Lucas 2:21 - Dios Iwene

²¹ Jemi ikenama, jelemutjö wa̧pötakwa möle baledibajenama, tjemu ötade bajalesado̧ wibebö lotjobö baibinobe, Israel jojodö wibebö lobiatji̧danö. Ja̧danö, ötade bajalesado̧ wibebö lotjenama, Jesús jö̧ba̧lö imi tjimidinobe, ángel ajayinö weinadanö. Ina metu'wo jwijayi ángelma Maríanö weinobe, Jesús jö̧ba̧lö kwimidonö, jö̧ba̧lö, ja̧danö weinadanö Jesús jö̧ba̧lö imi tjimidinobe.

Lucas 2:21 Referans Kwoze

Lucas 1:59

Jitji̧nö jemaja̧ ikena jelemutjö wa̧pötakwa möle baibenama, tjemu ötade bajalesado̧ 'wibebö lotjinobe, ja̧danö jojodöma ichö tjemunö abe'do imi Zacarías jö̧ba̧lö tjimidobö tjomukwatinobe.

Lucas 1:31

Ökwöma isabenö metu'wo kwö̧jakwujuja, ja̧danö kwitji̧nö kwemakwujuja, ja̧danö emaju jo̧banö Jesús jö̧ba̧lö kwimidakobe.

Génesis 17:12

Bemi tupakwöma okobe deinö tjemu ömadönö tjeminawö̧nö, kwömöledötjöbi, kwömöayedö kwejutjö tjeminawö̧nöbi tjojo'do tjemaja̧ ikena jelemutjö wa̧pötakwa möle baledibajena ja̧ sa̧do̧ 'wibebö loköbaduwobö jo̧be. Ja̧danö jelobe jojodönö, kwömöledöböködönö, midö emö kwichejebinawö̧nöbi ja̧ sado̧ 'wibebö loköbaduwobö jo̧be.

Filipenses 2:8

Jo̧bama mikwawö̧kö̧ baibanö ja̧inobe, ja̧danö Dios wei̧da ja̧inobe, woenanö kabatö. Jau chömöledö, towisa'onö woawama jwiinö sulijayonö, ökwödönö pjaato jö̧ba̧lö, Cristoma öpöjödökönö mikwawö̧kö̧danö ja̧nö Dios wei̧ ja̧bö midawö woinobe.

Mateo 3:15

Jejenö aebökwe, Jesúsma atadinobe: —Diosma ötjönöbi ojwenö bu̧datakwawa weobe, jo̧kwajabetjö̧ ötjönöbi ojwenö kwubu̧datobö jo̧be, okobe jwiinö Dios wei̧danö ja̧dobö— jö̧ba̧lö atadinobe Jesúsma. Jejenö atadökwe, Jesúsnö ojwenö ubu̧datinobe Juanma.

Mateo 1:25

Jo̧kwaijayonö, jobujunö emijayonö, jobujunö ja̧inokobe, jitji̧nö jemenanö kabatö. Ja̧danö, jitji̧nö jemenama, Joséma jo̧banö Jesús jö̧ba̧lö imidinobe.

Mateo 1:21

Maríama jitji̧ iso̧nö jemakobe, ja̧danö jemakwo̧nö Jesús jö̧ba̧lö kwimidonö, iteda ömöledönö tjusulatjö tjö̧jibanö ja̧akwo̧obetjö̧— jö̧ba̧lö yöawinobe Dios weökwe ángelma.