Lucas 23:48 - Dios Iwene

⁴⁸ Ja̧danö, okobe deinö jojodö Jesúsnö kwabö lotjobe edö ko̧ko̧kwadöma, baledi̧ edajadö tjȩwa̧jinobe. Ja̧danö, ȩwa̧jö tjomuko 'do'dobakwawiabö tjȩwa̧jinobe, baledi̧ dedajabetjö̧ o̧'wo̧ tjo̧achadösa jö̧ba̧lö.

Lucas 23:48 Referans Kwoze

Lucas 18:13

Ja̧danö, impuesto ötjabi̧ balada emajibo̧bi Diosnö aebinobe. Jo̧bama sulabo̧sa jö̧ba̧lö, yöne ichibökönö ödökwönönö ja̧nö, mölejȩbema edökönö aebinobe. Jo̧bama o̧'wo̧ tjo̧ekwobetjö omuko 'do'dobakwawö Diosnö aebinobe: Dios, ötjöma sulabenö ja̧bö jo̧sa, lȩlö̧jinö kwedobö ateba, jö̧ba̧lö.

Hechos 2:37

Ikenama jojodöma Pedro yöawi̧ a̧ja̧kwö yelösöda tjo̧'wo̧ tjo̧bekwibijadötö. Tjo̧'wo̧ tjo̧bekwö Pedronö ju'wedö Jesús webawedönö abebö a̧ja̧kwijadötö: —Dömöledö, jejenö ji̧tjöma ¿dakwö ja̧dakwa̧da?— abebö a̧ja̧kwijadötö.

Lucas 8:52

Jairo ejutjö ba̧jekwadö jojodö tjö̧jinobe, ja̧danö budekwabinö jwötjeba̧linobe, tjemu ö'wö bajibajabetjö̧. Jejenö budekwabinö jwötjeba̧liökwe, Jesúsma jobadönö yöa̧linobe: —Budekwökönaduwi tjemunöma, ö'wö babibökuju. Sule aba̧löda aba̧luju tjemuma— jö̧ba̧lö.