Lucas 12:57 - Dios Iwene

⁵⁷ Tupakwö yöawinobe Jesúsma: Ja̧danö, kwömöledökwö wene kwujuna̧laduwenama, ¿tajawedö ökwödöda yöba̧lakwawö otikwö loköbaduwokobeda? ¿Tajawedö ökwödöda yöba̧lakwawökönö lȩekwa luwo̧ öba a'o kwi̧'yaduwobeda?

Lucas 12:57 Referans Kwoze

Juan 7:24

Yökawaduwi̧ma, Biya̧ ja̧awa otiwa, biya̧ ja̧awa sula, jö̧ba̧lö, jweinö yökawaduwokobe. Juluwanö, wame jawa edöda kwomukwataduwobe, Ja̧ma sula, sulabenö ja̧a, jö̧ba̧lö. Jejenömaökö. Jojodö tjomajade okwa tjomukwati̧ kwöwaisaduwobö kwisakwaduwo, jweinö, waisachibö yökawaduwobö— yöawinobe Jesúsma judío jojodönöma.

Deuteronomio 32:29

Isabenö waisanö omukwatadö tjö̧jitjö̧ma, jobadönö lȩtebakwa̧ tjöwaiso jö̧tja̧linena, –Dios wei̧ a̧ja̧kwökönö dö̧jitjö̧ma, isabenö ökwödönö lȩebakwo̧, –jö̧ba̧lö.

1 Corintios 11:14

Kwöwaisaduwa chömöledö. Ömadö tjöwö'ye ödöa'ye tjujunalitjö̧ma, taba lö̧ji̧ jawa jo̧be jobadönöma, ¿jö̧tö?

Lucas 21:30

'Yayi̧ öjiya pjoawobe kwedaduwenama, kwöwaisaduwobe, imiamema tjo̧wi̧ yöneawachiba jö̧ba̧lö, ¿jö̧tö?

Mateo 21:32

Jau, Juanma ökwödönö ja̧kwawa jawa mana i̧sebö yöawinajayonö, jo̧ba yöawi̧ öpöjödinadöja, jo̧kwaijayonö jobadö sulabedö impuesto ötjabi̧ balada emadöbi, putabedöbi Juan yöawi̧ tjösödinobe. Ja̧danö, jobadö Juan yöawi̧ tjösödi̧ kwedinaduwijayonö, sulabenö kwomukwati̧ kabatiböma kwöbalewachinaduwokobe, ina jo̧ba yöawi̧ kwösödinaduwokobe. Jo̧kwajabetjö̧, jobadö sulabedö Dios la'aka luwo̧ ö̧jakwa̧ tetjachijayonö, jobema tebachöködöja— jö̧ba̧lö yöawinobe Jesúsma, ö'weje pjabatadönöbi, Moisés iwȩyudina ba̧ja̧dadönöbi.

Hechos 2:40

Pedroma ina nöinö yöbawijetö, jojodönö lȩbebö: —Diosma kwö̧jibaduwinö pjaataduwokwö abebaduwi, Jesúsnö ösötenö bȩbinadö lȩebakwawö̧ tjemi̧danö ökwödöbi kwemaduwapji, jö̧ba̧lö— yöbawijetö.

Mateo 21:21

Atjebökwe, Jesúsma atadinobe: —Isabenö yötawaduwakwö chömöledö, Diosma isabenö atebi̧danö ja̧akwo̧ jö̧ba̧lö Dios ujulu ösödö, waekwena jö̧ba̧lö omukwatökönö Diosnö akebaduwitjö̧ma, towi kököbachibö woobö ja̧taja̧danö ja̧köbaduwena chömöledö, jo̧kwaijayonö ja̧damaökö. Jau chömöledö, jwaikwöda Dios ujulu ösödö bi'o mösa'o, Pjolachibö ojwe okwa babibi, jö̧ba̧lö weköbaduwitjö̧ma, weköbaduwaja̧danö baibakobe.

1 Corintios 11:13

Jau chömöledö, baikwö yötawa ökwödöda kwomukwataduwobö, ya̧dö jojodö tjöba a'otjö tjuu mucheibökönö Diosnö atjebobö otiwojobö, sulojobö jö̧ba̧lö: