Lucas 21:7 - Dios Iwene

⁷ Jejenö yöawiawö̧, Jesús öba̧ja̧di̧ waisachadöma abebö tja̧ja̧kwinobe: —Ba̧ja̧dakwawa luwo̧, ja̧ yöka̧laja̧ baledakwa̧ma, ¿dianö baledakwa̧da? Ja̧danö, ja̧ baledakwa̧ abönö ¿taji baledakwa̧da, baledi̧ edö, Aaa, juluwanö jejenö Dios eju pjolö lotjakobe, jö̧ba̧lö dö̧waisoböma?— jö̧ba̧lö abebö tja̧ja̧kwinobe.

Lucas 21:7 Referans Kwoze

Marcos 13:14

Ja̧danö, ina yöbawijetö: —Jejenö baledonö jelo̧, jwiinö sulabenö ja̧bo̧ma Dios eju okwa tebachajo̧ tupakwö jojodö teachakwawökȩko̧nö tebachö ö̧bakobe, jojodö tetjachoböma jwiȩko̧nö. Ja̧ baledi̧ kwedaduwenama, kwöwaisaduwakobe, Tjo̧wi̧, sulabenö baledakobe, jö̧ba̧lö. Ja̧ mölema mö'ösa'okwö dökibajaduwo. Ja̧danö, biya̧ chiwȩyudi̧danö baledi̧ma kwedaduwena waisinö eda̧lö kwomukwataduwo— jö̧ba̧lö yöbawijetö—.

Lucas 21:32

Isabenö yötawaja̧danö baledakobe chömöledö. Isabenö yötawaduwakwö, babe jojodö ina tjö̧jayi okobe jwiinö yötawaja̧danö baledakobe.

Mateo 24:3

Jesús mösa'o Olivos mikwa'otjö öbamatenama, iteda öba̧ja̧di̧ waisachadö jo̧dawa'ye ichö Jesúsnö abebö tja̧ja̧kwinobe: —Ja̧ yökawaja̧ma, ¿dianö badekwachakwa̧da? Ja̧danö yemidanö kwichakwa̧ abönö, ja̧danö 'dö̧ibaji̧ möle baibakwa̧ abönö, ¿taji baledakwa̧da, baledi̧ edö, Aaa, juluwanö Jesús ichakobe, juluwanö 'dö̧ibaji̧ möle baibakobe, jö̧ba̧lö döwaisoböma?— jö̧ba̧lö abebö tja̧ja̧kwinobe.

Daniel 12:8

Jobekwö yöa̧lobe cha̧ja̧kwijatö, jo̧kwaijayonö yöa̧li̧ma otiwanö chöwaisachibijökötö, ¿taji jö̧ba̧lö yöa̧lobejö? jö̧ba̧lö. Jo̧kwajabetjö̧ abebö cha̧ja̧kwijatö: —Chuluwo̧, dakwö baledakwa̧da, okobe jwiinö ja̧ jawa 'dö̧ibajenama— jö̧ba̧lö.

Daniel 12:6

Ja̧danö jobadötjö bakwo̧ jwöbö abebö a̧ja̧kwinobe ökamijido̧ otiwado̧ dewado̧ 'dubawo̧nö, ojwe wame jo̧nö: —Ja̧ inesö labi̧ jawama, ¿dokwa lekwe baledakwa̧da 'dö̧ibakwa̧ abönöma— jö̧ba̧lö?

Lucas 21:6

Jejenö yötja̧liökwe, Jesúsma jobadönö yöawinobe: —Babe beju otiweju kwedaduwejuma, tupakwö okobe jwiinö pjolö lotjakweju ja̧kobe. Jau chömöledö, isabenö jwiinö pjolö lotjakobe bejuma, ja̧danö jwiinö pjolö lotjobetjö̧, inawiyatjö bakwawabi ajayinö ji̧nemi jö̧kakobe, okobe jwiinö söbebö lotjobetjö̧— jö̧ba̧lö yöawinobe Jesúsma.

Lucas 21:8

Abebö tja̧ja̧kwökwe, Jesúsma atadö yöawinobe baikwö: —Chömöledö, ö'wiakwawönö kwö̧jaduwo, jelo̧ ökwödönö omöna yöa̧li̧ kwösödaduwapji jö̧ba̧lö. Ba̧jekwadö chiminö ichö yötjawakwedö, ötjödasa Dios weakwo̧ jö̧a̧linökwema jö̧ba̧lö, ja̧danö ju'wedöbi yötjawakwedö, 'dö̧ibaji̧ möle tjo̧wi̧ juluwanö baiba jö̧ba̧lö, jo̧kwaijayonö yötja̧li̧ ösödökönaduwi, ja̧danö tjö̧kömanöma 'yö̧könaduwi.