Lucas 22:35 - Dios Iwene

³⁵ Ja̧danö, Jesúsma iteda öba̧ja̧di̧ waisachadönö jö̧a̧linobe: —Chömöledö, belö ökwödönö kwebachö yökawaduwobö wetenama, jwiböda kwekachaduwobö wetijatö, baladabi e'ewökönö, ja̧danö inapjo e'ewökönö, ja̧danö sapatu jeletubi e'ewökönö kwekachaduwobö wetijatö, ¿jö̧tö? Ja̧danö, jejenö wetenama, ¿ju'wi jaye jwiköbinaji̧?— Abebö a̧ja̧kwawö̧ tjatadinobe: —Jwiinokobe. Ba̧kwȩlö̧jatebö dujuna̧lo jö̧da̧linama dujuna̧lijatö— jö̧ba̧lö.

Lucas 22:35 Referans Kwoze

Lucas 10:4

Ja̧danö, kwi̧'yaduwakwa̧ baikwö wetaduwakwö: Baladabi e'ewökönö, inapjobi e'ewökönö, sapatu jeletubi e'ewökönö kwi̧'yaduwo. Ja̧danö juluwanö ja'ö jamatökönö kwi̧'yaduwo comunidadteniama, 'ya̧nö jojodönö kwedaduwenabi jamatö yöba̧lökönö juluwanöda comunidadbe kwi̧'yaduwo.

Lucas 9:3

Jobadönö webö baikwö yöa̧linobe jobadönö: —Yöbawö kwi̧'yaduwena, jwiböda kwekachaduwo, ö̧sö̧'a kwotokwa'oduwi e'ewökönö, ja̧danö inapjobi e'ewökönö, ja̧danö kwakwawabi e'ewökönö, ja̧danö baladabi e'ewökönö. Ja̧danö 'dukawado̧da 'dubawö kwi̧'yaduwo kamijido̧ e'ewökönö.

Deuteronomio 8:16

ja̧danö jo̧bada kwa'dödö wajwitjina kwakwawa Mana ötjabi̧ jawa mölejebetjö tjoduwobö webinama, kwakwawa jwiena kwukwaduwobö. Jejenö ökwödönö pjabatinama, kwuluwo̧duwi Diosda chömöledö, ja̧danö jejenö ökwödönö öbibö ö̧ba̧jadinobe ökwödönö, –Juluwöködösa, –jö̧ba̧lö kwöwaisachibaduwakobetjö̧, ja̧danö jo̧ba wei̧ kwa̧ja̧kwaduwakwojobö jö̧ba̧lö öwawakobetjö̧. Ja̧danö, jejenö öbibö ba̧ja̧dajo̧, inesö otiwanö ökwödönö pjaatakobetjö̧, jobekwö öibinobe kwuluwo̧duwi Diosma chömöledö.

Génesis 48:15

Ikenama Jacobma Dios ösödanö edö pjaatakwa̧ junijetö itji̧ Josénö, ja̧danö José i̧tji̧munö. Baikwö yöba̧lijetö: —Chitji̧, cha'dömine Abrahamma, chabe'domine Isaacma Dios wei̧ a̧ja̧kwö ju̧kwiatjinobe. Ja̧danö, Diosma ötjönöma ajayinö chö̧jinemi baikwö ite'ada̧linobe.

Lucas 22:34

Atadiökwe, Jesúsma Pedronö yöawinobe: —Isabenö yötawakwö Pedro, makö yö̧te akalaso̧ma jwöökakobe, Jesúsnö wajwitökwe, jö̧ba̧lö wa̧pötakwanö yöka̧lenanö kabatö— jö̧ba̧lö yöawinobe.

Lucas 22:36

Ikenama Jesúsma jobadönö yöawinobe: —Jejenö jwibö kwekachaduwobö belö wetijatö chömöledö, jo̧kwaijayonö jejenöma wetökö ökwödönö babema chömöledö. Babema isabenö ja̧ jawa kwekataduwobö jo̧be chömöledö. Baikwö yötawa: Babe kwebachö kwi̧'yaduwena, balada juna̧lo̧ma itea balada kwebatö kweachobö jo̧be, ja̧danö inapjobi e'ewobö jo̧be, ja̧danö kwölöte'o jwibo̧ma kamijido̧ tiyuwena 'duawado̧ iyö, kwölöte'o emobö jo̧be jö̧ba̧lö.

1 Reyes 11:22

Aebökwe, —Tajawedö kwȩwa̧jobö kwösödobeda? Betjöma taji jwiakwö, laekwa kwösödobeda?— jö̧ba̧lö yöa̧lökwe, —Ja̧maökö Faraon, ja'yubebi jwitököjayonö, yayonö a̧dekwanö chiteboobetjö̧ chȩwa̧jobö chösöda, weköbakwa̧ji̧? —jö̧ba̧lö aebinobe Hadadma, ja̧danö abebajo̧, Edom nijibe ȩwa̧jinobe, Salomon öpöjojo Edom niji la'aka luwo̧ baibanö.

2 Corintios 8:15

damötjö Israel jojodö Dios kwakwawa iyina tjeminadanö. Jau chömöledö, baikwö laebobe Dios iwene jobadönö: Jobadötjö nöinö kwakwawa e'dö emajadöma, u'yukwi̧ jwiinö tjomeawinö tjukwinobe, ja̧danö jobadötjö ja'yubeda e'dö emajadöbi, tjomeawinö tjukwinobe, okobe deinö bakweminö tjomeawinö tjukwobö tjujuna̧linobe otiwanö, jö̧ba̧lö laebobe.