Lucas 13:15 - Dios Iwene

¹⁵ Jo̧kwaijayonö jejenö yöa̧liökwe Duluwo̧ma atadinobe: —Ökwödö jejenö omukwatadöma sulabenö dötölatajanö omukwatadöja. Ökwödöma okobe deinö kwa̧jwi̧muduwinö ejatadöja, ¿jö̧tö? Otikwökö mölejayonö, kwajwi bulönöena, pakayaso̧nöena ejatö, öbibadöja ojwiyo owobö, ¿jö̧tö?

Lucas 13:15 Referans Kwoze

Lucas 14:5

Jejenö otidö lobajo̧, Jesúsma jo̧banö eda̧ladönö abebö a̧ja̧kwinobe: —Ökwödötjö bakwo̧ kwitji̧ena, kwajwi pakayaso̧ena otikwökö möle laju okwa meitjö̧ma, ¿jo̧kwada jö̧ba̧lö pjakataduwökenaji̧? Aaa, otikwökö möleobetjö̧ pjatatökö ¿jö̧ka̧laduwenaji̧? Ökwödötjö bakwo̧bi, Otikwökö möle, jö̧ba̧lö kwitji̧nöena, kwajwinöena ¿pjakatökenaji̧? Ja̧maökö, okobe deinö pjabatö tököbaduwena, ¿jö̧tö?— jö̧ba̧lö abebö a̧ja̧kwinobe Jesúsma.

Mateo 23:28

Ökwödöbi ja̧danö, wamenö otiwadödanö kwichejekwaduwijayonö, okwanö dötölatajanö omukwatadöja, ja̧danö Dios weökö jawa ja̧badöja.

Lucas 12:1

Yelösöda ba̧jekwadö jojodöma tjoko̧ko̧kwachibinobe, ja̧danö yelösöda ba̧jekwadö tjo̧ko̧kwachibobetjö̧ ja̧tabikwawö tjö̧jinobe. Ja̧danö, jojodö ichö tjo̧ko̧ko̧kwonö, Jesúsma iteda öba̧ja̧di̧ waisachadönö yöawinobe: —Chömöledö, wanedö yötawa, te'ada̧lönö kwö̧jaduwo, fariseo jojodö tjujuna̧li̧ ye'yeachi̧ jawa ökwödönöbi ye'yeachapji jö̧ba̧lö. Jobadö tjujuna̧li̧ ye'yeachi̧ jawama dötölatajanö omukwatakwawa, baikwö labebö lobö yötawa chömöledö. Jobadöma okwanö sulabenö tjo̧mukwatijayonö, wamenö otiwanö omukwatadödanö tjichejekwobe, ja̧danö tjomukwatobe, sulabenö domukwatijayonö wene jwia, la'akatjöda sulabenö domukwati̧ma öwawökakobe— jö̧ba̧lö wanedö yöawinobe—.

Lucas 6:42

Jejenö ösöte kwöbajalenö a̧jijayonö, kwömöledöso̧nö yöba̧ladöja, Kwöbajaletjö iso̧pja̧ loköbobö pjatatakwö, jö̧ba̧lö. Jo̧kwaijayonö ösöte kwöbajalenö a̧jöte kwedökötjö̧ma, ¿dakwö otiwanö edö kwömöledöso̧nö pjakatobö? Jejenö ja̧bo̧ dötölatajanö omukwato̧nö baikwö yötawa: Abönö ökwöda kwöbajaletjö towisöte emawö loköbo, ikena emö lobajo̧, otiwanö kwedena, kwömöledöso̧ öbajaletjö iso̧pja̧ emö loköbobö— jö̧ba̧lö wanedö yöawinobe Jesúsma.

Mateo 23:13

Tupakwö yöawinobe Jesúsma: —¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma isabenö usula kwemawaduwakwedöja, Dios la'aka luwo̧ ö̧jena teachakwawemi pje'data̧lö tjöbeba̧lö kwö̧jaduwobetjö̧. Ökwödöma Dios la'aka luwo̧ ö̧jena tebachöködöja, ja̧danö ju'wibi ju'wedö Dios la'aka luwo̧ ö̧jena tetjachapji jö̧ba̧lö tjöbeba̧ladöja.

Mateo 15:7

Ökwödö dötölatajanö omukwatadönö badekwachobe Dios yöawi̧ yöbawo̧ Isaías damötjö iwȩyudinama:

Mateo 7:5

Jejenö ja̧bo̧ dötölatajanö omukwato̧nö baikwö yötawa: Abönö ökwöda kwöbajaletjö towisöte emö loköbo. Ikenama lobajo̧, otiwanö kwedena, kwömöledöso̧ öbajaletjö i̧so̧pja emö loköbobö— jö̧ba̧lö wanedö yöawinobe Jesúsma.

Isaías 29:20

Ja̧ möle jojodönö suli̧ waedadö deakobe, ja̧danö sulabenö obadöbi deakobe. Ja̧danö okobe deinö suli̧ tjöwaedotö jö̧ba̧lö isakwadönö söbebö loakobe Diosma,

Proverbios 11:9

Ja̧danö ju'wibi yötawa: Diosnö öpöjödo̧ma ömöledöso̧nö sulabenö omukwatö yöawobetjö̧, ömöledöso̧nöna suli̧ öwaedobe. Jo̧bekwö baledokobe Dios wei̧ a̧ja̧kwo̧nö. Dios wei̧ a̧ja̧kwo̧ma Diosnö öpöjödo̧ yöawi̧ a̧ja̧kwena öwaisobe, omöna yöba̧lo̧, suli̧ öwaedobö yöbalo̧, jö̧ba̧lö. Jobekwö öwaisachibobetjö̧ Dios wei̧ a̧ja̧kwo̧ma Diosnö öpöjödo̧tjö̧, suli̧ waedo̧tjö̧ ö̧jibakwo̧.

Diosnö ösödo̧ Job mikwo̧ usula emawina jawa 34:30

Jau, Diosda tjöbeba̧lo̧ma, Diosnö öpöjödadöma inesö la'aka luwedö ja̧nö, jojodönö webö tjö̧japji jö̧ba̧lö, jadanö jojodönö suli̧ waedö 'daliwa tjönapji jö̧ba̧lö.

Lucas 7:13

Ja̧danö, Jesús wobajo̧ ojo'donö edenama, jobujunö lȩlö̧jinö edinobe, ja̧danö jobujunö: —Budekwökönuwi— jö̧ba̧lö yöa̧linobe.

Lucas 7:19

ja̧danö yötjawökwe Juanma iteda öba̧ja̧di̧ waisachadönö duju̧tajanö jwöinobe, ja̧danö jobadönö weinobe Duluwo̧nö abebö tja̧ja̧kwobö, baikwö: Dios weakwo̧ jö̧a̧linökwe ichakwo̧ma ¿ökwödaji̧? Jelo̧ tupakwö ichakwo̧nöda ¿dite'ada̧lobö jo̧beji̧? jö̧ba̧lö Jesúsnö abebö tja̧ja̧kwobö weinobe Juanma.