Lucas 13:35 - Dios Iwene

³⁵ Jo̧kwajabetjö̧, edaduwi, beju kwejuduwi Dios ejuma, jojodö deeju ji̧bakobe, ötjönö kwöpöjödaduwobetjö̧. Ja̧danö ökwödönö yötawa, bemi tupakwöma la'akatjöda yemidanö ötjönö kwedaduwökena, 'dö̧ibaji̧ möle yemidanö chichenanö kabatö. Ja̧ möle yemidanö ötjönö kwedaduwenama, ötjönö ösödö, Bite Duluwo̧ iminö icho̧ma, isabenö Dios otiwanö pjaatökwe, jö̧ba̧lö ötjönö yöka̧laduwakobe— jö̧ba̧lö yöa̧linobe Jesúsma, Jerusalénnö ju̧kwadönö.

Lucas 13:35 Referans Kwoze

Juan 12:13

Jo̧kwaobetjö̧ walie ö̧ji̧yadanö 'wibebajadö do̧ba̧lö e'ewö Jesús ichobekwö tji̧'yinobe. Ja̧danö Jesús ichobe edö jwötjeba̧linobe: —Bitenöda dösödonö, Otiwanö jo̧, jö̧ba̧lö. Duluwo̧ Dios weinökwenö, Israel jojodö tjuluwo̧nöma dösödo, Otiwanö icha, jö̧ba̧lö— jwötjeba̧linobe.

Mateo 21:9

Ja̧danö Jesús abönö 'ya̧döbi, ökömanö ichadöbi jwötjeba̧linobe: —Bite David itji̧ tupadanö jojonö dösödaduwo. Isabenö o̧'wo̧ ösöwanö jo̧, Duluwo̧ weökwe icho̧ma. Mölejȩbe jo̧ Diosnö dösödaduwo— jö̧ba̧lö jwötjeba̧linobe.

Lucas 21:24

Jobadötjö ba̧jekwadönö kwölöte'onö kwabö lotjakobe, ja̧danö jobadötjö ba̧jekwadönö tjitjebotjö öbibö, ju'wedö judío jojodöböködö tjitebokwena tjö̧jobö ötjibakobe. Ja̧danö, jemi tupakwö Jerusaléntjö judío jojodöböködöda webö tjö̧jakobe, Dios jobadö webö tjö̧ji̧tjö latjebobö ujunina möle badekwachenanö kabatö— jö̧ba̧lö yöawinobe Jesúsma.

Isaías 52:7

Ayö, otiwa jawa wene yötjawakwedö tjichi̧ma jwiinö otiwobe, mösa'ijutjö tjömasapiya edö, —Jwiinö otiwobe, —jö̧ba̧lö edadösa. Jau, wene jwiinö dö̧jakwa̧ wene yöbawö ichadö, do̧'wo ösöwachibanö ja̧kwawa jawa yöbawö ichadö, otiwanö dö̧ji̧bakwa̧ jawa yöbawö ichadönö edö ösödadösa. Jau, Sion mösa'o ju̧kwadönö yöbawadö, —Kwuluwo̧ Diosma webö jo̧, —jö̧ba̧lö, ja̧danö ja̧ wene yöbawadö tjichi̧ma do̧'wo ösöwachibanö edadösa.

Mateo 23:37

Jesúsma Jerusalénnö ju̧kwadönö o̧'wo̧ tjo̧achö yöa̧linobe: —Ökwödö Jerusalénnö ju̧kwadöwe. Ökwödöma Dios yöawi̧ yöbawadönö kwabawö lobadöja, ja̧danö ökwödönö yötjawobö Dios weawö̧nö inawiya ikwawö lobadöja. Isabenö nöinö ökwödönö wo̧batö chite'ada̧lobö chösödijatö, akalasuju ji̧tji̧munö jo̧wa̧ja̧pa̧ teebe ko̧ko̧dö junö jite'ada̧li̧danö, jo̧kwaijayonö kwöpöjödaduwobe.

Lucas 19:41

Ja̧danö, Jerusalén comunidad yöneawobe ichibö, comunidad edenama, Jesúsma Jerusalénnö ju̧kwadönö o̧'wo̧ tjo̧achö ubudekwinobe, baikwö yöba̧lö: