Lucas 20:20 - Dios Iwene

²⁰ Jobadö Jesúsnö öpöjödadöma waapjida Jesúsnö do̧tjatobö yetjabinobe, jo̧kwajabetjö̧ gobernadortjö wene baibobö tjisakwinobe, sulabenö yöa̧liökwe, gobernadorda jo̧banö do̧atakobetjö̧. Ja̧danö, Jesúsnö te'ada̧lönö eda̧lö, ju'wedönö wetjinobe 'daliwa nönö Jesúsnö abebö tja̧ja̧kwobö. Jobadöma Jesús yöawi̧ ösödadödanö ichejekwö, Jesúsnö abebö tja̧ja̧kwinobe baikwö:

Lucas 20:20 Referans Kwoze

Mateo 27:2

Ikenama, Jesúsnö nu'yibö, jo̧banö öbibö tji̧'yinobe, Roma la'aka luwo̧ ujuninökwe gobernador Pilato mikwo̧nö iyö lotjobö.

2 Pedro 2:3

Ja̧danö, idöda tjemotö jö̧ba̧lö tjösödobetjö̧, jobadö sulabenö yöbawadöma ökwödönö omöna yötja̧lakobe, ökwödötjö balada tjemo jö̧ba̧lö. Jo̧kwaijayonö Diosma damötjö jobadönö lȩebobö omukwatö ujuninobe chömöledö, ja̧danö isabenö jobadönö lȩebakobe.

Lucas 20:26

Jejenö yöawawö̧, tjöbajale jalaka baibanö tja̧ja̧kwinobe, Bitema isabenö waisanö yöbawo̧we, jö̧ba̧lö. Ja̧danö jejenö waisanö yöawobetjö̧, jojodö tjöba a'otjö sulabenö yöawobö 'daliwa tjönobö tjomukwati̧ma waekwinobe, jo̧kwajabetjö̧ 'wi̧inö batjibinobe.

Marcos 3:2

Ja̧danö, ju'wedö Jesúsnö öpöjödadöma Jesúsnö söinö eda̧lijadötö, 'wabo̧nö otidö loojobö, jö̧ba̧lö. Jwötjeba̧lotö jö̧ba̧lö, Jesúsma sulabenö Moisés weina a̧ja̧kwökönö otido̧ otikwökö möle, jö̧ba̧lö, söinö eda̧lijadötö.

2 Samuel 14:2

Jo̧kwajabetjö̧ weinobe, Tecoa comunidadtjö bajwuju waisuju jichobö. Ja̧danö, ichibajunö weinobe, —Tjö̧möledö wotjiawö̧ budekwadödanö kwichejekwinö ja̧bi, budekwadö 'dutjawa̧do̧ 'dubawö. Ja̧danö, budekwuju, jömöledö debö tji̧'yioko lekwe möle budekwuju kwichejekwi̧nö, omewasobu dubawökönö ja̧nö,

Daniel 6:4

Jejenö omukwatiawö̧, ju'wedö presidentebedöbi, gobernadorbedöbi tjöpöjödinobe, ja̧danö Daniel sulabenö ja̧aja̧ yötjawobö tjisakwinobe, Danielma la'aka luwo̧ wei̧ jawa sulabenö otido̧ jö̧ba̧lö yötjawobö. Jo̧kwaijayonö, Daniel isabenö otido jö̧a̧li̧danö otiwanö otidobetjö̧, ja̧danö ja'yubebi 'dö̧welachibökönö otidobetjö̧, jejenö tjisakwi̧ma waekwinobe. Jo̧kwajabetjö̧, jo̧banö sulabenö yötjawotö jö̧ba̧lö tjisakwijayonö, tjöwaekwinobe, sule otiwanö otidaja̧da tjöbadekwajinobe.

Lucas 20:21

—Ba̧ja̧dakwawa luwo̧, ökwönö döwaisa, jweinö yöbawö ba̧ja̧do̧ja jö̧ba̧lö, ja̧danö jojodönö wainökwenama omukwatökönö, yebabökönö jweinö Dios ösödi̧ jawada yöbawo̧ja jö̧ba̧lö döwaisa.