Lucas 22:63 - Dios Iwene

⁶³ Ja̧danö, Jesúsnö te'ada̧ladöma Jesúsnö oböbi otjinobe, ja̧danö jo̧banö kwakwaböbi kwakwatjinobe.

Lucas 22:63 Referans Kwoze

Juan 18:22

Jejenö atadiökwe bakwo̧ guardia jojoma Jesúsnö kwainobe ömamunö. Kwabö jö̧a̧linobe: —¿Tajawedö jejenö yöka̧la Diostjö jojodötjö ö'weje la'aka pjabato̧nöma? Jo̧kwadabo̧ yöka̧li̧danö yöka̧la jo̧banöma— jö̧a̧linobe.

1 Pedro 2:23

Jo̧banö sulabenö yötja̧lenama, balekwa mikwa sulabenöma atadinokobe, ja̧danö usula emawenama, usula emawinö ja̧badönö yebeabinöma yöa̧linokobe. Jau chömöledö, Cristoma jwaikwöda Diosnö, inesö jojodö ja̧tji̧ otiwojobö sulojobö jö̧ba̧lö yöbawo̧nö o̧'wo̧ wana̧lö ite'ada̧linobe, jo̧bada bajaliyanö yöawakwo̧ jö̧ba̧lö. Ökwödöbi jo̧ba omukwatinadanö kwomukwataduwo chömöledö, ja̧danö usula kwemawaduwenabi jwaikwöda otiwanö ja̧bö kwöbaledaduwo, Cristo ökwödönö i̧sebinadanö.

Hebreos 12:2

Ja̧danö jwaikwö 'ya̧nö, me'dawachibökönö, Jesús, dö̧jibinö pjabato̧nö eda̧löda di̧'yobö jo̧be. Chömöledö, Jesúsma ökwödönö pjaatinobetjö̧ Diosnö do̧'wo̧ wana̧ladö babibinadösa, Jesúsnö do̧batö emö. Ja̧danö, Jesús ökwödönö pjaatinobetjö̧ ba̧kwȩlö̧jatebö Diosnö do̧'wo̧ wana̧ladösa, jo̧banö kabatibökönö, jwaikwöda 'ya̧nö. Jo̧kwaobetjö̧ chömöledö, Jesúsnöda omukwata̧lö, jo̧ba i̧'yinadanö di̧'yobö jo̧be. Jo̧ba ö̧jina omukwataduwi. Yelösöda usula emawö woinobe towisa'onö bȩtjajökwema. Isabenö, ja̧ jo̧banö lȩtjebi̧ma yelösöda jwiinö taba̧lö̧ji̧ jawanö lȩtjebinobe. Jo̧kwaijayonö Jesúsma omukwatinokobe itenöda taba̧lö̧ji̧ jawanö lȩtjebi̧ma. Usula emawijayonö ju'wi möle baibakwa̧ omukwatinobe, jwiinö o̧'wo̧ ösöwanö ö̧jakwa̧ma. Ja̧danö, Jesús towi sötenö bȩtjajökwema ö'wö baibinobe. Jemi ikenama ö'wö babibajo̧ma wobajaletjö tjeachajinobe. Ja̧danö, yemidanö tjebachajo̧ma mölejȩbe kabekwachajö ȩwa̧jinobe. Ȩwa̧jo̧ma Abe'do Dios ö̧bemi öwaisobekwöchobe öbamatinobe. Chömöledö, Jesúsma jwiinö usula emawijayonö kaatibinokobe ju'wi möle baibakwa̧ omukwatobetjö̧, jwiinö o̧'wo̧ ösöwanö ö̧jakwa̧da. Jo̧kwaobetjö̧ chömöledö, jwaikwö 'ya̧nö, kabatibökönö, Jesús, dö̧jibinö pjabato̧nö eda̧löda di̧'yaduwo.

Isaías 53:3

Jo̧banö edö döpöjödijatö, —Bitema mikwawö̧kö̧, inia tjöbo̧, inesö o̧'wo tjo̧bekwo̧, —jö̧ba̧lö. Jo̧banö edöbi tjedoböma tjöpöjödinökwe, —Sulabo̧, —jö̧ba̧lö, ja̧danö jo̧kwadabo̧ jö̧ba̧lö domukatijatö, jo̧ba Dios ömöayo̧nö.

Isaías 52:14

Jo̧kwaijayonö ajayinö jo̧banö tjedenama, tajijö jö̧ba̧lö, tjöbajale jalaka baibanö tjedinökwe. Jau, nöinö kwakwatjökwe, öbama jojo öbadanö ichejekwinokobe, ja̧danö jwiinö usula emawo̧ ö̧ji̧ edö, jo̧banö wajwitjo jö̧tja̧linena, —Bitema jojoso̧, —jö̧ba̧lö.

Isaías 49:7

Isabenö Jo̧, Israel jojodönö tjöbeba̧lö pjabato̧, tjösödökwe suli̧ jwibo̧ma, baikwö yöa̧lobe tjitebotenia jojodö tjöpöjödökwe, ajayinö mikwawö̧kö̧ jö̧ba̧lö tjomukwatökwe la'aka luwedö tjö̧möayo̧nö: Ötjö ba̧kwelöjatebö yötawi̧danö ja̧bö jo̧ Isabenö Jo̧, Israel jojodö tjösödökwe Suli̧ Jwibo̧ Diosma ökwönö omudawö chujuninökweja, ötjöda chömöayo̧ bakibanö. Jo̧kwajabetjö̧, ju'winö inesö la'aka luwedöma ökwönö edö, kwöba a'o a̧la̧ibö tjöjamatakwedö, –Ökwöma mikwawo̧ja, –jö̧ba̧lö, ja̧danö ju'wedö luwedö kwöba a'o bȩbachibö tjö̧jakwedö, jö̧ba̧lö yöa̧lobe Diosma, iteda ömöayo̧nö.

Lucas 22:62

Ja̧danö, jejenö omukwatibajo̧, a̧petusȩko̧tjö labebö jwiinö o̧'wo̧ tjo̧achö ubudekwinobe Pedroma.

Juan 18:19

Ikenama Diostjö jojodötjö ö'weje la'aka pjabato̧ma aeba̧linobe Jesúsnöma, iteda öba̧ja̧di̧ waisachadönö. Ja̧danö, yöawinabi aeba̧linobe Jesúsnöma.