Lucas 19:43 - Dios Iwene

⁴³ Jau, kwöpöjödaduwobetjö̧, isabenö ja'yubeda lekwajabetjö kwöpöjojodöma ichibö tjösawö suli̧ tjöwaedakobe ökwödönö. Kwöpöjojodöma tjöekwemi otidö tjujunakobe, dökibaduwapji jö̧ba̧lö, ja̧danö tjösawibö okobe jwiinö ökwödönö metji̧bakobe.

Lucas 19:43 Referans Kwoze

Isaías 37:33

—Ja̧danö baikwö yötawakwö Isabenö Jo̧ Asiria la'aka luwo̧nö yöawi̧ma: –Asiria la'aka luwo̧ma Jerusalen comunidad teachökakwo̧. Ju'wibi, nayunu bakwanubi Jerusalentjö 'böökakwo̧, ja̧danö tjöekwapi kwebatö, meibökakwo̧, ja̧danö Jerusalen tjöekwemi pjolö lootö jö̧ba̧lö, pjolö loawakama ujunökakwo̧.

Mateo 22:7

Jejenö ja̧tjiökwe, la'aka luwo̧ma ödameakwinobe, ja̧danö iteda ömöayedö guardia jojodönö weinobe, jobadö iteda ömöayedönö kwabö lobajadönö kwabö lotjobö, ja̧danö tjö̧jinemi comunidad juwö lotjobö.

Lucas 19:42

—Ayö, ökwödö Jerusalénnö ju̧kwadöwe. Isabenö kwo̧'wo̧ ösöwanö wene jwiinö kwö̧jaduwobö ji̧nobe, ja̧danö babebi otiwanö Dios pjaati̧ edö kwöwaisachibaduwitjö̧ma otiwo jö̧a̧lena. Jo̧kwaijayonö kwöpöjödaduwobetjö̧ Dios pjaati̧ma tojawobedanö ichejekwa, waisachibö kwö̧jibaduwapji jö̧ba̧lö.