Lucas 3:36 - Dios Iwene

³⁶ ja̧danö Salahma Cainán itji̧inobe, ja̧danö Cainánma Arfaxad itji̧inobe, ja̧danö Arfaxadma Sem itji̧inobe, ja̧danö Semma Noé itji̧inobe, ja̧danö Noéma Lamec itji̧inobe,

Lucas 3:36 Referans Kwoze

2 Pedro 2:5

Ja̧danö, damötjö Noé ö̧jinena ju̧kwadöbi Dios lȩebi̧tjö tjö̧jibinokobe chömöledö, Diosnö öpöjödadönö ojwe okwatobö weinobe. Jau chömöledö, Diosma isabenö jo̧banö öpöjödadönö lȩbebo̧, ja̧ wene domukwatobö jo̧be chömöledö. Jo̧kwaijayonö ju'wi wenebi domukwatobö jo̧be chömöledö. Diosma iteda öpöjojodönö lȩebijayonö, jo̧banö ösödadönö pjabato̧, baikwö yötawa: Diosma Noé ö̧jinena ju̧kwadönö lȩebijayonö, jobadö tjö'da̧detjö, Noénöbi, Noé ömöledö jelemutjö du̧ju̧taja jojodönöbi tjö̧jibinö pjaatinobe, ¿jö̧tö? Jau chömöledö, Noéma Diosnö ösödö, otiwanö ja̧bö ja̧kwawa jawa jojodönö yöbawö ö̧jinobe, ja̧danö ju'wedönö lȩebonö, Noénöbi, ömöledönöbi tjö̧jibinö pjaatinobe Diosma.

Hebreos 11:7

Ja̧danö, da'dömine Noébi Diosnö o̧'wo̧ wana̧lö ji̧na. Diosma jo̧banö yöawinobe jojodönö lȩbebö weakwa̧, wotjinö baibanö ojwe okwatinö baledakwa̧ma. Ja̧danö Noéma, ja̧ yöawi̧ma, jejenö okwatobe la'akatjöda edajiököjayonö Diosnö o̧'wo̧ wana̧lö ö̧jinobe. Ja̧danö, Noéma Diosnö yebabinö ja̧nö, jo̧banö o̧'wo̧ wana̧lö, Dios wei̧ a̧ja̧kwinobe, isowi otidobö wei̧ma. Jo̧kwaobetjö̧ Noéma, Diosnö o̧'wo̧ wana̧lö isowi nöowi otidinobe ömöledönö tjö̧jibinö pjaatobö. Ja̧danö jo̧ba Diosnö o̧'wo̧ wana̧lö isowi otidinama i̧sebinobe, Isabenö, böjȩnö ju̧kwadö Dios wei̧ a̧ja̧kwöködöma sulabedö, Dios lȩebakwawö̧, jö̧ba̧lö. Jo̧kwaijayonö Noéma Diosnö o̧'wo̧ wana̧liökwe Diosma, itenöda ösödadönö jö̧a̧li̧danö jö̧a̧linobe Noénö, Chedemi bitema suli̧ jwibo̧, jö̧ba̧lö.

Lucas 17:27

Jau chömöledö, Noé ö̧jena jojodöma, tjo̧'wo̧ söba̧lö kwanöbi tjukwinobe, ja̧danö owöbi tjowinobe, ja̧danö ömadöma tji̧lȩkwa̧munö tjeminobe, ja̧danö ya̧döma tji̧lȩkwa̧munö tjeminobe, Noé isowi nöowinö teachakwa̧ möle baibenanö kabatö, ja̧danö ojwe okwatö okobe deinö jobadönö söbebö loenanö kabatö, ¿jö̧tö?

1 Crónicas 1:17

Noé itji̧ Sem i̧tji̧mu ömadöma bidö: Elam mikwo̧bi, Asur mikwo̧bi, Afrazad mikwo̧bi, Lud mikwo̧bi, Aram mikwo̧bi. Ja̧danö Sem itji̧ Aram itji̧mu tupadanö jojodöma bidö: Uz jojodöbi, Hul jojodöbi, Geter jojodöbi, Mas jojodöbi.

Génesis 9:18

Ja̧danö, Noé i̧tji̧mu isowitjö labebinadöma bidö: Sem, Cam, Jafet. Camma Canaán abe'do.

Génesis 9:1

Ja̧danö, Diosma Noénöbi, i̧tji̧munöbi, dösölö̧jinö edö pjatatakwo̧sa, jö̧ba̧lö webijetö: —Nöinö yebawö kwuju̧kwaduwo böjȩ ba̧kwemeachibanö kwöba̧jekwachaduwakobetjö̧— jö̧ba̧lijetö—.

Génesis 8:1

Ja̧danö, Diosma omukwatijetö Noénöbi, okobe deinö Noékwö isowi okwa ju̧kwadönöbi. Jobadönö omukwatö webijetö Diosma jwa̧lȩ'epjo böjȩnö jwa̧lȩ'ewobö. Jejenö jwa̧lȩ'ewö jwai balawama tjo̧'omanö öibajijetö.

Génesis 7:23

Isabenö Jo̧ma jejenö okobe deinö böjȩnö ju̧kwadönöma söbebö lobijetö. Ja̧danö, jojodönöbi, a̧ji̧kwakwawedönöbi, nijinö kwebachadönöbi, nijinö töbawadönöbi, mö köba̧lö ju̧kwadönöbi söbebö lobijetö Isabenö Jo̧ma. Noéda Noékwö isowi okwa tebachajadöda ju̧kwibijadötö.

Génesis 7:13

Ja̧ möle, ojwiyo jamatö o̧bi̧ möle baibena Noé, i̧tji̧mu Sem, Cam, Jafet, ilekwo, o̧jo̧li̧mu isowi okwa tebachajadö a̧jijadötö.

Génesis 6:22

Ja̧danö, Noéma okobe jwiinö Dios weaja̧danö a̧ja̧kwijetö, ja'yubebi ji̧bökönö.

Génesis 5:3

Ja̧danö, Adánma, ciento treinta a̧yos bo̧ itji̧nö, itedadajayo̧nö 'yabebijetö, iteda ichejekwo̧nö. Jo̧ba itji̧nö Set, jö̧ba̧lö midijetö.

1 Crónicas 1:1

Dios otidinökwe Adan itji̧mu tupadanö jojodöma bidö: Set mikwo̧bi, Enos mikwo̧bi,

Lucas 3:35

ja̧danö Nacorma Serug itji̧inobe, ja̧danö Serugma Ragau itji̧inobe, ja̧danö Ragauma Peleg itji̧inobe, ja̧danö Pelegma Heber itji̧inobe, ja̧danö Heberma Sala itji̧inobe,

Lucas 3:37

ja̧danö Lamecma Matusalén itji̧inobe, ja̧danö Matusalénma Enoc itji̧inobe, ja̧danö Enocma Jared itji̧inobe, ja̧danö Jaredma Mahalaleel itji̧inobe, ja̧danö Mahalaleelma Cainán itji̧inobe,