi, israel jojodöböködökwöbi. Jobadöma Jesúsnö kwabö loawa wetjobö ko̧ko̧kwa̧lö tjomukwata̧linobe. Ökwö weköbina ja̧bo̧nö, suli̧ jwibo̧nö, ökwö yöbawö kwujuninökwe Jesúsnö kwabö loawa wetjobö ko̧ko̧kwa̧lö tjomukwata̧linobe jobadöma.
Ja̧danö, ötjö Chuluwo̧ Diosnö yöta̧la: Chuluwo̧, wotaja̧ okobema ökwöma ötjö cho̧'wo̧ luwo̧nöma ba̧kwȩlö̧jatebö wobadö tja̧jemi cha̧jinöma weköbökakwo̧ja. Ötjönö a̧tjȩonö, i̧lȩdo̧ okwa tjödajökwenöma, 'doloböbi wotinöma weköbökakwo̧ja. Jejenöma ja̧köbökakwo̧ja ötjönöma, jwiinö otiwo̧nöma, ökwö weköbina ja̧bo̧nöma, jejenö yöta̧la Chuluwo̧ Diosnö.
Jo̧ba jojo o̧'wo̧ luwo̧nö sulabedö tjö̧jinobe, ja̧danö nöinö jo̧banö tjujuluwinobe, wetji̧danö ja̧o jö̧ba̧lö. Ajayinö ina comunidadnö ö̧jayima, sulabenö ja̧iawö̧, jojodö jo̧banö ka̧lena tjödinobe, 'dii̧ jawanö ömajamijunöbi ömasapiyanöbi yö̧beba̧lö tjödinobe, ja̧danö te'ada̧la̧dönö tjujuninobe, jo̧banö tjite'ada̧lobö. Jo̧kwaijayonö o̧'wo̧ luwo̧nö sulabedö tjuju̧kwobetjö̧, yö̧ekwa 'döbekwa̧lö loinobe, ja̧danö o̧'wo̧ luwo̧nö sulabedö wetjökwe, jojodö deobe i̧'yinobe. Jesúsma o̧'wo̧ luwo̧nö sulabedö ja̧dönö weinobe jojotjö latjebajobe, ja̧danö weawö̧, Jesús öba a'otjö meinobe jojoma, ja̧danö labinö yöa̧linobe Jesúsnö: —Ökwö Inesö La'aka Luwo̧ Dios i̧tji̧ma, ¿tajawedö dö̧jobekwö kwichobeda? Ökwönö adeba, ökwödönö lȩkebapji jö̧ba̧lö— jö̧ba̧lö.
Ikenama Jesúsma jö̧ba̧lijetö, o̧'wo̧ luwo̧nö sulabo̧ jo̧nö webö: —O̧'wo̧ luwo̧nö sulabo̧, ökwönö weta. ¡Bitetjö labebaji!— webijetö. Jejenö weökwe o̧'wo̧ luwo̧nö sulabo̧ jo̧ma labinö jwöbeba̧lö jö̧ba̧lijetö, jojo aatjö: —Jesús, Inesö La'aka Luwo̧ Dios Itji̧ ¿dakwö ja̧köbobö kwichaja̧da ötjönöma? Jweinö yöba̧li, Dios öba a'otjö, ötjönöma sulabenö niinö ja̧köbököma. Dios iminö atebatjö, sulabenö inia tjötinö ja̧bökönuwi ötjönöma— jwöbeba̧lö abebijetö o̧'wo̧ luwo̧nö sulabo̧ jo̧ma Jesúsnöma.
Baikwö yöawinobe Gabrielma Danielnö: —Diosma omukwatö ujunajabe, kwömöledö Israel jojodönö tjö̧jibinö pjaatakwa̧ abönö, ina cuatrociento noventa o̧biya tjöbaledobö jo̧be jö̧ba̧lö. Ja̧danö, Dios badedö ujunina möle badekwachenama, tjusulatjö tjö̧jibinö pjaatakobe. Sulabenö ja̧tji̧ katjatibobö ja̧akobe, ja̧danö tjusula söbebö loakobe, okobe jwiinö suli̧ söbebö loakobe. Ja̧danö ja̧ mölema Diosda yöbawö weakobe, bakwainö otiwanö ba̧kwȩlö̧jatebö yöbawö weakobe. Ja̧ mölema Dios yöawi̧ yöbawo̧ Jeremías iwȩyudinadanö badekwachakobe, ja̧danö ökwö kwi̧'wi̧dinö kwedinadanö badekwachakobe, ja̧danö Jerusalénnö jȩju Dios ejuma, yemidanö isabenö Dios eju baibanö dichö loakobe.
Ja̧danö, ökwöma isuju jöpöjojo kwö̧jakwo̧ja. Ja̧danö, isujuma kwöpöjojosuju jö̧jakwuju. Ba̧kwelö̧jatebö wene ja̧kobe ökwötjö tupadanö ju̧kwadökwö, isujutjö tupadanö jojodökwö. Kwöpöjojodöda tjuju̧kwakwedö. Ja̧danö, isujutjö tupadanö jojodötjö bakwo̧ma kwuunö öja̧takwo̧ja. Ja̧danö, jo̧ba ökesayunö yö̧köbakwo̧ja— lȩbebö jö̧ba̧lijetö Isabenö Jo̧ Diosma a̧ko'danöma.
Piblisite