Lucas 2:47 - Dios Iwene

⁴⁷ Jesús waisanö yöa̧liawö̧, okobe deinö jobe edajadöma tjöbajale jalaka baibanö tjomukwatinobe, Bite tjemuma ¿dakwö waisanö omukwato̧jö? ¿Dakwö waisanö atado̧jö? jö̧ba̧lö.

Lucas 2:47 Referans Kwoze

Mateo 7:28

Ja̧ jawa Jesús yöbawö kaatenama, jo̧banö a̧ja̧kwö ko̧ko̧kwadöma tjöbajale jalaka baibanö tjomukwatinobe, Ayö, bitema ¿dakwö yöbawo̧jö? jö̧ba̧lö.

Lucas 4:32

Ja̧danö, luwo̧ yöawi̧danö otiwanö öba̧ja̧diawö̧, tjöbajale jalaka baibanö tja̧ja̧kwinobe.

Juan 7:15

Waisö yöawiawö̧ judío jojodöma, Jesús yöawi̧ a̧ja̧kwö tjöbajale jalaka babibö: —Itema waisachinö̧kö̧ma, ¿dakwö waisö yöba̧lo̧?— jö̧tja̧liökwe:

Marcos 1:22

Jejunö ba̧jadöma jejenö Jesús yöawawö̧ tjöbajale jalaka baibanö jö̧ba̧lakwawijadötö: —Bitema ju'wedö yötjawi̧danö yöbawö̧kö̧. Yelösöda, Moisés iwȩyudina yöbawadö yötjawi̧danö yöbawö̧kö̧. Jobadöma ju'wedö yötjawinada yöbawadö. Jo̧kwaijayonö bitema iteda öwaisinöda ujulunö yöbawo̧ ichejekwo̧— yöba̧lakwawijadötö.

Juan 7:46

jejenö abebö tja̧ja̧kwiawö̧: —Duluwedö, otiwanö yöawi̧tjö do̧datoböma jwiatö. La'akatjöda da̧ja̧kwinokobe jo̧ba yöawi̧danö yöawi̧ma— tjatadinobe jobadöma, Dios eju te'ada̧ladö guardia jojodöma.

Lucas 4:22

Okobe deinö jojodöma otiwanö yötja̧linobe Jesúsnö, Bitema otiwanö yöbawo̧. ¿Dakwö jejenö otiwa jawa yöbawo̧jö? jö̧ba̧lö. Jejenö yötja̧liawö̧, Nazaret jojodötjö ju'wedö yötja̧linobe: —Bitema ditebo jojo José itji̧, ¿jö̧tö? Kwatjö̧ma ¿dakwö waisanö yöba̧lo̧jö bitema?— jö̧ba̧lö tjo̧'wo̧ sulinö yötja̧lakwawinobe.

Mateo 13:54

Jemi ikenama, Jesúsma yemidanö iteda ajayinö itebobe ȩwa̧jinobe, ja̧danö judío jojodö ba̧nö tja̧ja̧kwa̧leju tebachö, jojodönö yöawinobe. Yöawiawö̧, jojodöma tjöbajale jalaka baibanö yötja̧lakwawinobe: —Bitema ¿dakwö waisanö yöawobö öwaisachibinajö? ja̧danö, jojodö edajitjökö jawa ¿dakwö ja̧bo̧jö?

Mateo 22:33

Jejenö yöawiawö̧, jojodöma tjöbajale jalaka baibanö tja̧ja̧kwinobe, Ayö, bitema waisanö ba̧ja̧do̧we, jö̧ba̧lö.

Marcos 6:2

Otikwökö möle baibena, judío jojodö ba̧nö tja̧ja̧kwa̧lejunö tebachö jojodönö yöbawijetö. Ba̧jekwadö Jesús yöawi̧ a̧ja̧kwa̧lijadötö. Jo̧ba yöawi̧ a̧ja̧kwa̧lö jobe ju̧kwadöma omukwata̧lö yöba̧lakwawijadötö idödada: —Bitema bemida jojo. ¿Dakwö öwaisachibinada ja̧ yöawi̧ma? ¿Dakwö baibinajö waiso̧ baibanöma? Ujulunö i̧sebi̧ma ¿dakwö i̧sebo̧da?

Marcos 11:18

Jejenö jö̧a̧li̧ a̧ja̧kwö la'aka luwedöma öpöjödijadötö. Diostjö jojodötjö ö'weje pjabatadö tjuluwedöbi, Moisés iwȩyudina ba̧ja̧dadöbi yebabijadötö Jesúsnöma, jojodö jo̧ba yöawi̧ a̧ja̧kwö nöinö tjösödobetjö̧, A̧ja̧kwi, a̧ja̧kwi, jö̧ba̧lö. Jo̧kwaobetjö̧ tjo̧'wo̧ sulinö edö omukwatijadötö, ¿Dakwö ja̧dakwa̧da Jesúsnö kwabö loawa wedoböma?, jö̧ba̧lö.

Lucas 2:46

ja̧danö wa̧pötakwa möle baledibanö jo̧banö tjisakwinobe. Wa̧pötakwa möle isakwö baledajadö, bajalianö Jesúsnö tjöbadekwajinobe, Dios ejutjö Dios iwene ba̧ja̧dadö tjö'da̧de bo̧nö. Jobe ba̧nö, Jesúsma ba̧ja̧dadö yötjawi̧ a̧ja̧kwinobe, ja̧danö a̧ja̧kwö, jobadönö abebö a̧ja̧kwinobe.

Lucas 2:18

Okobe deinö a̧ja̧kwadöma tjöbajale jalaka baibanö tja̧ja̧kwinobe.