Lucas 13:27 - Dios Iwene

²⁷ Jo̧kwaijayonö jejenö yöka̧laduwijayonö, ökwödönö yöa̧lakobe: Yötawaduwakwö, isabenö wajwitawö̧ja, detjö ichadöjö, jö̧ba̧lö. Tetatökö ökwödönöma. Chö̧jelö da̧ja̧duwi okobe deinö ökwödö sulabenö ja̧badöma, jö̧ba̧lö atadakobe.

Lucas 13:27 Referans Kwoze

Mateo 25:41

Jemi ikenama wajwitobekwöchobe ju̧kwadönö yötawocha: Ökwödö sulabedöma chö̧jelö labebaduwi. Dios Awetjanöbi, iteda ömöayedönöbi lȩebobö Dios otidö ujuninola ökwöla nöolabe 'ya̧duwi, jobetjö Dios lȩebi̧tjö kwemaduwo jö̧ba̧lö.

Lucas 13:25

Eju luwo̧ a̧laibö apjude utumataja̧ ikenama, teachakwawa jwiakobe. Jau chömöledö, ida̧ökö jeju okwa kwö̧jaduwökötjö̧ma, apjude a̧petukwöchobe ja̧nö jwökeba̧laduwena: Duluwo̧, apjude po̧bebi tedachobö, jö̧ba̧lö. Jo̧kwaijayonö okwatjö atadena: Ökwödönö wajwitawö̧ja, detjö ichadöjö, jö̧ba̧lö, ökwödönö atadena, apjude po̧bebö tetatökö ökwödönö, jö̧ba̧lö.

2 Timoteo 2:19

Jo̧kwaijayonö, ju'wedö tjösödi̧ waekwijayonö, Dios yöbawö ujunina wenema waekwokobe, la'akatjöda söawachokobe. Jau Timoteo, Diosma isabenö wene ujuninobe, inawa pjolachibököwadanö. Wanedö yötawa: Diosma isabenö wenesawa inawa ujuninobe, ja̧danö jawanö seyudanö wȩyukwawa jo̧be, ja̧danö baikwö laebobe wȩyukwi̧ma: Diosma iteda ömöledönö waiso̧, jö̧ba̧lö laebobe, ja̧danö ju'wibi laebobe: Okobe deinö Duluwo̧ ömöledösa jö̧ba̧ladöma, sulabetjö 'da̧bachibö tji̧'yobö jo̧be, jö̧ba̧lö laebobe.

Gálatas 4:9

Jo̧kwaijayonö babema ida̧ökö Diosnö kwöwaisaduwobe, Aaa, baikwö yötawa, Diosma ida̧ökö ökwödönö waiso̧ chömöledö, jo̧kwajabetjö̧ ¿tajawedö yemidanö suli̧ jawa, julu jwii̧ böjȩ weawa jawakwö tjekachajaduwobö kwösödaduwobeda chömöledö? ¿Tajawedö yemidanö ja̧ jawa ömöayedödanö bakibaduwobö kwösödaduwobeda?

1 Corintios 8:3

Jo̧kwaijayonö Diosnö ösödo̧ma, Dios öwaisökwe ö̧jobe jo̧bama.

Mateo 25:12

Jwötjeba̧lökwe, ilekwonö emajo̧ma atadinobe: Wajwitawö̧ja. Ökwödönö tetatökö, jö̧ba̧lö.