Lucas 15:4 - Dios Iwene

⁴ —Ökwödötjö bakwo̧ o̧bȩja̧dönö cienbedönö ujuna̧litjö̧ma, ja̧danö a̧jwi̧mutjö bakwo̧ ile'dewitjö̧ma, ¿jo̧banö isakwökenaji̧? Kwöwaisaduwa, isakwena, ¿jö̧tö? Ju'wedö noventa y nuevebedönö okobe junibö, le'dewajo̧nö isakwena öbadekwajenanö kabatö, ¿jö̧tö?

Lucas 15:4 Referans Kwoze

1 Pedro 2:25

Jau chömöledö, ajayinöma ökwödöma o̧bȩja̧dö le'dewinadödanö kwebachinadöja, jo̧kwaijayonö ökwödönö te'ada̧lo̧ Jesúskwö, kwo̧'wo̧ luwo̧duwinö tjöbeba̧lö te'ada̧lo̧kwö tjekachajinaduwobe.

Mateo 12:11

Jejenö atjebökwe, Jesúsma atadö abebö a̧ja̧kwinobe: —Ökwödötjö bakwo̧ ajwi obeja otikwökö möle laju okwa meitjö̧ma, ¿otikwökö mölejayonö obejanö do̧batö, laju okwatjö töebökenaji̧? Isabenö töebena, ¿jö̧tö?

Isaías 53:6

Jau, obejadö le'dewö tji̧'yidanö, okobe deinö ökwödöma bakwo̧nökwena dösödobekwö 'ya̧nö, Diostjö 'da̧bachibö di̧'yajabe, ja̧danö 'da̧bachibö di̧'yiökwe, ökwödönö lȩebo jö̧a̧linobe. Jo̧kwaijayonö, ökwödö dusulama, joba iteda ömöayo̧nöda öwaninobe Isabenö Jo̧ma, jo̧bada lȩekwa emakobetjö̧.

Lucas 13:15

Jo̧kwaijayonö jejenö yöa̧liökwe Duluwo̧ma atadinobe: —Ökwödö jejenö omukwatadöma sulabenö dötölatajanö omukwatadöja. Ökwödöma okobe deinö kwa̧jwi̧muduwinö ejatadöja, ¿jö̧tö? Otikwökö mölejayonö, kwajwi bulönöena, pakayaso̧nöena ejatö, öbibadöja ojwiyo owobö, ¿jö̧tö?

Romanos 2:1

Chömöledö, babe sulabenö ja̧badö ja̧tji̧ wene yöta̧laja̧ kwa̧ja̧kwaduwenama, idöma sulabedö jö̧ka̧laduwena, Diosma jobadönö lȩebitjö̧ma otiwena, sulabenö ja̧tji̧ mikwa, jö̧ba̧lö. Jejenö jö̧ka̧laduwenama, isabenö idöda jawada jö̧ka̧laduwokobe, i̧seböbi kwi̧sekwaduwobe, Dios ökwödönöbi lȩebobö jo̧be, jö̧ba̧lö. Jobadö ja̧tji̧ma, sula jö̧ba̧lö kwöwaisaduwijayonö, ja̧tji̧danö ja̧badöja ökwödöbi. Ja̧danö, Diosma ökwödönöbi lȩebobö jo̧be, jö̧ba̧lö kwi̧sekwaduwobe.

Lucas 15:3

Jejenö yötja̧liökwe, Jesúsma jobadönö wanedö yöawinobe baikwö: