Lucas 14:28 - Dios Iwene

²⁸ Jau chömöledö, bakwo̧ chöba̧ja̧di̧ waisacho̧ baibakwa̧ abönö jweinö omukwatobö jo̧be, isabenö woenanö kabatö chökömanö ichojobö jö̧ba̧lö, ja̧danö isabenö iteda ömöledönötjö bajalekwönönö ötjönöda ösödojobö jö̧ba̧lö, baikwö wanedö yötawa: Ökwödötjö bakwo̧ isaka möaka otidobö jö̧a̧litjö̧ma, otidakwa̧ abönö ¿bamatö öba̧ja̧dökenaji̧, ba̧jekwachenanö balada ujuna̧lojobö jö̧ba̧lö?

Lucas 14:28 Referans Kwoze

Proverbios 24:27

Ju'wibi yötawakwö chitji̧: Ajayinöma, kweju ina kwotidapjii batjo juwö, jubö, sobö, junö kwotido. Ja̧ otidö kakatajena kweju kwotido.

Mateo 10:22

Jau chömöledö, okobe deinö jojodöma ökwödönö tjöpöjödakobe, chöba̧ja̧di̧ waisachadö kwö̧jaduwobetjö̧, jo̧kwaijayonö ja̧ jawa tjo̧'wo̧ 'dibachibö baledadöma isabenö tjö̧jibakobe.

Lucas 14:33

Jau chömöledö, böjȩtjö abönö omukwatadöja, ja'öda kwöwaekwaduwapji jö̧ba̧lö, ja̧danö ötjö chöba̧ja̧di̧ waisachadö batjibobö omukwatadöbi jejenö jweinö omukwatönö tjomukwatobö jo̧be, isabenö chöba̧ja̧di̧ waisachadö batjibobö tjösödojobö jö̧ba̧lö. Ja̧danö, ötjö chöba̧ja̧di̧ waisachadöma wotjenanö kabatö jwaikwöda ötjönöda tjösödobö jo̧betjö̧, abönö otiwanö tjo̧mukwatobö jo̧be, isabenö chöba̧ja̧di̧ waisachadö batjibobö tjösödojobö tjöpöjödojobö jö̧ba̧lö. Ja̧danö, okobe jwiinö tjujuna̧li̧ mikwawökö ji̧ jö̧ba̧lö lödibö, chökömanö tjichobö tjöpöjöditjö̧ma, isabenö chöba̧ja̧di̧ waisachadö batjiboböma jwibadö— jö̧ba̧lö yöawinobe Jesúsma.

Hechos 21:13

Jejenö lȩdeabijayonö Pabloma jö̧a̧lijatö: —Kwubudekwabiduwatjö chömöledö. Jejenö kwubudekwabiduwobema jwiinö cho̧'wo̧ tjo̧tekwobe. Ötjöma Duluwo̧ Jesús ja̧ina yötawobetjö̧ jobetjö Jerusalénbetjö ötjönö do̧tjatitjö̧ma wainö do̧tjatakwo̧sa. Jesús ja̧ina yötawobetjö̧ kwabö lotjitjö̧bi wainö kwabö lotjakwo̧sa. Jejenö ötjönö baleditjö̧ma ötjöma, Jau kwatjö̧ma, do̧tjatena, kwabö lotjena, jö̧ba̧lo̧sa— jö̧a̧lijatö Pabloma.

Mateo 8:20

Jejenö yöa̧lökwe, Jesúsma atadinobe: —Chömöledöso̧, ötjöma cheju jwibo̧sa. Yo̧lo̧ko̧döma laju sobö tjabakwemi juna̧ladö, ja̧danö pji̧yu̧ma, tja'di̧ju juna̧ladö. Jobadö tjabakwemi tjujuna̧li̧danöma chujuna̧lökö chömöledöso̧. Ötjö jojo baibanö jeminökwema chabakwemi jwibo̧sa. ¿Isabenö chökömanö kwichobö jö̧ka̧liji̧, kwabakwemi jwibo̧ bakibanö?— jö̧ba̧lö atadinobe.

Lucas 14:27

Ja̧danö chömöledö, bakwo̧ towisa'o, iteda woakwa'o kabeibö, ötjö chökömanö ichobö öpöjöditjö̧ma, isabenö chöba̧ja̧di̧ waisacho̧ ö̧joböma jwibo̧.

Lucas 14:29

Otidakwa̧ abönö omukwatena, ja'öda balada 'dö̧ibiökwe kaatibapji jö̧ba̧lö, ¿jö̧tö? Jau chömöledö, otidakwa̧ abönö omukwatö öba̧ja̧dobö jo̧be, o̧do la'aka junajo̧, möakwö otidö ujunakwa̧ abönö balada 'dö̧ibiökwe kaatibapji jö̧ba̧lö, ja̧danö jejenö ja'ö kaatibiawö̧, jojodö jo̧banö obö,