Lucas 24:51 - Dios Iwene

⁵¹ Ja̧danö, ina Diosnö aebonö, tjö̧jelötjö labebö mölejȩbe kaekwajinobe.

Lucas 24:51 Referans Kwoze

Hechos 1:9

Ikenama jejenö yöbawajo̧nö Diosma mölejȩbe kaekwajinö ja̧bijetö Jesúsnöma, jojodö tjeda̧lonö. Kaekwajemi ojwiyo'wo tjöatibobetjö̧ jojodöma yainöma edijöködötö Jesúsnöma.

Juan 20:17

Wo̧jatibiökwe: —Wo̧katibatjö María, ina Dabe'do ö̧jobekwö ȩwa̧jö katekwachokobetjö̧— jö̧a̧linobe—. Babema chömöledönö yöbawaji, tjöwaiso. Ja̧danö, jobadönö yökawo, Chabe'do ö̧jobekwö chȩwa̧jakobe, ötjö Chabe'dobi ökwödö kwabe'doduwibi ö̧jobekwö. Ja̧danö, ötjö cho̧'wo̧ chöwana̧lökwe Dios, ökwödö kwo̧'wo̧duwi kwöwana̧laduwökwe Dios ö̧jobekwö chȩwa̧jakobe, yökawo— weinobe Jesúsma María Magdalenanö.

2 Reyes 2:11

Ja̧danö, jemi ikena, jemi tupakwö kwebachö, yötja̧lakwawemi ja'ötjö, jobadönö 'da̧batö junö, juluwanö tjö'wejenö ökwöla, kabayudödanö, ja̧danö kolukadanö ichejekwöla baledinobe. Ja̧danö, jemi ikenama jwa̧le'epjo labinö jalawapjoma Eliasnö kabeibö e'ewinobe, mölejȩbe.

Hebreos 4:14

Jo̧kwaobetjö̧ chömöledö, jwaikwöda di̧'yaduwo, domajadenö 'diinö do̧tjati̧danö, Ökwödöma Jesúsnö ösödadösa, dö̧jibinö pjabato̧nö, jö̧ba̧lö. Jejenö di̧'yobö jo̧be chömöledö, Jesúsda Diostjö jojodötjö ö'weje la'aka pjabato̧ baibanö ö̧jobetjö̧. Jo̧ba mölejȩbekwö kabekwachajinama Dios öba a'o jo̧.

Marcos 16:19

Ikenama yöba̧lö kaatena Diosma mölejȩbe kaekwajinö ja̧bijetö Jesúsnöma. Jobe mölejȩbema Jesúsma Dios öwaisobekwöchobe bamatijetö.

Lucas 24:50

Jesúsma jobadönö öbibö Jerusaléntjö labebö i̧'yinobe, Betania comunidad ö'öböbe i̧'yinobe, ja̧danö ömamu kabebö Diosnö aebinobe, jobadönö pjaatobö.

Lucas 24:52

Jemi ikenama jwiinö tjo̧'wo̧ ösöwachibanö Jerusalénbe tjȩwa̧jinobe,