Lucas 24:29 - Dios Iwene

²⁹ ja̧danö jejenö ichejekwiawö̧, jo̧banö atjeba̧linobe: —Ida̧ökö möle baledibajabe, ja̧danö juluwanö yi̧ibakobe, jo̧kwajabetjö̧ tebachö ökwödökwö ja̧wi— jö̧ba̧lö. Atjebiökwe, jobadökwö ja̧nö teachinobe.

Lucas 24:29 Referans Kwoze

2 Reyes 4:8

Ja̧danö, ju'wi möle Eliseo jelobe kwebachö i̧'yenama, Sunem comunidadbe ichibinobe. Ja̧danö, jobe ichibioko, jobe ju̧ju̧ nöinö juna̧lujuma, Eliseonö ja̧debinobe, jejutjö ukwobö. Ja̧danö, jemi ikenama, jelobekwö kwebachö, Sunem comunidadbenö öbaledenama, ba̧kwelöjatebö jejube tebachö ukwiainobe.

Génesis 19:3

Jejenö jö̧tja̧lijayonö Lotma labinö yöa̧liawö̧, Chejube kwabaduwo tebachaduwi, jö̧ba̧lö jo̧bakwö 'ya̧nö ejube tebachijadötö ángelesdöma Lotkwö. Ikenama Lotma kwakwawa otidijetö tjukwobö, pan 'ye'yeachökönö balö. Iyajawö̧ma kwijadötö.

Lucas 14:23

Yöawiökwe, uluwo̧ma atadinobe: Comunidad tupakwöbi isakwö 'ya̧wi, ja̧danö kwetjachama nöamabi, tebo ö'öbö la̧mabi okobe deinö kwedawö̧nöma yöbawö kwa̧debo, cheju isabenö su̧'bȩ baibakobetjö̧.

Hechos 16:14

Ja̧danö, bakwuju, Lidia mikwujuma, Tiatiratjö ichinuju jö̧bijatö. Jobujuma sawana'wiju ö̧'dö̧wi o'wiju, nöinö mikwawi̧ o'wo iyuju, mikwanö jö̧ba̧lö. Ja̧danö, jobujuma judío jojosujubököjujayonö judío jojodö ja̧tji̧danö ja̧bö juju. Jobujuma, Pablo yöawi̧ a̧ja̧kwö jwiinö jösödijatö, Diosma jo̧'wo̧ luwo̧nö jösödinö pjaatinobetjö̧.

Lucas 24:28

Ja̧danö, Emaús comunidadbe tjichibenama, Jesúsma tupakwö i̧'yobö omukwatobedanö ichejekwinobe,

Lucas 24:30

Ja̧danö, jobadökwö ukwobö mesasötenö tjö̧benama, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö jobadönö iyinobe.