Lucas 12:9 - Dios Iwene

⁹ Ja̧danö, böjȩtjö ötjönö öpöjödö, Jesúsnö öpöjödo̧sa, jö̧ba̧lö jojodö tjöba a'otjö yöbawadönöma, ötjöbi Dios ömöayedö ángelesdö tjöba a'otjö chöpöjödakobe, chömöledöböködö jö̧ba̧lö.

Lucas 12:9 Referans Kwoze

2 Timoteo 2:12

Ja̧danö, usula tjemawijayonö tjo̧'wo̧ 'dibachibö baledadöma, ju'wibi tupakwö Cristokwö luwedö batjibanö yöbawö tjö̧jakwedö. Ja̧danö, Cristonö ösödökönö, Duluwo̧bö̧kö̧ Cristoma, jö̧ba̧lö öpöjödadöma, ju'wibi Cristo öpöjödakwawö̧, Chömöledöböködö, jö̧ba̧lö.

Lucas 9:26

Isabenö mikwawobe chömöledö, yötawi̧ ösödö chökömanö kwichaduwobö chömöledö. Jau chömöledö, böjȩnö ja̧nö bakwo̧ ötjönö öpöjöditjö̧ma, ja̧danö yötawi̧ öpöjöditjö̧ma, ötjöbi balekwa mikwa jo̧banö chöpöjödakobe 'dö̧ibaji̧ möle yemidanö chichenama. Jau chömöledö, ötjö jojo baibanö jeminökwema ötjöda dejatinö chujulubi Chabe'do Dios dejatinö ujulubi, Dios ömöayedö ángelesdö tjujulubi i̧sebö chichocha, ja̧danö ötjönö öpöjödadönö balekwa mikwa chöpöjödakobe, chömöledöböködö jö̧ba̧lö.

Marcos 8:38

Isabenö yöta̧la, babe ju̧kwadö sulabenö ja̧bö tjuju̧kwobe, Diosnö öpöjödö böjȩ jawada ösödö. Bakwo̧, ötjönö öpöjödinö jo̧ma baikwö baledakwo̧. Ju'winö ötjöma, jojo babibö öwabachinama, yemidanö böjȩkwö chichenama ötjönö öpöjödo̧nö ötjöbi chöpöjödakobe. Isabenö ju'winö, Dios dewinö dejatinö böjȩkwö yemidanö chichena, suli̧ jwibadö ángelesdökwö chichenama, ötjöbi jo̧banö edö chöpöjödakobe— yöbawijetö Jesúsma iteda öba̧ja̧di̧ waisachadönö.

Mateo 10:33

Jo̧kwaijayonö okobe deinö böjȩtjö Jesúsnö dösödökökwe jö̧ba̧ladönö, ötjöbi mölejȩbe jo̧ Chabe'donö jobadönö yötawocha, Chömöledöböködö, jö̧ba̧lö— yöawinobe Jesúsma.

Apocalipsis 3:8

Chömöledö ökwödö kwö̧jaduwi̧ma chöwaisa. Yelösöda kwime'dawaduwobe ji̧jayonö ina, ötjö wetina a̧ja̧kwö kwö̧jaduwobedanö ja̧. Ja̧danö, kwime'dawaduwijayonö ina ötjönö kabatibökökönö, Jesúsnö do̧'wo̧ wana̧ladösa, jö̧ba̧lö, otiwanö kwö̧jaduwobe. Jo̧kwaobetjö̧ ökwödönö apjude po̧bebo̧danö po̧bebo̧sa, chiwene yöbawö labebö kwi̧'yaduwobö. Ötjödasa po̧bebo̧ma. Bakwo̧, Po̧bebökönuwi, jö̧ba̧lo̧ma deobe.

Mateo 7:23

Jejenö yötja̧lijayonö, baikwö chatadakwo̧sa jobadönö: Chö̧jelö döbibajaduwi, la'akatjöda wajwitawö̧ja ökwödö sulabenö ja̧badönöma, jö̧ba̧lö chatadakwo̧sa— jö̧ba̧lö yöawinobe Jesúsma.

1 Juan 2:23

Chömöledö jejenö omukwato̧ma, Jesús Dios Itji̧bö̧kö̧, jö̧ba̧lö, Dioskwö dötewinö 'yö̧kö̧. Jo̧kwaijayonö Jesúsnö ösödo̧ma, Jesúsma Dios Itji̧, dö̧jibinö imidawobö weinökwe, jö̧ba̧lö, Dioskwö dötewinö 'yo̧.

Mateo 25:12

Jwötjeba̧lökwe, ilekwonö emajo̧ma atadinobe: Wajwitawö̧ja. Ökwödönö tetatökö, jö̧ba̧lö.

1 Juan 2:28

Jo̧kwaobetjö chi̧tji̧mu chösödawö̧, ökwödönö yemidanö yötawa. Jwaikwöda tupakwö kwi̧'yaduwo Cristokwö dötewinö. Jejenö kwi̧'yaduwo, Cristo yemidanö ichenama yöka̧laduwakobetjö̧, Chuluwo̧ ökwökwö dötewinö 'ya̧dösa, jö̧ba̧lö. Jejenö Cristokwö dötewinö kwi̧'yaduwobetjö̧ ju'winö jo̧banö kwedaduwena taba jwiinö kwedaduwakwedöja, yemidanö böjȩkwö ichenama.

Mateo 25:41

Jemi ikenama wajwitobekwöchobe ju̧kwadönö yötawocha: Ökwödö sulabedöma chö̧jelö labebaduwi. Dios Awetjanöbi, iteda ömöayedönöbi lȩebobö Dios otidö ujuninola ökwöla nöolabe 'ya̧duwi, jobetjö Dios lȩebi̧tjö kwemaduwo jö̧ba̧lö.

Mateo 25:31

Tupakwö yöawinobe Jesúsma: —Ötjö jojo baibanö jeminökwema, yemidanö chichocha, ja̧danö chichenama, dejatinö chujulunö okobe deinö chömöayedö ángelesdökwö chichocha, inesö la'aka luwo̧ batibanö. Ja̧danö, wa̧kwawaka inesö salöinö dewakanö chöbamatocha,

Lucas 15:10

Mölejȩbetjöbi ja̧danö, bakwo̧ sulabenö ja̧bö jo̧ sulabenö omukwati̧ kabatibö öbalewachenama, Diosma iteda ömöayedö ángelesdökwö o̧'wo̧ ösöwachibanö ö̧jobe— jö̧ba̧lö yöawinobe Jesúsma.

Lucas 22:57

Jejenö yöja̧liökwe Pedroma atadö omöna yöa̧linobe: —Jojosuju, wajwitökwe jo̧ba Jesúsnöma— jö̧ba̧lö.