Lucas 22:4 - Dios Iwene

⁴ Jejenö omukwatö, Judasma 'ya̧nö ö'weje pjabatadö tjuluwedökwöbi, Dios eju te'ada̧ladö guardia jojodökwöbi yöba̧lakwawö yöawinobe: —Balada kwimidaduwitjö̧ma Jesúsnö iyö lotakobe, wene jwiinö jo̧banö do̧kataduwakobetjö̧— jö̧ba̧lö.

Lucas 22:4 Referans Kwoze

Hechos 5:24

Jejenö yötjawi̧ a̧ja̧kwö Dios eju te'ada̧lakwawa jojodö tjuluwo̧bi, ja̧danö, Diostjö jojodötjö ö'weje la'aka pjabatadöbi, ¿dakwö baledaja̧jö? ¿dakwö ja̧dakwa̧jö? jö̧ba̧lö, omukwatijadötö.

Hechos 4:1

Ja̧danö, Pedro, Juan, ina jojodönö yötjawonö, Diostjö jojodötjö ö'weje pjabatadöbi, saduceosbi, Dios eju te'ada̧ladö guardia tjuluwo̧bi Pedro, Juan yötjawobekwö 'yi̧jadötö.

Hechos 5:26

Jejenö jö̧a̧liawö̧ Dios eju te'ada̧lakwawa jojodö tjuluwo̧ma ömöayedökwö Jesús webawedönö do̧tjatotö jö̧ba̧lö tjöba̧ja̧dobekwö 'yi̧jadötö. 'Ya̧jadöma jobadönö do̧tjatijayonö labinö inia tjötjinö ja̧tjobö webijöködötö, jojodö tjölabipji jö̧ba̧lö, ökwödönö kwabö lotjapji jö̧ba̧lö, inawiya ikwawö.

Lucas 22:52

Ikenama Jesúsma ichajadönö, ö'weje pjabatadö tjuluwedönöbi, Dios eju te'ada̧ladö guardia jojodönöbi, jojodötjö damönöbi abebö a̧ja̧kwinobe: —Naukwabo̧ labo̧danö chichejekwobetjö̧, ¿kwölöte'ijukwö ja̧danö ö̧'iyakwö ichejebö ötjönö do̧batö kwichaduwaji̧?

Mateo 26:14

Ikenama, Jesús webawedö a̧li̧nösamutjö du̧ju̧tajabedötjö bakwo̧ Judas Iscariote mikwo̧ma, Diostjö jojodötjö ö'weje pjabatadötjö la'aka luwedö tjö̧jobekwö 'ya̧nö abebö a̧ja̧kwinobe:

1 Crónicas 9:11

Azarias mikwo̧bi. Jobadötjö Dios eju la'aka luwo̧ma, Azariasda, ja̧danö Azarias a'dödö tjimibiya wȩyukwa'ye baikwö laebobe: Azariasma Hilcias mikwo̧ itji̧inobe. Ja̧danö Hilciasma Mesulam mikwo̧ itji̧inobe. Ja̧danö Mesulamma Sadoc mikwo̧ itji̧inobe. Ja̧danö Sadocma Meraiot mikwo̧ itji̧inobe. Ja̧danö Meraiotma Ahitob mikwo̧ itji̧inobe.

Lucas 22:5

Jejenö yöawawö̧ tjösödinobe, ja̧danö jo̧bakwö yöba̧lakwawajadö, Judasnö yöbawö tjujuninobe, Jesúsnö iyö loköbitjö̧ma isabenö balada dimidakobe jö̧ba̧lö.