Lucas 21:6 - Dios Iwene

⁶ Jejenö yötja̧liökwe, Jesúsma jobadönö yöawinobe: —Babe beju otiweju kwedaduwejuma, tupakwö okobe jwiinö pjolö lotjakweju ja̧kobe. Jau chömöledö, isabenö jwiinö pjolö lotjakobe bejuma, ja̧danö jwiinö pjolö lotjobetjö̧, inawiyatjö bakwawabi ajayinö ji̧nemi jö̧kakobe, okobe jwiinö söbebö lotjobetjö̧— jö̧ba̧lö yöawinobe Jesúsma.

Lucas 21:6 Referans Kwoze

Marcos 13:2

Jejenö jö̧a̧lökwe Jesúsma jö̧ba̧lijetö: —Jau, bena ju̧kwi̧ o̧dijuma otiwi̧. Jo̧kwaijayonö ju'winöma jejubiya otiwi̧ öwiyatjö otikwama, okobe jwiinö pjolebö loawakwa̧ nijibe. Inawiya ju'wi öwiya wa̧nö otiwabi 'diökakwa̧— jö̧ba̧lijetö Jesúsma.

Mateo 24:2

Tji̧sebökwe, Jesúsma jobadönö yöawinobe: —Chömöledö, isabenö yötawaduwakwö, okobe jwiinö biya̧ ejubiya inawiyatjö otikwa ejubiya kwedaduwi̧ma, babe otiwijayonö, tupakwö pjolö lotjakwa̧ ejubiya, ja̧danö jwiinö pjolö lotjakobetjö̧, inawa bakwawabi jelewa wamema ji̧bökakwawa— jö̧ba̧lö.

Lucas 21:7

Jejenö yöawiawö̧, Jesús öba̧ja̧di̧ waisachadöma abebö tja̧ja̧kwinobe: —Ba̧ja̧dakwawa luwo̧, ja̧ yöka̧laja̧ baledakwa̧ma, ¿dianö baledakwa̧da? Ja̧danö, ja̧ baledakwa̧ abönö ¿taji baledakwa̧da, baledi̧ edö, Aaa, juluwanö jejenö Dios eju pjolö lotjakobe, jö̧ba̧lö dö̧waisoböma?— jö̧ba̧lö abebö tja̧ja̧kwinobe.