Lucas 22:42 - Dios Iwene

^42-44 —Chabe'do, inesö usula chemawakwa̧ma usula chemawökönö baledobö ji̧tjö̧ma, usula chemawökönö ja̧bitjö, jo̧kwaijayonö ötjö chösödi̧danömaökö chabe'do, ökwöda kwösödi̧danö ja̧bi— jö̧ba̧lö.

Lucas 22:42 Referans Kwoze

Mateo 26:39

Webajo̧, ödöokobe 'ya̧wibö, öba nijakwö bamatö, Diosnö aebinobe: —Chabe'do, inesö usula chemawakwa̧ma usula chemawökönö baledobö ji̧tjö̧ma, usula chemawökönö ja̧bitjö, jo̧kwaijayonö ötjö chösödi̧danömaökö Chabe'do, ökwöda kwösödi̧danö ja̧bi— jö̧ba̧lö.

Mateo 26:42

Ikenama, Jesúsma yemidanö tjebachibö 'ya̧wibö Diosnö aebinobe: —Chabe'do, usula chemawakwa̧ baledobö jwiitjö̧ma, isabenö usula chemawobö ji̧tjö̧ma, ökwöda kwösödi̧danö baibobö chösöda— jö̧ba̧lö.

Marcos 14:36

Ina budekwabijetö: —Chabe'do, ökwöma okobe jwiinö juluwo̧ja. Atebakwö, kwösöditjö̧ma inia tjötinö ja̧tjakwa̧ma baledökönö pjakato. Jo̧kwaijayonö jö̧ta̧lakwö. Jejenö budekwabinö atebijayonö ökwöda waiso̧ja Chabe'do. Kwösödi̧da baledobö webi Chabe'do, ötjö chösödi̧nömaökö— budekwabijetö Abe'do Diosnö.

Juan 18:11

Jejenö 'wiebiökwe Jesúsma weinobe Pedronö: —Pedro, kwölöte'o yutekwö anawi. Dios, ötjö usula chemawobö wei̧ma, ¿chemawokobö jiji̧? Usula chemawobö jo̧be, Pedro— yöawinobe Jesúsma Pedronöma.

Mateo 20:22

Jejenö ajebökwe, Jesúsma ji̧tji̧munö yöawinobe: —Akebaduwi̧ma wajwibadöja chömöledö. Ötjöma isabenö nöinö usula chemawakwo̧sa chömöledö, ja̧danö chipjeanö tjöbamatakwedöbi bakwayinö usula tjemawakwedö. Ökwödöma ötjö usula chemawi̧danö ¿usula emawö kwöbaledaduwobö kwujuluwaduwobeji̧?— jö̧ba̧lö. Aebawö̧: —Jau, usula kwemawi̧danö ökwödöbi usula emawö döbaledobö juluwadösa— jö̧ba̧lö tjatadinobe.

Juan 5:30

Ja̧danö, ötjöma ötjödada chomukwati̧dama lȩbebö̧kö̧sa. Dios wei̧da a̧ja̧kwo̧sa. Ötjö jojodönö lȩtebakwa̧ma, Dios omukwatö wei̧da lȩtebakwo̧sa. Ja̧danö, ötjö chomukwati̧maökö, ötjönö webina omukwati̧da lȩtebobetjö̧, jweinö omukwatö lȩtebakwo̧sa. Ötjöma ötjödada chomukwati̧danö jö̧könö Dios omukwati̧danö omukwatö jo̧sa— yöawinobe Jesúsma judío la'aka luwedönöma.

Juan 6:38

Ötjöma ötjöda chösödi̧danö chö̧joböma ichinö̧kö̧sa mölejȩbetjöma böjȩkwö. Ötjönö webo̧, Chabe'do Diosda ösödi̧danö chö̧jobö ichinasa.

Juan 4:34

Ja̧danö Jesúsma yöawinobe jobadönö: —Ötjö chukwi̧ kwakwawama biya̧: Ötjönö webo̧ ösödi̧ma, iteda wei̧ a̧ja̧kwo̧sa. Jejenö iteda wei̧ a̧ja̧kwö chö̧jena, otiwanö chö̧ja, jojodö tjukwaja̧ ikena otiwanö tjö̧ji̧danö— yöawinobe.

Isaías 51:22

Baikwö yöawobe kwuluwo̧duwi Isabenö Jo̧ Diosma ökwödönö: Chömöledö, babe kwömamuduwitjö 'dötebajabe inesö dameakwö lȩtebi̧ a̧ja̧'do̧ deja'do, 'dukwachawö̧danö bakibaduwanö suli̧ waeda'do̧ma. Bemi tupakwö ja̧'do̧tjö kwowaduwökakwedöja chömöledö,

Mateo 26:44

Ikenama, yemidanö jobadönö junibö, Jesúsma Diosnö aebinobe. Ajayinö Diosnö aebaja̧danö yemidanö aebinobe.

Isaías 51:17

Ökwödö 'dukwachawö̧danöbedö Jerusalen jojodöma, wilubaduwi, wilubö a̧la̧ibaduwi. Wanedö yöta̧laduwakwö, Isabenö Jo̧ma iteda ödameakwi̧ a̧ja̧'do̧ deja'do̧tjö kwowaduwobö iyinobe, ja̧danö iyajawö̧, okobe jwiinö kwowaduwajabe, ja'yubebi ji̧bökönö kwowaduwajabe, inesö yeabikwawa jawa deja'do̧ a̧ji̧ma.

Mateo 6:10

Ja̧danö ju'wibi la'aka luwo̧ kwö̧jakwa̧ möle juluwanö baibobö dösöda. Mölejȩbe ju̧kwadö jwaikwöda kwösödi̧danö ja̧bö tjö̧ji̧danö, böjȩnö ju̧kwadönöbi kwösödi̧danö ja̧bö tjö̧jobö dösöda.

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Mateo 11:26

Jau Chabe'do, ökwöda kwösödi̧danö ja̧bö jejenö i̧sebo̧ja— jö̧ba̧lö aebinobe Jesúsma.

Lucas 23:34

Jejenö bȩtjiökwe, Jesúsma Diosnö aebinobe: —Chabe'do, bidö ötjönö bȩtji̧ omukwatökönö kwösödodönö, ja̧tji̧ma wajwibö sulabenö ja̧tjobetjö̧— jö̧ba̧lö. Ja̧danö, Jesúsnö towisa'onö bȩbajadö, guardia jojodöma inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

Hechos 21:14

Jejenö jö̧a̧litjö̧, ina, Jobema kwi̧'yoko, jö̧ba̧lö, yemidanö lȩdeabijayonö öpöjödijatö Pabloma, Chi̧'yakwo̧sa, jö̧ba̧lö. Jo̧kwaobetjö̧ budekwabinö lȩdeabi̧ma kadatakwawijatö, Jau kwatjö̧ma, Duluwo̧ ösödi̧da baledakwo̧ja, jö̧ba̧lö.