Lucas 23:26 - Dios Iwene

²⁶ Jesúsnö öbibö tji̧'yinobe, towisa'onö nönö kwabö lotjobö, ja̧danö 'ya̧nö bakwo̧ Cirene jojo Simón mikwo̧nö, tebotjö ȩwa̧jo̧nö do̧tjatinobe, pjabatö Jesús ö̧lakwa'o e'ewobö. Ja̧danö, Simónnö wetjinobe, pjabatö Jesús ökömanö 'ya̧nö towisa'o e'ewobö.

Lucas 23:26 Referans Kwoze

Hechos 6:9

Ja̧ mölema, Esteban ö̧jena ju'wedö ju̧kwijadötö, judío jojodötjö ju'wedöma. Jobadöma, midö tjeminawö̧ tjö̧jibinö latjebinawö̧, ötjabinawö̧. Jobadöma jeleju, yötjawejunö tebachiabijadötö. Ja̧danö, jobadöma jelobetjö ichinadö, Cirenetjöbi, Alejandríatjöbi, Ciliciatjöbi, Asia nijitjöbi. Jobadöma Esteban Dios ujulu i̧sebiawö̧ öpöjödijadötö Estebannöma. Jo̧kwaobetjö̧ Esteban ö̧jobekwö 'ya̧jadö wene juna̧lijadötö Estebankwö, labinö jwöjwöbakwawö.

Hechos 6:6

Ja̧danö, jobadönö emö junajadö Jesús webawedö tjöba a'o tjöjamatobö öbibö 'yi̧jadötö, tjemajawö̧nöma. Ikenama Jesús webawedöma ötjibajawö̧ tjuu wamenö 'bibeba̧lö Diosnö abebijadötö. Jejenö jobadönö jwibadönö tju̧kwa iyawa webadö baibanö junijadötö.

Hechos 2:10

Ökwödötjö ju'wedöma Frigia nijitjö ichinadö Panfilia nijitjö ichinadö, Egipto nijitjö ichinadö, Libia nijitjö ichinadö Cirene comunidad tupakwö. Ju'wedöma Roma nijitjö ichinadö judío jojodöbi judío jojodöböködöbi. Jobadö judío jojodöböködötjijayonö judío jojodö tjö̧ji̧danö ju̧kwadö.

Lucas 14:27

Ja̧danö chömöledö, bakwo̧ towisa'o, iteda woakwa'o kabeibö, ötjö chökömanö ichobö öpöjöditjö̧ma, isabenö chöba̧ja̧di̧ waisacho̧ ö̧joböma jwibo̧.

Lucas 9:23

Jesúsma jojodönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö e'ewobö jo̧be, Aaa, wotapji jö̧ba̧lö chi̧'yökena, jö̧ba̧lö omukwatökönö.

Hechos 13:1

Ja̧danö, Antioquíanö ju̧kwadöma, Jesúsnö ösödadötjö bakwamu jojodöma Dios iwene yöbawöbi, Jesúsnö ösödadönö ba̧ja̧dadöbi ju̧kwiabijadötö. Jobadöma bidö: Bakwo̧ma Bernabé. Jelo̧ma Simón. Jo̧bama ju'wi imi, Negro, mikwo̧. Jelo̧ma Cirenetjö ichina Lucio mikwo̧. Jelo̧ma Menahem mikwo̧, tjemu baiyo̧ma la'aka luwo̧ Herodeskwö ja̧nö bötjachina. Jelo̧ma Saulo.

Lucas 23:25

Atjebaja̧danö, romano jojodönö öpöjödö ölakwabikwawö kwakwabinanö, ja̧danö ju'wibi jojonö kwabö lobinanö ka̧lena tjödinökwe Barrabásnö ejatö laebinobe. Ja̧danö jo̧ba sulabo̧nö ejatö laebonö, sulabenö ja̧bö̧kö̧ Jesúsnö iyö loinobe, tjösödi̧danö kwabö lotjobö.

Mateo 5:41

Ja̧danö, guardia jojo itea bakwöta kilómetro kwe'ewobö weitjö̧ma, dötölataja kilómetro öpöjödökönö kwe'ewo.