Lucas 21:21 - Dios Iwene

²¹ Jejenö baibenama, Judea nijinö ju̧kwadö mö'ösa'ijube dötjibajobö ja̧kobe, ja̧danö Jerusalén comunidadnö ju̧kwadö comunidadtjö latjebobö ja̧kobe, ja̧danö comunidad ö'öbö ju̧kwadö Jerusalén comunidad tetjachokobö ja̧kobe, isabenö Jerusalén comunidad söbebö lotjakobetjö̧.

Lucas 21:21 Referans Kwoze

Apocalipsis 18:4

Ikenama, mölejȩbetjö Dios iwene cha̧ja̧kwijatö, baikwö: Ötjö chömöledö babibinadönö yötawa. Jobe comunidadtjö labebaduwi, sulabedö ja̧tji̧danö ökwödöbi ja̧köbaduwapji, jö̧ba̧lö. Ja̧danö, ökwödönöbi inia tjököbaduwinö baledapji, jö̧ba̧lö, jobetjöma labebaduwi.

Marcos 13:15

Ja̧ baledena bakwo̧ eju wame jo̧ma o̧do okwa tebachibö u̧kwa tea emo jö̧ba̧lö meiboböma jwiakobe. Tebachökönö juluwanö ö'öbakwawakwo̧, Mö'ösa'okwö dötibajo, jö̧ba̧lö.

Mateo 24:16

Ja̧danö, jejenö kwedaduwenama, Judea nijinö ju̧kwadöma juluwanö mö'ösa'ijube dötjibajobö ja̧kobe.

Proverbios 22:3

Ja̧danö, ju'wibi yötawa: Isabenö, ö'wiyawakwawönö omukwato̧ma labi jawa baledakwa̧ waiso̧, chedemi labinö baledakobe, jö̧ba̧lö. Jobekwö öwaisasobetjö̧ itedada te'ada̧lo̧, labi̧ jawa baledobekwöma i̧'yapji jö̧ba̧lö. Jobekwö omukwatokobe jweinö omukwatobö wajwibo̧ma. Jo̧bama omukwatökönö labi̧ jawa baledobekwö 'yo̧. Ja̧danö, labobekwö i̧'yobetjö̧ yelösöda usula emawakwo̧.

Génesis 19:26

Ja̧danö, Lot ilekwo, Lot ökömanö ichajajuma söbebö loobekwö jalachibö jö̧kömakwö edijotö. Ja̧danö, jalachibö jö̧kömakwö jedemi sayu'oda babibijotö.

Génesis 19:17

Jobe Sodoma comunidad pjeakwö tjö̧jena ángelesdötjö bakwo̧ webijetö Lotnö: —Döbibajaduwi 'yaka̧laduwakobetjö̧. Jalachiböbi kwedaduwoko kwö̧kömaduwikwöma. Niji ba̧ba̧laemibi okobe jwiinö 'ya̧duwi jamatökönö, tupakwö 'ya̧nö. Ja̧danö, mö'ösa'iju jo̧bekwö döbibaduwi ökwödöbi debö kwi̧'yaduwapji jö̧ba̧lö— webijetö.

Mateo 2:1

Jesús ojo'do Judea niji comunidad Belentjö Jesúsnö jemenama, Herodes mikwo̧ la'aka luwo̧ ö̧jinobe. Ja̧danö, jawo̧ laebobekwötjö, ju'wedö waisadöma tjichinobe, ja̧danö ichajadö Jerusalén comunidadnö ichibö abebö tja̧ja̧kwinobe: