Lucas 24:41 - Dios Iwene

⁴¹ Jejenö yöbawö i̧sebiawö̧, jwiinö tjo̧'wo̧ ösöwachibanö tjedinobe, jo̧kwaijayonö, ina dakwö dö'da̧de öwawachö ö̧joböjö Jesúsma jö̧ba̧lö, omönaena, Jesúsdaökena jö̧ba̧lö tjomukwatinobe. Ina Jesúsdaökena jö̧ba̧lö tjomukwatiökwe: —Kwakwawa chukwobö ¿kwujuna̧laduwobeji̧? Iyaduwitjö chukwobö— jö̧ba̧lö aebinobe.

Lucas 24:41 Referans Kwoze

Juan 21:5

Ja̧danö, Jesús, so̧bi̧ya̧pu̧ ö'öbö jo̧ma jobadönö jwöinobe: —Chi̧tji̧mu ¿ba̧i̧ jwoköbaduwaji̧?— abebö a̧ja̧kwiawö̧: —Jwodijökötö. Deatö— tjatadinobe.

Juan 16:22

Jejenö ja̧döja ökwödöma. Babema kwo̧'wo̧duwi tjo̧bekwö kwö̧jaduwobe. Jo̧kwaijayonö yemidanö ötjönö kwedaduwenama kwo̧'wo̧duwi̧ tjo̧bekwökönö, kwo̧'wo̧duwi̧ ösöwanö kwö̧jaduwakobe, ötjönö ösödö. Ja̧danö, bakwo̧bi deobe kwo̧'wo̧duwi̧ ösöwökönö baibanö webo̧ma.

Diosnö ösödo̧ Job mikwo̧ usula emawina jawa 9:16

—Isabenö ötjönö dameakwo̧ Diosma ichejekwa. Sulabenö ja̧tinököjayonö, jwa̧lȩ'epjo labinö doibi̧danö lȩbebo̧, ja̧danö nöinö ötjönö kwakwaobedanö lȩbȩbo̧. Jo̧kwajabetjö̧ jo̧banö jwöbö, –Lȩeka luwo̧ öba a'o di̧'yaduwo, –jö̧balö yöta̧lökwe, –Jau di̧'yo, –jö̧ba̧lö ataditjö̧bi, –Yöta̧li̧ otiwanö a̧ja̧kwakwo̧ Diosma, –jö̧ba̧lö chomukwatökena, isabenö jwiinö ötjönö ödameakwobetjö̧.

Marcos 16:11

Ja̧danö, jejenö, Jesúsma ina 'yaba̧lo̧nö chedatö, jö̧ba̧lö, yöjawijayonö Jesús öba̧ja̧di̧ waisachadöma öpöjödijadötö, Omöna yöba̧luju, jö̧ba̧lö.

Marcos 16:13

Jobadöma Jerusalénbe ȩwa̧jö, ju'wedö öba̧ja̧di̧ waisachadönö yötjawijayonö jobadö yötjawi̧bi öpöjödijadötö, Omöna yöba̧ladö, jö̧ba̧lö.

Marcos 16:14

Jemi ikenama Jesúsma, iteda öba̧ja̧di̧ waisachadö a̧li̧nösamutjö bakwo̧nö kwanö tjöba̧jena öwawachijetö. Labinö jö̧ba̧lijetö jobadönöma: —Ökwödöma ina kwa̧ja̧kwaduwokobe. Kwomajadeduwi 'dibadöja— jö̧ba̧lijetö jobadönö, ju'wedö itenöda tjeachajo̧nö edajadö yötjawi̧ tjöpöjödajobetjö̧.

Lucas 24:11

jo̧kwaijayonö yötjawawö̧, omöna yötja̧lobedanö ichejekwinobe jobadönö, ja̧danö yötjawi̧ma tjösödinokobe.

Lucas 24:40

Ja̧danö jejenö yöba̧lajo̧, Jesúsma jobadönö i̧sebinobe ömamijubi ömasapiyabi tjedobö.

Lucas 24:42

Aebiawö̧, ba̧i̧so̧ söbawo̧nö tjiyinobe,

Hechos 12:14

Jobujuma apjudenö ichibö, Pedro iwene ökwöioko, Pedroena, jö̧ba̧lö jo̧'wo̧ ösöwachibijotö. Ja̧danö, jwiinö jo̧'wo̧ jösöwachibobetjö̧ omukwatökönö tebatijökötö Pedronöma. Jo̧banö tebatökönö omönanö ö'öbajö tjebachajijotö okobe deinö yöjawobö. Ja̧danö, ju'wedö tjö̧bajobekwö ichibö yöbawijotö: —Pedroma apjudenö ö̧ja— jö̧ba̧lö yöbawijotö.

Marcos 8:7

Ja̧danö, ba̧i̧bi, pjebadönö juna̧lijadötö. Jesúsma, yemidanö Diosnö abebijetö, Chabe'do otiwanö kwiyajabe, jö̧ba̧lö. Ikenama ba̧i̧bi öba̧ja̧di̧ waisachadönö webijetö tjiyabobö.