Lucas 21:36 - Dios Iwene

³⁶ Jau chömöledö, ökwödöma ba̧kwȩlö̧jatebö eda̧lö ja̧nö Diosnö akebaduwo kwujuluwachibaduwanö pjaatobö, yötawaja̧ baledakwa̧ jawa baledenama, otiwanö kwöbaledaduwakobetjö̧, ja̧danö baledajadö ötjö jojo baibanö jeminökwe chöba a'otjö otiwanö kwö̧jaduwakobetjö̧— jö̧ba̧lö yöawinobe Jesúsma.

Lucas 21:36 Referans Kwoze

1 Juan 2:28

Jo̧kwaobetjö chi̧tji̧mu chösödawö̧, ökwödönö yemidanö yötawa. Jwaikwöda tupakwö kwi̧'yaduwo Cristokwö dötewinö. Jejenö kwi̧'yaduwo, Cristo yemidanö ichenama yöka̧laduwakobetjö̧, Chuluwo̧ ökwökwö dötewinö 'ya̧dösa, jö̧ba̧lö. Jejenö Cristokwö dötewinö kwi̧'yaduwobetjö̧ ju'winö jo̧banö kwedaduwena taba jwiinö kwedaduwakwedöja, yemidanö böjȩkwö ichenama.

1 Pedro 5:8

Jweinö omukwatö eda̧lö kwö̧jaduwo chömöledö, kwöpöjojo Awetjama, ökwödönö suli̧ öwaedobö isakwobetjö̧. Kwöpöjojonö baikwö wanedö yötawa chömöledö: Didiba nöbo̧ma tulubö kwebacho̧, ukwakwo̧nö isakwö, ¿jö̧tö? Ja̧danö, Awetjama ökwödönö suli̧ öwaedobö isakwo̧ chömöledö, jo̧kwajabetjö̧ jweinö omukwatö eda̧lö kwö̧jaduwobö jo̧be.

Mateo 25:13

Jau chömöledö, ö'wiakwawönö te'ada̧lö ja̧nö kwite'ada̧laduwo, yemidanö chichakwa̧ möle, ja̧danö yemidanö chichakwa̧ hora wajwiköbaduwobetjö̧— jö̧ba̧lö yöawinobe Jesúsma.

Mateo 24:42

Jo̧kwajabetjö̧, te'ada̧lönö kwö̧jaduwo chömöledö, kwuluwo̧ yemidanö ichakwa̧ möle wajwiköbaduwobetjö̧.

1 Pedro 4:7

Ja̧danö chömöledö, 'dö̧ibaji̧ möle yöneawachibobe. Jo̧kwajabetjö̧, jweinö omukwatö eda̧lakwawö kwö̧jaduwo, ja̧danö waisanö omukwatö Diosnö abebö kwö̧jaduwo.

1 Corintios 16:13

Chömöledö, te'ada̧lönö kwö̧jaduwo, ja̧danö 'diinö kwö̧jaduwo Jesúsnö ösödö dö̧ji̧ma, ja̧danö yebabökönö kwö̧jaduwo, ja̧danö kwujuluwachibaduwo chömöledö.

Lucas 18:1

Ju'wi möle Jesúsma iteda öba̧ja̧di̧ waisachadönö ba̧ja̧dö yöawinobe, me'dawachibökönö ba̧kwȩlö̧jatebö Diosnö atjebobö. Ja̧danö, ba̧ja̧dö, jobadönö wanedö yöawinobe baikwö:

Marcos 13:33

Jo̧kwaobetjö̧ ökwödöma tjöbeba̧lakwawö kwite'ada̧laduwo, chichakwa̧ma wajwiköbaduwobetjö̧— jö̧ba̧lö—.

Judas 1:24

Okobe deinö Diosnö dösödaduwo chömöledö, jo̧bada meköbaduwapji jö̧ba̧lö pjabato̧ma, ja̧danö jo̧bada iteda inesö dewinö salöinö öba a'o wene jwiinö kwö̧jaduwobö pjabato̧ma, kwo̧'wo̧duwi jwiinö ösödachibanö.

