Lucas 14:16 - Dios Iwene

¹⁶ Yöa̧liökwe, Jesúsma atadö wanedö yöawinobe baikwö: —Bakwo̧ pjiesta ujunobö omukwatinobe, jwiinö ba̧jekwadö otiwanö tjukwakwa̧ pjiestama. Ja̧danö ba̧jekwadönö a̧debinobe, pjiesta chujunocha, ja̧danö chujunenama ichö kwukwaduwo, jö̧ba̧lö.

Lucas 14:16 Referans Kwoze

Apocalipsis 22:17

Ikenama Dios O̧'wo̧ Luwo̧ma, Obeja Itji̧danö Jo̧ ilekwo baibanö emakwujukwö Jesúsnö jwötjobe cha̧ja̧kwijatö, Baikwö ichi, jö̧ba̧lö. Ja̧danö, jojodönöbi jwöobe cha̧ja̧kwijatö, Ökwödöbi bi'ye yöawi̧ a̧ja̧kwadöma, Jesúsnö jwöbaduwi, Ichi, jö̧ba̧lö. Jejenö cha̧ja̧kwijatö. Ja̧danö, Dios O̧'wo̧ Luwo̧ma yöawijatö: —Bakwo̧ ojwiyo o̧tinö jo̧nö ojwiyo iyo̧sa, mikwa jwiinö, ba̧kwȩlö̧jatebö ja̧kwawa ojwiyoma— yöawijatö, Dios O̧'wo̧ Luwo̧ma.

Apocalipsis 3:20

A̧ja̧kwaduwitjö chömöledö. Wanedö yötawa: Ötjöma apjude a'o ja̧nö, apjudenö 'do'doba̧lö te'ada̧lo̧sa, ötjönö ösödö tekataduwobö. Ja̧danö, bakwo̧ ötjö chiwene a̧ja̧kwö ösödo̧ma, apjude po̧bebö teatena tetachakwo̧sa, jo̧bakwö chukwobö.