Lucas 12:43 - Dios Iwene

⁴³ Ja̧danö, la'aka luwo̧ ȩwa̧jenama, jo̧ba ömöayo̧ma weinadanö ja̧bö ö̧jitjö̧ma, isabenö o̧'wo̧ ösöwanö ö̧jakwo̧ jo̧ba ömöayo̧ma, ¿jö̧tö?

Lucas 12:43 Referans Kwoze

Lucas 12:42

Abebö a̧ja̧kwökwe Jesúsma atadö wanedö yöawinobe: —Chömöledö, la'aka luwo̧ ömöayo̧ otiwanö iteda uluwo̧ wei̧ ja̧bö ö̧ji̧danö kwö̧jaduwo. Baikwö wanedö yötawa: Bakwo̧ la'aka luwo̧ma, jelobe i̧'yakwa̧ abönö iteda ömöayedötjö bakwo̧nö weinobe, iteda eju jawa ite'ada̧lobö, ja̧danö ju'wedö uluwo̧ ömöayedönö te'ada̧lö, tju̧kwa kwakwawa tjukwo jö̧tja̧lena iyobö.

Lucas 12:44

Jau chömöledö, otiwanö wei̧danö ja̧bö ö̧jiökwe, la'aka luwo̧ma jo̧banö ujunena, okobe jwiinö ujuna̧li̧ itea te'ada̧lo̧ baibanö, ¿jö̧tö?

Proverbios 27:18

Ju'wibi yötawa, wanedö: Higo towi te'ada̧lo̧ma ¿taji emakwo̧da? Jo̧bama higo towinö wa̧ji̧ opobiya 'döbö emo̧, ukwakwa̧ma. Ja̧danö, bakwo̧ tjuluwo̧nö otiwanö te'ada̧lo̧ma ¿dakwö emakwo̧da? Jo̧bama tjuluwo̧ ösödi̧ emakwo̧, bitema ötjönö otiwanö te'ada̧lo̧, jö̧ba̧lö ösödi̧ma.

Isaías 56:2

Jobekwö, —Dios wei̧ a̧ja̧kwö dö̧jo, —jö̧ba̧lö 'diinö ja̧nö, weti̧ a̧ja̧kwö ju̧kwadönöma, isabenö otiwanö pjatatakwawö̧. Jau chömöledö, —Otikwökö möle kwotidaduwoko, —jö̧ba̧lö weti̧ a̧ja̧kwö, otikwökö möle otiwanö otidöködö, ja̧danö sulabenö ja̧tjapji jö̧ba̧lö teada̧lönö ju̧kwadöma, isabenö otiwanö pjatatakwawö̧.

Mateo 24:46

Ja̧danö, la'aka luwo̧ ȩwa̧jenama, jo̧ba ömöayo̧ma weinadanö ja̧bö ö̧jitjö̧ma, isabenö o̧'wo̧ ösöwanö ö̧jakwo̧ ömöayo̧ma, ¿jö̧tö?

Lucas 12:37

Ja̧danö, tjuluwo̧ ichibena ina eda̧lö̧ tjite'ada̧litjö̧ma, isabenö tjo̧'wo̧ ösöwanö tjö̧jakwedö joba̧ ömöayedöma chömöledö. Isabenö yötawaduwakwö chömöledö, ina te'ada̧lö tjö̧jiökwe, tjuluwo̧ma jobadönö ösödö iteda otidadö 'dutjawado̧ kamijido̧ 'duawena, ja̧danö iteda ömöayedönö weena, mesasötenö ba̧nö jo̧bada ite'ada̧lonö tjukwobö.

2 Pedro 3:14

Jau chömöledö, Dios 'yayöjȩ otidobö te'ada̧ladösa ökwödöma. Jo̧kwajabetjö̧ ja̧ baledakwa̧ möle baibobö dite'ada̧lonö, jwaikwöda wene jwiinö kwö̧jaduwobö kwisakwaduwo, ökwödönö edö, bakwainö sulabenö ja̧böködönöda Duluwo̧ edakobetjö̧.