Lucas 4:14 - Dios Iwene

^14-15 Jemi ikenama Jesúsma Galilea nijibe ȩwa̧jinobe, ja̧danö Dios O̧'wo̧ Luwo̧ ujulunö jojodönö yöawinobe. Judío jojodö ba̧nö tja̧ja̧kwa̧lejutenia techaiabö yöawinobe Jesúsma, ja̧danö isabenö otiwanö yöawobetjö̧, yöawi̧ a̧ja̧kwö okobe deinö jo̧banö otiwanö yötja̧lakwawinobe, isabenö Jesúsma otiwanö yöbawo̧, jö̧ba̧lö. Jejenö Galilea niji bakwameachibanö, ja̧danö jobe ö'öbö niji bakwameachibanö jojodö jo̧banö tja̧ja̧kwinobe.

Lucas 4:14 Referans Kwoze

Hechos 10:37

Ja̧ wenema abönö yötjawinobe judío jojodö tjitebotjö Galilea nijitjö, Juan Ojwenö Bu̧dato̧ yöawaja̧ ikena. Ikenama okobe jwiinö Judea nijitjö yötjawinobe— yöbawijetö Pedroma—.

Mateo 4:12

La'aka luwo̧ma Juannö ka̧lena ödinobe, ja̧danö ja̧ wene a̧ja̧kwajo̧, Jesúsma Galilea nijibe ȩwa̧jinobe.

Juan 4:43

Ikenama, dötölataja möle baledibajena, Jesúsma öba̧ja̧di̧ waisachadökwö jobetjöma Galileabe i̧'yinobe.

Lucas 4:37

Ikenama ja̧ baledaja̧tjö, ja̧ nijitjö bakwameachibanö jojodöma jamatö tja̧ja̧kwinobe Jesúsnö.

Marcos 1:28

Ikenama, ju'wedöbi ju'wedöbi Jesús otidaja̧ yöba̧lakwawijadötö. Ja̧danö, juluwanö okobe deinö Galilea niji ju̧kwadöma ja̧ yötja̧lakwawi̧ a̧ja̧kwijadötö, Jesúsnö yötja̧lakwawi̧ma.

Marcos 1:14

Ju'wi möle ju'wedöma Juan Ojwenö Bu̧dato̧nö ka̧lena ba̧kwaweju okwa lödijadötö. Ja̧ möle, Juan Ojwenö Bu̧tado̧nö tjödina möle tupakwö, Jesúsma Galileabe 'yi̧jetö. Ichibö Dios iwene otiwa jawa wene yöbawijetö.

Mateo 9:26

Ja̧danö, ja̧ ja̧ina wenema okobe jwiinö tjitebo bakwameachibanö jojodö tja̧ja̧kwinobe.

Mateo 9:31

Jo̧kwaijayonö, jobetjö labebö, okobe jwiinö ja̧ niji bakwameachibanö yötjawinobe Jesús jobadönö otidö loina wenema.

Lucas 4:13

Jemi ikenama, Jesús sulabenö ja̧ojobö jö̧ba̧lö edö kabatajo̧, Awetjama Jesús ö̧jelö laebajinobe, tupakwöda yemidanö edö ja̧tena sulabenö ja̧ojobö jö̧ba̧lö.