Lucas 13:22 - Dios Iwene

²² Jesúsma tjo̧'omanö kwebachö i̧'yinobe Jerusalénbe, ja̧danö 'ya̧nö, comunidadtenia techaiabö, jojodönö yöbawö kweachinobe Jerusalénbe.

Lucas 13:22 Referans Kwoze

Lucas 9:51

Ja̧danö, ja'yubenö lekwajabetjö, Jesús mölejȩbe ȩwa̧jakwa̧ yöneawachibenama, Jesúsma Jerusalénbe i̧'yobö omukwatö ujuninobe.

Mateo 9:35

Jesúsma okobe jwiinö ja̧ niji bakwameachibanö kweachinobe, okobe jwiinö jobe comunidadtenia 'ya̧nö. Ba̧nö tja̧ja̧kwa̧lejutenia ba̧jadö, ja̧danö jelobetenia yöbawö kweachinobe, otiwa jawa wene Dios la'aka luwo̧ ö̧jakwa̧ jawa wene yöbawö, ja̧danö okobe jwiinö tjö'wöchi̧, ja̧danö usula tjemawi̧ otidö loinobe.

Hechos 10:38

Ja̧danö, kwöwaisaduwa Diosma webijetö iteda O̧'wo̧ Luwo̧nö Jesús, Nazaretnö da̧peachinakwö ö̧jobö. Ujulubi iyijetö Diosma Jesúsnöma. Ja̧danö, Diosma Jesúskwö ö̧jobetjö̧, Jesúsma okobe jwiinö i̧'yobema otiwanö pjabatö 'yi̧jetö. Otiwanö otidiabijetö okobe deinö Awetja sulabenö ja̧inawö̧nöma, Diosma jo̧bakwö ö̧jobetjö̧.

Marcos 6:6

Ja̧danö, Jesúsma, itebonö ju̧kwadönö edö o̧'wo̧ tjo̧ babibijetö, ¡Bidöwe! ¿Tajawedö tjöpöjödobe yötawawö̧?, jö̧ba̧lö. Ikenama ju'wi comunidadesbe 'yi̧jetö, jobe ju̧kwadönö yöbawö.

Lucas 13:23

Ja̧danö, kweachonö bakwo̧ Jesúsnö abebö a̧ja̧kwinobe: —Duluwo̧, Dios lȩebi̧tjö tjö̧jibakwedöma, ¿dokwa ba̧jekwadö tjö̧jibakwa̧da? ¿Ja'yubedöda tjö̧jibakwa̧ji̧?— jö̧ba̧lö. Abebö a̧ja̧kwiökwe Jesúsma atadö wanedö yöawinobe baikwö: