Lucas 18:16 - Dios Iwene

¹⁶ Jo̧kwaijayonö tjichejebokobö wetjiökwe, Jesúsma öpöjödinobe, ja̧danö tjemu tjichobö ösödö weinobe: —¡Tjökeba̧laduwa! Tjemuma wainö chö̧jobekwö tjichakwedö. Jau chömöledö, tjemu tjomukwati̧danö omukwatadöda Dios la'aka luwo̧ ö̧jena tjö̧jakwedö, jo̧kwajabetjö̧ tjichoko jö̧ba̧lö webökönaduwi.

Lucas 18:16 Referans Kwoze

1 Corintios 14:20

Chömöledö, biya̧ yötawaja̧ jawa wajwibö kwomukwataduwa, tjemu wajwitji̧danö. Suli̧ jawa wajwiköbaduwobö chösöda chömöledö, bakwainö otiwi̧da kwomukwataduwo jö̧ba̧lö, jo̧kwaijayonö biya̧ yötawaja̧ jawa tjo̧'wo̧ luwo̧nö da̧peachadö tjomukwati̧danö jweinö kwomukwataduwobö chösöda.

1 Corintios 7:14

Jo̧kwaijayonö, bakwo̧ Jesúsnö öpöjödo̧ma ilekwo Jesúsnö ösödujukwö ja̧kwawa öpöjöditjö̧ma, ja̧danö bakwuju Jesúsnö öpöjödujuma jilekwe Jesúsnö ösödo̧kwö ja̧kwawa jöpöjöditjö̧ma, jo̧kwada, ölakwabikwawö tjö̧japji jö̧ba̧lö 'da̧bachibö tji̧'yena. Jau chömöledö, ölakwabikwawa jwiinö dö̧jobö jwöinobe Diosma. Ja̧danö, Jesúsnö öpöjödadö tji̧lȩkwa̧mu Jesúsnö ösödadökwö tjö̧jobö tjöpöjöditjö̧ma, 'da̧bachibö tji̧'yena. Jo̧kwaijayonö tji̧lȩkwa̧mukwö tjö̧jobö tjösöditjö̧ma, otiwa, jobadönö katjatiboko Jesúsnö ösödadöma. Ja̧danö, bakwuju Jesúsnö ösöduju jilekwema Dios ömöledöso̧danö ichejekwo̧, ja̧danö bakwo̧ Jesúsnö ösödo̧ ilekwoma, Dios ömöledösujudanö ichejekwuju. Jau chömöledö, jejenö jo̧be, jobadö tji̧tji̧mu Diosnö öpöjödadö tji̧tji̧mudanö tjichejekwapji jö̧ba̧lö. Ja̧danö, Dios ömöledödanö tjichejekwobetjö̧, tji̧tji̧munöbi edö ösödo̧ Diosma, chömöledödanöbedö jö̧ba̧lö.

1 Pedro 2:2

Jau chömöledö, ja̧ jawa kabatibö, balekwa̧da kwösödaduwo chömöledö. Wanedö yötawa, tjemu iya̧nö tjeminawö̧danö, kwo̧'wo̧ luwo̧ jawa lechedanö ji̧ma kwösödaduwo chömöledö, otiwanö kwöda̧peachaduwobö.

Hechos 2:39

Biya̧ wenema, O̧'wo̧ Luwo̧ tebachibö öjamatakwa̧ wenema, ökwödönöbi, ökwödötjö tupadanö jojodönöbi, ju'wedö ödö ju̧kwadönöbi Dios yöbawö junijetö. Okobe deinö Duluwo̧ Dios jwöinawö̧nöma biya̧ wenema yöbawö junijetö Diosma, iteda O̧'wo̧ Luwo̧ tebachibö öjamatakwa̧ wenema— yöbawijetö Pedroma.

Génesis 21:4

Ja̧danö, itji̧nö jemaja̧ tupakwö jelemutjö wa̧pötakwa möle baledibajena Abrahamma itji̧ ötade bajale sa̧do̧ 'wibebö lobijetö, Dios weinadanö.

Deuteronomio 29:11

kwitji̧muduwibi, ya̧döbi, kwö̧'da̧deduwi ju̧kwadö jelobetjö ichajadö kwömöayedöduwi imi pabö otidadöbi, ojwiyo wabö otidadöbi. Okobe deinö bakobe Dios öba a'o ko̧ko̧kwö ja̧döja,

Mateo 19:14

Jejenö wetjiökwe, Jesúsma öpöjödinobe, ja̧danö weinobe: —¡Tjökeba̧laduwa! Tjemuma wainö chö̧jobekwö tjichakwedö. Jau chömöledö, tjemu tjomukwati̧danö omukwatadöda Dios la'aka luwo̧ ö̧jena tjö̧jakwedö, jo̧kwajabetjö̧ tjichoko jö̧ba̧lö webökönaduwi— jö̧ba̧lö.

Lucas 18:15

Jojodöma tji̧tji̧mu ina tjemunö tjichejebinobe Jesús ö̧jobekwö, jobadönö mabö Diosnö aebobö, ja̧danö Jesúsma atjebi̧danö Diosnö aebinobe tjemunö. Jo̧kwaijayonö, jojodö tji̧tji̧munö tjichejebiawö̧, Jesús öba̧ja̧di̧ waisachadöma tjöpöjödinobe, ja̧danö jojodönö wetjinobe, kwi̧tji̧muduwinö ichejebökönaduwi jö̧ba̧lö.

Lucas 18:17

Isabenö yötawaduwakwö chömöledö, tjemu tjösödi̧danö Dios la'aka luwo̧ ö̧jakwa̧ ösödadöda jobe tetjachakwedö chömöledö, jo̧kwajabetjö̧ tjemu tjichoböma kwöpöjödaduwa— jö̧ba̧lö yöawinobe Jesúsma.