Lucas 19:34 - Dios Iwene

³⁴ Abebö tja̧ja̧kwawö̧ tjatadinobe, Duluwo̧ bitenö öwamatobö jo̧betjö̧ dejatobe, jö̧ba̧lö.

Lucas 19:34 Referans Kwoze

Juan 12:16

Jesús öba̧ja̧di̧ waisachadöma jejenö baledi̧ tjedijayonö tjomukwatinokobe, Aaa, biya̧ma damötjö tjiwȩyudinadanö wanekwacha, jö̧ba̧löma. Jejenöma tjomukwatinokobe. Jo̧kwaijayonö ju'wi möle, Jesús mölejȩbe kaekwachajabe okobetjöma tjöwaisachibakwedö, Aaa, ajayinö Jesús bulu itji̧nö wa̧nö ichinama damötjö tjiwȩyudinadanö wanekwachinobe, jö̧ba̧lö.

Juan 10:35

Ja̧danö, Diosma jweinöda yöbawo̧. Jweinöda yöawinobe, Ökwödöma ötjö jojodö tjuluwedö chö̧ji̧danö ja̧döja, ökwödöbi jojodö tjuluwedö ja̧dököbaduwobetjö̧, jö̧ba̧lö. Jo̧kwaobetjö̧ jejenö Dios iwenetjö laebitjö̧ma, Ökwödöma Diosdanö ja̧döja, jö̧ba̧lö,

2 Corintios 8:9

Isabenö pjabatö kwiyaduwobö otiwa chömöledö, baikwö yötawa: Kwöwaisaduwa chömöledö, Duluwo̧ Jesucristo mikwa jwiinö otiwanö iyina wenema, ¿jö̧tö? Jau chömöledö, jo̧bama nöinö ujuna̧linajayonö, ujuna̧li̧ junibö, jwibo̧danö usulaso̧ baibinobe, ökwödönö pjabatö. Jejenö baibinobe, ökwödöma jo̧ba usulaso̧ ö̧jinatjö nöinö juna̧ladö bakibaduwakobetjö̧.

Lucas 19:33

Ja̧danö, Bulunö tjejatonö, bulu ajikwedöma jobadönö abebö tja̧ja̧kwinobe ¿Tajawedö kwejataduwa? jö̧ba̧lö.

Lucas 19:35

Jobetjö öbibö ȩwa̧jö, Jesús ö̧jobekwö öbibö tjichejebinobe bulunö. Ikenama, bulu oma'anö tjökamijido̧ tiyuwena 'dutjawado̧ tjöwaninobe, ja̧danö jejenö tjöwanajökwenö Jesúsnö tjöwaninobe bulu oma'anö öwobö.