Mateo 26:41

Abökönö te'ada̧lö Diosnö akebaduwo, sulabenö ja̧köbaduwojobö jö̧ba̧lö balediawö̧, sulabenö ja̧köbaduwapji jö̧ba̧lö. Kwo̧'wo̧ luwo̧duwitjö isabenö otiwanö ja̧köbaduwobö ösödadöja chömöledö, jo̧kwaijayonö kwiteba'oduwitjö juluwöködöja— jö̧ba̧lö.

1 Tesalonicenses 5:17

kabatökönö Diosnö akebaduwo,

Marcos 13:37

Ökwödönö yötawi̧ma okobe deinö jojodönöbi tjöwaisobö chösöda. Otiwanö tjöbeba̧lakwawö kwuju̧kwaduwo—jö̧ba̧lö wanedö yöbawijetö Jesúsma öba̧ja̧di̧ waisachadönöma.

2 Timoteo 4:5

Timoteo, ba̧kwȩlö̧jatebö jweinö omukwatö kwö̧jo, ja̧danö usula kwemawenama, kwo̧'wo̧ 'dibachibö kwöbaledo. Otiwa jawa wene yöbawö kwotido, ja̧danö ju'wi Dios ökwönö wei̧bi otidö kwö̧jo.

Colosenses 4:2

Ba̧kwȩlö̧jatebö Diosnö abebö kwö̧jaduwo. Jau chömöledö, te'ada̧lönö ja̧nö, Diosnö abebö kwö̧jaduwo, ja̧danö, Otiwanö pjaatajabe, jö̧ba̧lö Diosnö ösödö akebaduwonö.

Hechos 10:2

Ja̧danö, Cornelioma Diosnö ösödö ji̧abijetö. Jo̧babi jo̧ba ömöledöbi Diosnö otiwanö yebabinö omukwatö ji̧abijadötö. Jo̧bama judío jojodötjö tju̧kwa jwibadönö pjabatiabijetö. Ja̧danö, Cornelioma kabatökönö Diosnö abebö ji̧abijetö.

Diosnö ösödo̧ Job mikwo̧ usula emawina jawa 27:10

—Ju'wibi yöta̧laduwakwö, isabenö Diosnö öpöjödadöma, Okobe Jwiinö Juluwo̧ Dios otidi̧ edö tjo̧'wo ösöwachibanö edöködö, jö̧tö? Ja̧danö kabatökönö, ba̧kwelöjatebö Diosnö abebö jwöböködö, jö̧tö? Ötjöma jejenöchokobe chömöledö, isabenö Diosnö ösödo̧sa chömöledö.

Lucas 20:35

Jejenö tji̧lȩkwa̧munö emöködö mölejȩbe ju̧kwadöma. Jau, baikwö yötawa: Mölejȩbe tjö̧jobö mikwawadö, bidöma woawatjö tjetjachajobö mikwawadö jö̧ba̧lö Dios omukwatawö̧ma, la'akatjöda woböködö batjibobe. Jobadöma Dios i̧tji̧mu woawatjö tjeatajinawö̧tjobetjö̧, ángelesdö wöboködö tjö̧ji̧danö ö'wö babiböködö tjö̧jobe. Jo̧kwajabetjö̧ jobetjö tji̧lȩkwa̧munö tjemökakwedö. Ja̧danö, mölejȩbe ju̧kwadö tji̧lȩkwa̧munö emöködö tjö̧jobetjö̧, bakwo̧bi ilekwo jö̧jökakwuju— jö̧ba̧lö atadinobe Jesúsma—.

Mateo 8:20

Jejenö yöa̧lökwe, Jesúsma atadinobe: —Chömöledöso̧, ötjöma cheju jwibo̧sa. Yo̧lo̧ko̧döma laju sobö tjabakwemi juna̧ladö, ja̧danö pji̧yu̧ma, tja'di̧ju juna̧ladö. Jobadö tjabakwemi tjujuna̧li̧danöma chujuna̧lökö chömöledöso̧. Ötjö jojo baibanö jeminökwema chabakwemi jwibo̧sa. ¿Isabenö chökömanö kwichobö jö̧ka̧liji̧, kwabakwemi jwibo̧ bakibanö?— jö̧ba̧lö atadinobe.

