Lucas 19:15 - Dios Iwene

¹⁵ Jo̧kwaijayonö, tjöpöjödijayonö yayonö jo̧banö la'aka luwo̧ baibanö tjujuninobe, ja̧danö tjujunaja̧ ikena, itebobe ȩwa̧jinobe, jobe yöbawö weobö. Ja̧danö, ȩwa̧jo̧ weinobe, balada iyinawö̧ ömöayedönö jwötjobö, öba a'o ja̧nö tjotidawakwena yötjawobö, iyinatjö dokwa nöinö baibanö tjotidinojobö jö̧ba̧lö.

Lucas 19:15 Referans Kwoze

Lucas 12:48

Jo̧kwaijayonö ömöayedötjö uluwo̧ wei̧ wajwibö uluwo̧ öpöjödi̧danö ja̧bo̧nöma labinö kwakwaökena uluwo̧ma. Wajwibö sulabenö ja̧obetjö̧, uluwo̧ma labinö kwakwaökena, ja'yubeda kwakwaena, wajwibö sulabenö ja̧ajabe jö̧ba̧lö— yöawinobe Jesúsma. Wanedö yöbawajo̧, Jesúsma labebö lobö yöawinobe baikwö: —Chöba̧ja̧di̧ waisachadötjö nöinö chöba̧ja̧dawö̧ma, nöinö tjotidobö weakobe Diosma, bidöma isabenö otiwanö otikwa waisadö jö̧ba̧lö. Ja̧danö ju'wibi yötawaduwakwö, bidöma otiwanö tjotidakwedö jö̧ba̧lö nöinö tjotidobö Dios 'da̧batö ujunawö̧ma, ju'wedötjö bajalekwönönö nöinö tjotidobö jo̧be— jö̧ba̧lö yöawinobe.

Mateo 25:19

Ikenama, lekwajabetjö, bajalianö ȩwa̧jinobe la'aka luwo̧ma. Ȩwa̧jo̧, iteda ömöayedönö jwöinobe, ichö tjotidaja̧ jo̧banö yötjawobö.

Lucas 19:14

Jo̧bama la'aka luwo̧ baibobö i̧'yijayonö, itebo jojodöma jo̧banö tjöpöjödinobe. Jejenö öpöjödö, jobadöma ju'wedönö wetjinobe, inesö la'aka luwo̧nö yötjawobö: Bitema döpöjödökwe. Duluwo̧ baibanö kwujunobö döpöjöda, jö̧ba̧lö.

Lucas 19:16

Weawö̧ tjichinobe, ja̧danö jobadötjö abönö yöbawo̧ma yöawinobe: Chuluwo̧, kwiyinapi̧ baladasapi̧nö chotidijatö, ja̧danö edi, ja̧pi̧tjö domulataja jawa ö̧pi̧biya baibanö chotidajabe, jö̧ba̧lö.