Lucas 13:23 - Dios Iwene

²³ Ja̧danö, kweachonö bakwo̧ Jesúsnö abebö a̧ja̧kwinobe: —Duluwo̧, Dios lȩebi̧tjö tjö̧jibakwedöma, ¿dokwa ba̧jekwadö tjö̧jibakwa̧da? ¿Ja'yubedöda tjö̧jibakwa̧ji̧?— jö̧ba̧lö. Abebö a̧ja̧kwiökwe Jesúsma atadö wanedö yöawinobe baikwö:

Lucas 13:23 Referans Kwoze

Mateo 7:14

Jau chömöledö, ja̧kwawa jawasade apjudema, ja'yuwade, ja̧danö ja̧kwawa manama, wayama, ja̧danö ja'yubeda jojodö jade apjude badekwajadö. Jade ja'yuwadenöda tekachaduwo chömöledö— jö̧ba̧lö wanedö yöawinobe Jesúsma.

Mateo 22:14

Jau chömöledö, isabenö ba̧jekwadönö iteda yöbawö weena tetjachobö a̧debobe Diosma, jo̧kwaijayonö jobadötjö ju'wedönöda omudawö ujunobe, tetjachobö— jö̧ba̧lö yöawinobe Jesúsma.

Mateo 20:16

Jau chömöledö, ja̧ wanedö yötawaja̧danö, babe mikwawöködö jö̧ba̧lö tjomukwatawö̧ma, ju'wedötjö o̧penönö mikwawadö tjö̧jakobe, ja̧danö babe nöinö mikwawadö jö̧ba̧lö tjomukwatawö̧ma, mikwawöködö tjö̧jakobe— jö̧ba̧lö yöawinobe Jesúsma.

Mateo 19:25

Jejenö yöawiawö̧ Jesús öba̧ja̧di̧ waisachadöma tjöbajale jalaka baibanö tja̧ja̧kwinobe, nöinö juna̧ladöma isabenö Dios ömöledötjena jö̧ba̧lö omukwatajitjobetjö̧, ja̧danö Jesúsnö abebö tja̧ja̧kwinobe: —Jobadö nöinö juna̧ladönö waiyitjö̧ma, ¿ju'wedöja? ¿Bakwo̧bi ö̧jibobö jo̧beji̧?— jö̧ba̧lö abebö tja̧ja̧kwinobe.

Lucas 13:22

Jesúsma tjo̧'omanö kwebachö i̧'yinobe Jerusalénbe, ja̧danö 'ya̧nö, comunidadtenia techaiabö, jojodönö yöbawö kweachinobe Jerusalénbe.

Lucas 13:24

—Chömöledö, apjude ja'yuwadebenö tekachaduwobö jwaikwöda kwisakwaduwo, jade utumatakwa̧ abönö. Jau chömöledö, ba̧jekwadö tetjachobö tjisakwakobe, jo̧kwaijayonö tetjachoböma jwiakobe, utumatakwa̧ abönö ja'yuwadebenö tetjachokobetjö̧.