Mateo 24:43

Baikwö wanedö yötawa chömöledö: O̧do uluwo̧ma naukwabo̧ tebachö önaukwakwa̧ hora öwaisitjö̧ma, abökönö ite'ada̧lena, naukwabo̧ tebachö önaukwapji jö̧ba̧lö, ¿jö̧tö?

Mateo 24:44

Ja̧danö chömöledö, ökwödöma jojo baibanö jeminökwe chichakwa̧ möle wajwiköbaduwobetjö̧, ö'wiakwawönö te'ada̧lö kwö̧jaduwo, chichakwa̧ möle wajwiköbaduwobetjö̧— jö̧ba̧lö yöawinobe Jesúsma.

Lucas 1:19

Jejenö atadiökwe, ángelma jwebebö baikwö yöawinobe: —Ötjöma Gabriel mikwo̧sa, Dios öba a'o jojosa, ja̧danö Diosda ötjönö weinobe, yötawaja̧ otiwa jawa wene ökwönö yötawobö.

Lucas 21:35

Jau chömöledö, böjȩ jojodö tjo̧'wo̧ söba̧lö tjö̧jonö, ja̧ möle baibakobe. Wanedö yötawa: Tjo̧'wo̧ söba̧lö tji̧'yemi ja'ötjö juluwanö 'daliwanö tjö̧li̧danö, chichakwa̧ omukwatökönö tjö̧jonö juluwanö jobadönö lȩtebakwa̧ möle baibakobe. Ja̧danö, ökwödöbi chichakwa̧ omukwatökönö kwö̧jaduwapji jö̧ba̧lö, böjȩ jojodö tjösödi̧ jawa ja̧böma kwö̧jaduwoko chömöledö.

2 Corintios 4:14

Jau chömöledö, döwaisa, Duluwo̧ Jesúsnö woawatjö tjeachajinö ja̧binama, ökwödönöbi Jesúskwö tjedachajinö ja̧akwo̧ jö̧ba̧lö, ja̧danö ökwödönöbi, ökwödö Corintio jojodönöbi ja̧akwo̧, iteda öba a'o dö̧jakobetjö̧. Ja̧ wene ösödö dö̧jobe chömöledö, jo̧kwajabetjö̧ kabatibökönö jwaikwöda yöbawö dö̧jobe.

Apocalipsis 6:17

¡Ayö! Döwaisa, ida̧ökö, Dios jwiinö labinö lȩebi̧ma badekwachajabe. Bakwo̧bi deobe jo̧ba lȩebi̧tjö döbibajo̧ma— yebabinö jwötjeba̧li̧ cha̧ja̧kwijatö.

Apocalipsis 7:9

Ikenama chedemi yelösöda jojodö, ba̧jekwadönö, ba̧ja̧dakwawa jwienanö ba̧jekwadönö chedijatö. Jobadö chedinawö̧ma jelobebi jelobe jojodöbi, wainökwena ji̧nadötjö tupadanö jojodöbi, wainökwena tjiwene yöba̧ladöbi, okobe deinö jojodöma. Jobadöma Dios ö̧bemi badeibö, Obeja Itji̧danö Jo̧ ö̧jemi badeibö tjö̧jobe chedijatö. Jobadöma kamisi dewi̧ odo̧ 'dubawadö. Ja̧danö, öjiya, 'wiawa öjiya, wa̧cha öjiyadanö ichejekwi̧ tjömamunö do̧ba̧lakwawadö.

Apocalipsis 8:2

Jemi ikenama chedijatö ángelesdönö, jelemutjö du̧ju̧tajanö, Dios öba a'o ju̧kwadönö. Jobadönö iyabobe chedijatö, bakwo̧nökwena, pjuawa onu, trompeta mikwi̧.

Apocalipsis 11:4

Jobadöma, Dios yöawi̧ yöbawadöma, Duluwo̧ Dios öba a'o tjö̧jobe, böjȩ okobe jwiinö La'aka Luwo̧ Diosma. Ja̧danö, jobadöma, Olivo towibiya dowilataja owibiya, jö̧ba̧lö, ötjabiwö̧. Ja̧danö, La̧pa̧la̧yu̧ junawa o'di̧ju do'do̧lataja, jö̧ba̧lö, ötjabiwö̧.