Lucas 22:19 - Dios Iwene

¹⁹ Ikenama Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö, iteda webadönö iyö, wanedö yöawinobe baikwö: —Bipja̧ma ötjö chiteba'o, ja̧danö ökwödö kwö̧jibaduwobö chiyobe chiteba'oma. Ötjönö omukwatö emö kwaduwi— jö̧ba̧lö.

Lucas 22:19 Referans Kwoze

1 Corintios 10:16

Baikwö wanedö yötawa: Ökwödö Cristonö ösödadöma jo̧ba midawö woina omukwatö, dowobe, ¿jö̧tö? Jau chömöledö, otiwanö iyinobe Diosma jö̧ba̧lö, Cristo midawö woina omukwatö dowobe. Jejenö owö, okobe deinö owadöma bakobe Cristo ökwösobu dowobedanö ichejekwa, ¿jö̧tö? Ja̧danö, Cristo midawö woina omukwatö, pan 'delawö dukwenama, bakobe Cristo iteba'o dukwobedanö ichejekwa, ¿jö̧tö?

Lucas 22:20

Ja̧danö, tjukwaja̧ ikenama, pan iyaja̧danö Jesúsma tjowa'do̧ ubasobu okwa'do̧ iyö wanedö yöawinobe: —Bi'do̧tjö Diosma 'yayi̧ wene isabenö pjaatakwa̧ wene yöawobe, chökwösobu ebawakobetjö̧ Dios ökwödönö pjaatakwa̧ wenema— jö̧ba̧lö yöawinobe.

1 Corintios 10:4

Ja̧danö, okobe deinö bakobe Dios iyina ojwiyo tjowinobe, ¿jö̧tö? Jau chömöledö, okobe deinö inawatjö tjowinobe, ja̧danö jawa jobadökwö kweachinawama, Cristodainobe chömöledö.

Tito 2:14

Jo̧ba Jesucristoma midawö woinobe, okobe jwiinö sulabetjö dö̧jibinö pjaatobö, ja̧danö ökwödö do̧'wo̧ luwo̧nö sulabe dujuna̧li̧ dichö loobö, sulabe jwibadö iteda ömöledö badibanö dö̧jobö, ja̧danö otiwanö ja̧bö dö̧jo jö̧ba̧ladö badibanö dö̧jobö.

1 Pedro 2:24

Jau chömöledö, Cristoma isabenö ökwödönö pjabatö usula emawinobe. Ökwödö sulabenö ja̧dobetjö̧ Dios lȩebi̧tjö demo jö̧da̧linobe chömöledö, jo̧kwaijayonö ökwödö demawo jö̧da̧linama, jo̧bada dusula emawö towisa'onö ö̧linobe. Jejenö midawö woinobe, ökwödöma suli̧ ujulutjö ji̧bö, otiwanö ja̧bö dö̧jakobetjö̧. Jau chömöledö, kwakwatji̧tjö jo̧bada usula emawinobetjö̧, ökwödöma kwö'wöchaduwi̧tjö ji̧binadöja.

Efesios 5:2

Cristoma ökwödönö ile niebobetjö̧ dumusidi̧ midawö ö'wöchijetö, dö̧jibinö pjabatö. Jejenö pjabatö, Diosnö söinö nöekwi̧ jawa juwö tjiyinadanö Cristoma midawö iyijetö Diosnöma. Ja̧danö chömöledö, Cristo ökwödönö ile niebi̧danö ökwödöbi kwömöledöduwinö ile nibebö ja̧duwi.

Gálatas 1:4

Böjȩ sulaböjȩtjö dö̧jibobö, jo̧ba Jesucristoma ökwödö dusula midawö woinobe, Dabe'do Dios ajayitjöda omukwatö ujuninadanö.

Juan 6:51

Ja̧danö, ötjödasa jojodönö ba̧kwȩlö̧jatebö ja̧kwawa chiyobö mölejȩbetjö ichino̧ma. Ötjönö, kwakwawa wanekwacho̧nö kwadöma isabenö ö'wö batjibökakwedö. Ba̧kwȩlö̧jatebö ja̧kwawa tjujuna̧lakwedö jobadöma. Ötjöma ötjödada chiyawakwo̧sa jojodö Dioskwö ba̧kwȩlö̧jatebö tjuju̧kwobö— yöawinobe Jesúsma.

Lucas 24:30

Ja̧danö, jobadökwö ukwobö mesasötenö tjö̧benama, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö jobadönö iyinobe.

Mateo 14:19

Ikenama Jesúsma jojodö meje'yenö tjöbamatobö weinobe, ja̧danö bakwamu jawa pan ö̧pji̧yabi, ba̧i̧ du̧ju̧tajanöbi emibö, mölejȩbe edö Diosnö aebinobe, otiwanö kwakwawa kwiyajabe jö̧ba̧lö. Ikenama pan 'delawö, iteda öba̧ja̧di̧ waisachadönö iyinobe, jobadöma jojodönö tjiyabobö.

Juan 6:23

Jemi ikenama, tjukwajemi tjolanö yöne ju'wedöma tjichibinobe Tiberiastjö, isowikwena ichö. Jolama, pan tjukwakwa̧ abönö Duluwo̧ma iteda abe'donö aebi̧ tjukwinemi yöne tjola.

Lucas 22:17

Ikenama, yöbawajo̧, tjowa'do̧ ubasobu o̧'dobu okwa'do̧ emibö, Jesúsma Diosnö aebinobe, otiwanö kwiyajabe jö̧ba̧lö, ja̧danö abebajo̧, iteda öba̧ja̧di̧ waisachadönö iyö weinobe: —Chömöledö, yötawaduwakwö, babe dowi̧danöma la'akatjöda yemidanö ubasobu chowökakobe, yadakwö Dios la'aka luwo̧ ö̧jena ja̧nö yemidanö dowenanö kabatö, jo̧kwajabetjö̧ ja̧ omukwatö okobe deinö bakwo̧nökwena owaduwi— jö̧ba̧lö.

1 Tesalonicenses 5:18

okobe jwiinö baledi̧ma, Diosnö kwösödaduwo, otiwanö pjabato̧ja jö̧ba̧lö. Jejenö ökwödö Cristo Jesúsnö dötewadö kwö̧jaduwobö ösödo̧ Diosma.

Daniel 2:38

Diosma ökwönö ujuninobe, okobe deinö tjitebotenia ju̧kwadö tjuluwo̧ bakibanö, jojodöbi, tebonö ju̧kwadöbi, mö kö̧ba̧ladöbi tjuluwo̧ bakibanö. Ja̧danö o̧'wo̧ jawa kwedinökwe uuma, orotjö otikwuuma ökwönö badekwachobe.

Mateo 15:36

ja̧danö jelemutjö döpja̧lataja pan ö̧pjiyabi, ba̧i̧bi emibö, Diosnö aebinobe, Otiwanö iyo̧ja, jö̧ba̧lö. Ikenama abebajo̧, 'delawö iteda öba̧ja̧di̧ waisachadönö iyinobe, jojodönö tjiyabobö.