Lucas 14:15 - Dios Iwene

¹⁵ Jejenö yöa̧liökwe, bakwo̧ Jesúskwö mesasötenö bo̧ma yöa̧linobe: —Isabenö tjo̧'wo̧ ösöwanö tjö̧jakwedö okobe deinö judío jojodö Dios la'aka luwo̧ ö̧jena pjiesta tjukwakwedöma— jö̧ba̧lö.

Lucas 14:15 Referans Kwoze

Apocalipsis 19:9

Ikenama ángelma weijatö ötjönöma, chiwȩyudobö: —Biya̧ yöta̧li̧ma wȩyudi. Obeja Itji̧danö Jo̧ ilekwonö emi̧ pjiesta jobe tjichobö a̧debajawö̧ma, tjo̧'wo̧ ösöwanö ichö tjedakwedö. Ja̧ yöta̧li̧ma Diosda yöawi̧, isabenö yöawi̧ma— jö̧a̧lijatö ángelma ötjönöma.

Lucas 22:30

Jau chömöledö, inesö la'aka luwo̧ ja̧nö, yöbawö wetocha, ja̧danö ökwödö chöba̧ja̧di̧ waisachadönö chiyobe, ötjökwö yöbawö weköbaduwobö. Jo̧kwajabetjö̧ ötjökwö luwedö kwö̧jaduwobetjö̧, ötjö ba̧nö chukwöte mesasötetjö ökwödöbi kwanöbi kwukwaduwakwedöja, ja̧danö owöbi kwowaduwakwedöja. Ja̧danö, ju'wibi Israel jojodö a̧li̧nösamutjö dösolataja saso jojodötjö tjuluwedö ja̧nö, luwedö tjiteaka wa̧kwawaökiya wamatö jobadönö yöbawö weköbaduwakobe— jö̧ba̧lö yöawinobe Jesúsma, iteda öba̧ja̧di̧ waisachadönöma.

Lucas 13:29

Ja̧danö, ökwödö okwa tekachaduwököjayonö, jawo̧ laebobekwötjöbi, ichobekwötjöbi, a̧li̧tjöbi, u'datjöbi ba̧jekwadö Israel jojodöböködöma ichö Dios la'aka luwo̧ ö̧jena mesasötenö bamatö tjukwakobe.

Mateo 25:10

Jo̧kwajabetjö̧, jobadö waisanö omukwatöködöma dejuwa'yu̧sobu emö tji̧'yinobe, ja̧danö tji̧'yaja̧ okobe, ilekwonö emajo̧ma ichibinobe. Ichibenama, pjiesta junö teachinobe, ja̧danö möayedö tetjachobö te'ada̧ladöbi jo̧bakwö pjiesta junö tetjachinobe. Tetjachaja̧ ikenama, apjude tjipje'datinobe.

Lucas 12:37

Ja̧danö, tjuluwo̧ ichibena ina eda̧lö̧ tjite'ada̧litjö̧ma, isabenö tjo̧'wo̧ ösöwanö tjö̧jakwedö joba̧ ömöayedöma chömöledö. Isabenö yötawaduwakwö chömöledö, ina te'ada̧lö tjö̧jiökwe, tjuluwo̧ma jobadönö ösödö iteda otidadö 'dutjawado̧ kamijido̧ 'duawena, ja̧danö iteda ömöayedönö weena, mesasötenö ba̧nö jo̧bada ite'ada̧lonö tjukwobö.

Mateo 8:11

Isabenö yötawaduwakwö, Mölejȩbe jo̧ Dios la'aka luwo̧ ba̧nö weenama, ba̧jekwadö Israel jojodöböködö jelobetjö ichajadöma ichö mesasötenö tjöbamatakobe Abrahamkwö, Isaackwö, Jacobkwö.

Lucas 22:16

Jau chömöledö, 'dö̧ibaji̧ möle okobe deinö Dios omöledökwö bakobe pjiesta dukwakobe, ja̧danö babe dukwaja̧ ikena, la'akatjöda yemidanö biya̧ pjiesta chukwökakobe, ja̧ Dios la'aka luwo̧ ö̧jena ja̧nö dukwakwa̧ pjiesta badekwachenanö kabatö— jö̧ba̧lö yöawinobe Jesúsma.