Lucas 20:24 - Dios Iwene

²⁴ —Baladasapi̧, impuesto jawasapi̧ i̧sebitjö— jö̧ba̧lö. Tji̧sebiökwe abebö a̧ja̧kwinobe: —Bipi̧ma, ¿ti öba ba̧pi̧da, ja̧danö ti imi laebapi̧da?— jö̧ba̧lö abebö a̧ja̧kwinobe. Aebawö̧: —Roma jojodötjö inesö la'aka luwo̧ César öba ba̧pi̧, ja̧danö jo̧ba imi laebapi̧— jö̧ba̧lö tjatadinobe.

Lucas 20:24 Referans Kwoze

Mateo 18:28

Ikenama, umusidi̧ söbebö loajökwema uluwo̧ ö̧jelö labebajo̧, iteda uluwo̧ ömöayedötjö jelo̧nö edinobe, umusidi̧ söbebö loajökwenö ja'yubeda balada musido̧nö. Jo̧banö edö, do̧atinobe, ja̧danö u̧lume'anö do̧batö, Babeda ötjönö kwumusidi̧ miditjö, jö̧ba̧lö weinobe uluwo̧ umusidi̧ söbebö loajökwema.

Filipenses 4:22

Jau chömöledö, okobe deinö bemi jojodö Jesúsnö ösödadöma detjawobedanö ökwödönö dokwa jö̧ba̧lö atjebobe, ja̧danö inesö la'aka luwo̧ César mikwo̧ eju te'ada̧ladötjö Jesúsnö ösödadöbi isabenö ökwödönö dokwa jö̧ba̧lö atjebobe.

Hechos 26:32

Ikenama Agripa jö̧ba̧lijetö Festonö: —Jo̧bama Romabe tje'ewobö, la'aka luwo̧ Césarnö yöa̧lobö aebinökötjö̧ma betjö, ka̧lena ba̧kwawejutjö ladebena— jö̧ba̧lijetö Agripama.

Hechos 11:28

Jobadötjö bakwo̧ma, Agabo mikwo̧ma, Jesúsnö ösödadö ko̧ko̧kwö tjöba̧jemi 'da̧de jamatö yöbawijetö: —Dokwa chömöledö. Babema yötawa a̧wi̧chö̧lö̧ji̧ma lekwokobetjö baledakobe böjȩ bakwameachibanö— yöbawijetö Agaboma, Dios O̧'wo̧ Luwo̧ öba̧ja̧da̧lonö. Ja̧ a̧wi̧chi̧ tjöawa Agabo baledakwa̧ yöawinadanö, tupakwö baledijetö romano jojodö tjuluwo̧ Claudio mikwo̧ yöbawö ö̧benama.

Lucas 23:2

Ja̧danö Pilato öba a'o junajadö Jesúsnö wanedö yötja̧linobe: —Bite Jesúsnö lȩkebo Pilato, sulabo̧obetjö̧. Baikwö sulabenö ja̧obe dedijatö: Ditebo jojodönö sulabenö öbibö yöawinobe, inesö la'aka luwo̧ César mikwo̧nö impuesto jawa balada dimidoko, jö̧ba̧lö. Ja̧danö ju'wibi yöawinobe, Ötjödasa Dios weakwo̧ jö̧a̧linökwe Israel jojodö la'aka tjuluwo̧ma, jö̧ba̧lö. Jejenö yöbawö inesö la'aka luwo̧ César mikwo̧ wei̧ tjöpöjödobö sulabenö öibobe— jö̧ba̧lö Jesúsnö wanedö yötjawinobe Pilatonö.

Lucas 20:22

Ja̧danö, jejenö döwaisobetjö̧, kwomukwati̧ yökawobö dösödobe, Moisés iwȩyudinama ¿dakwö laebobeda? Roma jojodötjö inesö la'aka luwo̧ Césarnö impuesto ötjabi̧ balada ¿dimidobö jo̧beji̧, dimidobö jwiobeji̧? Jweinö yökawobö dösöda, otiwojobö, sulojobö döwaisobö— jö̧ba̧lö abebö tja̧ja̧kwinobe.

Lucas 3:1

Baikwö laebobe Zacarías itji̧, Ojwenö Bu̧dato̧ ötjabökwe Juan mikwo̧ yöbawö otidina wene: Juan jamatö yöawenama, romano jojodötjö inesö la'aka luwo̧ emperador Tiberio mikwo̧ma ida̧ökö a̧li̧nösamutjö bakwamu o̧biya baledibanö yöbawö weinobe. Ja̧danö ju'wedö jo̧ba ömöayedö la'aka luwedöma bidö: Poncio Pilatoma Judea nijitjö gobernador ö̧jinobe, ja̧danö Herodesma Galilea nijitjö la'aka luwo̧ ö̧jinobe, ja̧danö Herodes öjawo̧ Filipema Iturea nijitjöbi, Traconítide nijitjöbi la'aka luwo̧ ö̧jinobe, ja̧danö Lisaniasma Abilinia nijitjö la'aka luwo̧ ö̧jinobe.

Lucas 2:1

Ja̧danö, ju'wi möle baikwö badekwachinobe Josenöbi Maríanöbi: María metu'wo jö̧jayi, inesö la'aka luwo̧ma romano jojodötjö emperador Augusto César mikwo̧ma weinobe okobe deinö wȩyukwö tjitebotenia tjiwȩyukwobö.

Mateo 20:2

Tjotidakwedönö badekwajo̧, jobadökwö yöba̧lakwawö ujuninobe imidakwa̧, bakwöta möle tjimidajiyadanö imidobö, ja̧danö ikenama jobadönö weinobe ubasayu tjotidobö.

Mateo 22:20

ja̧danö Jesúsma jobadönö abebö a̧ja̧kwinobe: —Bipi̧ma, ¿ti öba ba̧pi̧da, ja̧danö ti imi laebapi̧da?— jö̧ba̧lö abebö a̧ja̧kwinobe.

Lucas 20:23

Jejenö Jesús yöawi̧ ösödadödanö ichejekwö abebö tja̧ja̧kwijayonö, Jesúsma jobadö 'daliwa tjönotö jö̧ba̧lö tjomukwati̧ öwaisinobe, ja̧danö jobadönö weinobe:

Lucas 20:25

Tjatadökwe, Jesúsma yöawinobe: —Iteda iteasapi̧obetjö̧, jo̧ba inesö la'aka luwo̧nö iteda jawasapi̧ kwimidaduwonö, ja̧danö Diosnöbi Dios jawada kwimidaduwo— jö̧ba̧lö yöawinobe.

Marcos 12:16

Jejenö jö̧a̧lawö̧ i̧sebijadötö baladapi̧. Jesúsma ja̧pi̧ edö jö̧ba̧lijetö: —Bipi̧ baladapi̧nöma ¿ti o̧'wo̧ jawa bo̧beda? ¿Ti imi wȩyukwa bo̧beda?— abebö a̧ja̧kwawö̧ jobadöma atadijadötö: —Roma la'aka luwo̧ o̧'wo̧ jawa bo̧be— atadijadötö.